ⵎⵔⴾⵙ 16
16
ⵜⵏⴾⵔⴰ ⵏ ⵗⵢⵙⴰ ⴹⵗ ⵜⵎⵜⵏ⵿ⵜ
ⵎⵍ ⵓⴰ ⴶⴰ ⵏ⵿ⴶⵍⵙ ⵜⵏⴾⵔⴰ ⵏ ⵗⵢⵙⴰ ⴹⵗ ⵜⵎⵜⵏ⵿ⵜ
1ⵙ ⴾⵢ ⵤⵍ ⵓⵏ ⵜⵙⵏ⵿ⴼⵓⵜ ⵜⵏ⵿ⴾⵔ ⵎⵔⵢⵎⴰ ⵎⴹⵍ ⴹ ⵎⵔⵢⵎⴰ ⵜⴰ ⵜⵔⵓⵜ ⵢⵆⵀ ⴹ ⵙⵍⵎⴰ ⵤⵏ⵿ⵤⵏⵜⴹⵓ ⴹⵜⵏ ⵤⴹⵏⵏ ⵢⵜⵏⵙⵍⵍⵏⵜ ⵜⵗⵙⴰ ⵏ ⵗⵢⵙⴰ⵰ 2ⴶⵍⵏⵜ ⵗⵔⴰ ⵗⵔ ⴶⵎⴹ ⵏ ⵜⴼⴾ ⵤⵍ ⵓⵏ ⵍⵈⴹ ⴾⵏⵜ ⵤⴾⴰ⵰ 3ⴶⵍⵏⵜ ⵜⵏⵎⵏⵏⵜ ⴶⵔⵙⵏⵜ «ⵏⴾⵏⵜⵢ ⴹⴰ ⵎⴰ ⴹⵏⵤⵙⵗⵔⵔⴹⵏ ⵜⵂⵏ⵿ⵜ ⵜⴰ ⵜⵂⵔⵜ ⵤⴾⴰ⵰» 4ⴹⴾⵍⵏⵜ ⵙⵓⴹⵏⵙⵏⵜ ⵏⵢⵏⵜ ⵙ ⵜⵂⵏ⵿ⵜ ⵜⵏⴹ ⵜⵜⵓⵙⵗⵔⵔⴹ ⵙⴹⵢ⵰ ⵜⵂⵏ⵿ⵜ ⵜⵏ ⴹⴰ ⵤⴰ ⵜⴾⵏⴰ ⵜⵤⵓⵔ⵿ⵜ⵰
5ⴶⵤⵏⵜ ⵤⴾⴰ ⵏⵢⵏⵜ ⴹⵗⵙ ⵍⵙ ⵏⵎⵓⴹ ⵏⵙⵎⵍⵍ ⵆⵎ ⴹⵗ ⵗⵍⵏⵙⵏⵜ ⵔⵎⵗⵏⵜ⵰ 6ⵏⵙⵏⵜ «ⴹ ⵓⵔ ⵜⵔⵎⵗⵎⵜ⵰ ⵗⵢⵙⴰ ⵓⵏ ⵏⵤⵔⵜ ⵓⴰ ⵜⵓⵜⵢⵜⵢⵏ ⴼⵍ ⵜⴶⵜⵓⵜ ⵙ ⵜⵙⴶⴹⵎⵜ⵰ ⵓⵔ ⵍⴰ ⴹⴰ⵰ ⵏ⵿ⴾⵔⴹⵓ ⴹⵗ ⵜⵎⵜⵏ⵿ⵜ⵰ ⵏⴾⵎⵜ ⴹⴶ ⵓⵙ ⴾⵍⴰ ⴹⵗⵙ ⵜⵏ⵿ⵙⴰ ⵜⵗⵙⵏⵜ⵰ 7ⵎⵔⴹⴰ ⴶⵍⵎⵜ ⵜⵎⵍⵎⵜ ⵢ ⵏⵜⵍⵀⵏⵜ ⵂⵔⴾⴹ ⵀⵜⵔⵙ ⵙ ⴹⵙⵏⵏⵤⵔ ⵙⴾⵍ ⵓⵏ ⴶⵍⵍⵢⴰ⵰ ⴹⵏ ⴹⴰ ⵜⵤⵜⵏⵢⵎ ⵙⵎⴾ ⵓⵙ ⴹⵓⵏ⵿ⵜⵏⴰ⵰» 8ⵜⵤⵔ ⴶⵎⴹⵏⵜⴹⵓ ⵤⴾⴰ ⵤⵍⵏⵜ ⵜⴶⴰ ⴹⵗⵙⵏⵜ ⵜⵢⵙⵙ⵿ⵜ ⵙⵎⴾⵍⵍ ⵙⵔⵙⵏⵜ ⵓⴰ ⴶⵏ ⴹⵏ⵰ ⵓⴰ ⴶⵏⵜ ⴹⵗ ⵜⵔⵎⵆ ⵓⵔ ⵜⵍⴰ ⵢ ⵙⵏⵏⵜ ⵔⵜ ⴹⵗ ⵜⵔⵢⵜ⵰
ⵏⴼⵍⵍ ⵏ ⵗⵢⵙⴰ ⵢⵢⵜⴹⵏ ⴶⵜⵏⵏ
9ⵗⵔⴰ ⵏⵤⵍ ⵓⵏ ⵍⵈⴹ ⴹⵏ⵿ⴾⵔ ⵗⵢⵙⴰ ⴹⵗ ⵜⵎⵜⵏ⵿ⵜ ⴶⴰ ⵏⴼⵍⵍⵏⵜ ⵓⴰ ⵤⵔⵏ ⵢ ⵎⵔⵢⵎⴰ ⵎⴹⵍ ⵜⵙ ⴾⵍⴰ ⴹⵗⵙ ⴾⵙ ⵙⴰ ⴾⵍⵙⴼ⵰ 10ⵜⴶⵍⴰ ⵜⴶⴰ ⵙⵍⵏ ⵢⵢⵜⴹⵏ ⵓⵏ ⵙ ⴾⵍⴰ ⵜⴹⵓⵏ ⴹ ⵗⵢⵙⴰ⵰ ⵙ ⵜⴶⵓ ⵓⵏ ⵗⵛⴹⵏ ⵎⵏⵙⵏ ⵂⵍⵏ ⵀⵏⵜ⵰ 11ⵎⵛⵏ ⵙ ⵙⵍⵏ ⵙ ⴹⵔ ⵜⵏⵢⵜⵓ ⴶⵢⵏ ⵙⴹ ⵤⴶⵤⵏⵏ ⵓⵏ⵰ 12ⴹⴼⵔ ⵓⵏ ⵏⴼⵍⵍ ⵗⵢⵙⴰ ⵙ ⵜⵎⵓⵜ ⵢⵜ ⵢⵛⵏ ⴹⵗ ⵏⵍⴾⵎⵏⵜ ⵌⵓⵏ⵿ⴾⵜⵏⵏ ⴹⵗ ⵙⴼ⵰ 13ⵜⵤⵔ ⵆⵍⵏ ⵢⵔⵙⵍⵎ ⵎⵍⵏ ⵓⵏ ⵢ ⵏⵍⴾⵎⵏ ⵓⵏ ⵂⴹⵜⵏⵏ ⵎⵛⵏ ⵏ⵿ⵜⵏⵢ ⴹⴰ ⵓⵔ ⴹⵙⵏⵜⵓⵤⴶⵤⵏ ⵓⵏ⵰
ⵤⵎⵤⵍ ⵓⴰ ⴶⴰ ⵗⵢⵙⴰ ⵢ ⵏⵜⵍⵀⵏⵜ ⵙⴹⵏⵜ ⴾⵜⵏⵜ
14ⴹⴼⵔ ⵓⵏ ⵏⴼⵍⵍⴹⵓ ⵗⵢⵙⴰ ⵢ ⵏⵜⵍⵀⵏⵜ ⵓⵏ ⵎⵔⵓ ⴹⵢⵏ ⴹⵗ ⵎⵤⵢ ⴹⵗ ⵜⵜⵏ⵰ ⵙⵗⵍ⵿ⵜⵏ ⵜⴶⵏⴰ ⵏⵀⴰ ⵏⵤⴶⵤⵏⵙⵏ ⴹ ⵜⴶⵔⵎⵎ⵿ⵜ ⵏ ⵓⵍⵏⵙⵏ ⴼⵍⵙ ⵓⵔ ⵤⴶⵤⵏⵏ ⵢⵢⵜⴹⵏ ⵓⵏ ⵜⵏⵢⵏⵏ ⴹⴼⵔ ⵜⵏⴾⵔⵏⵜ ⴹⵗ ⵜⵎⵜⵏ⵿ⵜ⵰ 15ⵏⵙⵏ «ⴶⵍⵓⵜ ⵜⵍⵍⵎ ⴹⵏⵜ ⴾⵜⵏⵜ ⵜⵎⵍⵎ ⵙⵍⵏ ⵏⵍⵏ⵿ⵌⵍ ⵢⴹ ⵜⵍⴰ ⵓⴹⵏ⵰ 16ⵢ ⵤⴶⵤⵏⵏ ⵜⵓⵙⵍⵎⵗ ⴹⵗ ⴹⵗ ⵎⵏ ⵙⵙⵎⵏ ⴹ ⴶⵔⵓ ⴼⵙⵏ⵰ ⵎⵔⵏ ⵓⴰ ⴶⵢⵏ ⵙⵤⴶⵤⵏ ⴹ ⵜⵓⵔ ⵜⴹⵀ ⵏ ⵎⵛⵏⴰ⵰ 17ⵏ⵿ⵜⵏⵜⵢ ⴹⴰ ⵍⵗⵍⵎⵜⵏ ⵛⵏ ⵤⴰ ⵜⵓⵏⵢⵏⵏ ⴼⵍ ⵢⵜⴹⵏ ⵓⵏ ⵙⵔⵢ ⵤⴶⵤⵏⵏ ⴹ ⴾⵙⵏ ⴾⵍⵙⴼ ⴹⵗ ⵢⵜⴹⵏ ⵙ ⵜⵔⵏⴰ ⵏⵙⵎⵏ ⵛⵓⵍⵏ ⵓⵍⵏ ⵏ ⵜⵓⵛⵜⵏ ⵓⵔ ⵤⴹⵢⵏ 18ⵎⵔⵏ ⴾⴹ ⴹⴾⵍⵏ ⵜⵛⵍⵏ ⵙ ⴼⵙⵏⵙⵏ ⵓⵍⴰ ⵛⵓⵏ ⵙⵏ⵿ⵙⴶ ⴹⴰ ⵓⵔ ⴹⵙⵏ⵿ⵤⵗⵛⴹ ⴹⵢ ⵓⵍⴰ⵰ ⵙ ⵙⵓⵔⵏ ⴼⵙⵏⵙⵏ ⵎⵔⵏⵏ ⴹ ⵤⵢⵏ⵰»
ⵜⵓⵗⵍⵢ ⵏ ⵗⵢⵙⴰ ⵌⵏⵓⵏ
19ⴶⵙⵏ ⵎⵍⵢ ⵗⵢⵙⴰ ⵀⵜⵓ ⵜⵏ ⵗⵙ ⵎⴹⴾⵍ ⵙ ⵌⵏⵓⵏ ⵆⵎ ⴹⵗ ⵗⵍ ⵏ ⵎⵛⵏⴰ⵰ 20ⵏ⵿ⵜⵏⵢ ⵎⵔⵏ ⴶⵍⵏ ⴹ ⵎⵍⵏ ⵙⵍⵏ ⵏⵍⵏ⵿ⵌⵍ ⴹⵗ ⴹⴶ ⴾⵍ⵰ ⵍⵍⵙⵏ ⵎⵍⵢ ⵙⵛⵗⵍ ⵓⵏ ⵙⵜⴹⵓ ⵓⴰ ⴶⵏⵏ ⵙⵍⵗⵍⵎⵜⵏ ⵎⵙⵏⵏ ⵜⵍⵎⵗⵌⵌⵜⵏ ⵛⵏ ⵜⴶⵏ⵰
Currently Selected:
ⵎⵔⴾⵙ 16: TTQtg
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
