Rukasi 4:9-12

Ãmẽ ajaire Jerusarẽ taa kyty ãjãgai rõvijã weraa Jesu. A'e pè Jesu wenõe Janejare'e moe'ea retã apyterà 'aryvo. Yvate'e tesõ mã'ẽ 'aryvo weraa. Ãmẽ a'e 'aryvo tui kupa remẽ, kee e'i mijẽ ãjãgai rõvijã Jesu pè: – Aje ywete Janejare'e Ra'yry tẽ tesõ ene remẽ, yvy kyty nepo kuwa ike wyi neo. Neremãnõ'ãi nepo remẽ. A'evo jaa rè kee e'i itõkõ ojikusiwapa Janejare'e kareta rè: “Janejare'e wemĩgwai yvapewarà kõ omuutà toja'a nere. A'e kõ nepykĩtà terejipyjuka e'ã takuru rè”, e'i maekwerà. [Epo ajawyi esa!] e'i rã'ãga ãjãgai rõvijã ijupe. Ãmẽ kee e'i Jesu ijupe: – [Ãnĩ! Napõ'ãi.] Kee e'i itõkõ Janejare'e ayvu jikusiwarerà: “Terã'ã e'ã ikõ rejupa nẽ”, e'i Janejare'e jane, e'i Jesu ãjãgai rõvijã pè imogwe ky'y.