Juwão 21:15-17

Ajaire orojimi'u paire, e'i Jesu Simão Peturu pè: – Simão, Juwão ra'yry. Aã nereirõarà kõ erauvay. Ene pa'e? Ene ywesõ põ erauvay rejupa iwyi kõ? e'i Peturu pè. – Õ'õ. Nekuwa oroauvay, e'i Peturu ijupe. Ajare Jesu e'i: – Ajawyi erima kaneiru ra'yry vo mãe kõ ikõ tereko katu ajawyi nẽ, e'i ijupe. E'i jẽ Jesu ijupe: – Simão, Juwão ra'yry, “Aje ywete oroau”, ere ãmãtè põ ije? e'i mijẽ Peturu pè. – Õ'õ. Nekuwapa aje ywete oroau, e'i ijupe. – Erima kaneiru kõ awi ereko katu, e'i mijẽ ijupe. Ajaire e'i mijẽ Jesu Peturu pè: – Simão, Juwão ra'yry, aje ywete põ erauvay rejupa? e'i ijupe. Moapy rõmõ tesõ e'i ijupe ky'y. Ajawyi Simão Peturu ijãgyoay ky'y, moapy rõmõ tesõ Jesu aepo e'i ijupe rewarà mõ. Ãmẽ e'i Jesu pè: – Õ'õ, pirujẽ nekuwa mã'ẽ tè ene. Ajawyi nekuwapa oroauvay, jõvijã, e'i ijupe. E'i jẽ Jesu ijupe: – Erima kaneiru vo mãe kõ ereko katu ajawyi, e'i mijẽ Jesu ijupe.