Luk 3:4-6

Ore buŋoine oi kajeqouŋ ŋi Aisaiaji quraŋgame iŋore Biŋe Quraŋgo iŋi pega, “Kiŋaŋ mimerereŋ moji moreŋ buroineo oŋgaku gome raru buŋoine iŋi manenimiŋ, ‘Ofonji wareiŋ-oo! Ore eru jaueru kadiine bataniŋgainebi. Maŋ-ŋaŋuŋ botiŋgaru kadiine reuinebi. Kadi wone sosowo kemagabi poretiŋ fukeiŋ. Tuku fuŋqoduine sosowo oi qomukuru kega reubi rondiŋ fukeiŋ. Kadi kekekasiineke oi bobiaŋgabi poretiŋneiŋ. Gbinji kadi bakaigame siombeŋsaombeŋ pega, oi ketigaru bataniŋgabi posikeiŋ. Anutuji seŋgiŋbaŋgiŋ Rauine soreme wareko moreŋine moreŋine sosowo yoŋoji oi ŋoneru mane mukunimiŋ.”