Kawkanta 12
12
(Kanta ni Dabid)
Pamakirawat simpri nin tambay
1Manambay ka, Pangino-on, ta ayin anan natilà ya mahampat ya tawo; ayin ana simprin tawoy tapat. 2Kaganawan tawo ay ampibobongkokan ana boy hay anhalita-en la ha miha ta miha ay pawpangoto-otò.
3Pategenen mo dayi, Pangino-on, ba-in ya tawtawoy ampaghalità nin pawpangoto-otò boy kawkabongkokan. 4Hay anhalita-en la ay ombayri: “Maghalità kayi anggan labay nawen, boy ayin nin makapategen konnawen. Ma-in warì makadikta konnawen nin halita-en nawen?”
5Hapa-eg, hinalità nin Pangino-on, ya wana, “Banà ha pagka-apih boy pandodoma-ing nin ampipanga-ilangan ay pakarani ko konla, ta hay naboyot laynan anhangaren ya protiksyon ay igwà ko konla.”
6Hay pawpangakò nin Pangino-on ay mapahimala-an, ta habayti ay bilang ha talagan pilak ya kapitoy bisis nin hinobok nin imparaan ha apoy emen mag-in poro.
7Pangino-on, pirmi mo kayin ilibri boy i-atap ha tawtawoy mangala-et. 8Hay tawtawoy mangala-et ay anti ha maski ayrin dogal bayri ha babon lotà, boy balang miha ay an-ipagmapori ya kala-etan.
Currently Selected:
Kawkanta 12: sblNT
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. All rights reserved.
