Sakaryas 13
13
No Kadalos Yapod Gatos
1Binata ni ĀPO a Manakabalin a kāna, “Do dāwrinchi a araw, maywangan anchiw akbod a nāw na moyog a para dyirad kapotōtan saya ni Dabid kan tawotawo saya a omyan do Jerosalem. Iyaw nya akbod, ki mangdalos sira do gatos da kan kalapos da.
2“Do dāwrinchi a araw, abohen konchiw ngaran dan didyosen saw a yapo do dawri a tana a Joda tan apabanchiw makanakem so ngaran da. Paksyaten ko sanchiw sinan propīta saw kan ispirito no malapos. 3An myan sanchiw magparang a propīta, batahen danchi no mismwaw a āmang kan ānang na a kon da, ‘Machita madiman ka, ta nangibahey kas bayataw do ngaran ni ĀPO.’ On, an mangipadto, ki siranchiw mismwaw a inyapwan naw, mangbagkong sya.#13:3 Deot. 18:20; 13:6-10.
4“Do dāwrinchi a araw, kāda propīta, ki iyasnek nanchiw parmata na a ipadto. Apabanchiw maylaylay so makersang a laylay no propīta tan makaallilaw. 5Basbāli a ilibak nanchi a kāna, ‘Propīta kwaba. Asa kwaw a homakahakaw, ta yapo pad kadēkey ko a nawriw paybibyayan ko.’ 6As an myan anchiw mangyahes, ‘Na, āngo saw bigar#13:6 Siraw propīta dan kadwan saya nasnasyon, ki tagatagahen daw mismo a inawan da. 1 Ār. 18:28; Leb. 19:28; Deot. 14:1 sayan barōkong mo?’ batahen nanchi a kāna, ‘Nahap kwaw do bahayaw no sīt ko saw.’”
No Nakadiman Magpaspastor Kan Nakapaychawpit Dan Karniro
7Nyaw batahen ni ĀPO a Manakabalin a kāna,
“Mayokay ka, imo a ispada, as kadarop mos magpaspastor kwaya
iyaw masingedaya dyaken!”
“Dimanen mo tan maychawpit saw karnirwaya.
Daropen ko sanchiw orbon a karniro.”#13:7 Mat. 26:31; Mk. 14:27
8Tinongtong ni ĀPO a binata a kāna,
“Do intīrwaw a tana,
dadwa anchi a apagkatlo a tawotawo madiman,
as asa dananchi a apagkatlo matokos.”
9“Parahanen ko sanchi do apoy apagkatlwaw
tan madalosan sa a akmas kapanyipowaw so pirak kan balitok.
Tawagan danchiw ngaran ko,
as kan atbayen ko sanchi.
Ibahey konchi a sira, ki tawotawo ko,
kan ibahey danchi a kon da, ‘Si ĀPO, ki Dyos namen.’”
Currently Selected:
Sakaryas 13: ivb
Highlight
Share
Copy
Want to have your highlights saved across all your devices? Sign up or sign in
© 1996, Wycliffe Bible Translators, Inc. All rights reserved.
