Koroŋ Ta Boozomen Un 27:28-29

Anutu ko ikam tolou ki saamba ma isu pu, mi ipembeeze toono ku ma mbuyeene, bekena ipiyooto kini mi baen ma boozo kat. Zin karkari ko timbeeze pu. Mi toono pakan ka tomtom bizin ko tilek kumbun pu. Nu ko we biibi pa toŋmatiziŋ ku. Mi nom lutuunu bizin ko tilek kumbun pu. Zin wal ta so tipiri sua sananŋana pu, inako zitun tisaana. Mi zin wal ta so tisuŋ Anutu be ikampe u, inako zitun tikam kampeŋana tomini.”