ⴶⵜⵏ 6
6
ⵙⴰ ⵎⴹⵏ ⵓⵏ ⵜⵓⵙⵏⴼⵔⵏⵏ ⵢⴹ ⵍⵍⵏ ⵢ ⵏⵎⵤⵍ
1ⵤⵎⵏ ⵏ ⵏⵍⴾⵎⵏ ⵏ⵿ⵗⵢⵙⴰ ⵜⵜⵢⵏ ⵓⵍⵏ⵰ ⵓⵢⴹⵓ ⵓⵏ ⵙ ⴶⵜⵏ⵿ⵜⵏⵏ ⴾⵍⵍⵢⵂⴹ ⵓⵏ ⵛⵓⵍⵏⵏ ⵜⵍⵢⵏⵏ⵿ⵜ ⴼⵍ ⴾⵍⵍⵢⵂⴹ ⵓⵏ ⵛⵓⵍⵏⵏ ⵜⵍⵗⵀⵔⵜ ⴼⵍⵙ ⵓⵔ ⵜⵜⵓⴶⴰ ⵎⵙⵏⵜ ⵜⵍⵗⵜ ⴹⵗ ⵜⴹⴹⵏⵙⵏ ⵛⵏ ⵙ ⵀⴰ ⵎⴹⵏⵙⵏⵜ ⵗⵔ ⵜⵤⵏ⵿ⵜ ⵜⴰ ⵜⵓⴶⵏ ⵎⵏ⵿ⵙⵓⵏ ⴾ ⵤⵍ⵰ 2ⴹⵢ ⴼⵍ ⵙⵙⴶⵏ ⵏⵎⵤⵍ ⵓⵏ ⵎⵔⵓ ⴹⵛⵏ ⵎⵏⵢ ⵜⵂⴰ ⵍⵌⵎⵗⵜ ⵏⵍⴾⵎⵏ ⵏ⵿ⵗⵢⵙⴰ ⴾⵍ ⵏⵏⵙⵏ «ⵓⵔ ⵂⵔ ⴹ ⵏⵢⵓ ⵎⵍ ⵏⵓⵍ ⵏⵎⵛⵏⴰ ⴼⵍ ⴹ ⵏⵏⵜⴼ ⴹⵜⵤⵏ⵿ⵜ ⵏⵎⵏ⵿ⵙⵓⵏ⵰ 3ⴹⵗ ⴹⵢ ⵎⴹⵔⵢⵏⵏⴰ ⵙⵏⴼⵔⵏⵜ ⴹⵗⵓⵏ ⵙⴰ ⵎⴹⵏ ⵙ ⵜⴶⴰ ⵎⵙⵏⵜ ⴼⵍ ⵍⵗⵏⵙⵏ ⴹⴾⵔ⵿ⵜⵏ ⵏ⵿ⴼⵙ ⵓⴰ ⵤⴹⴶⵏ ⵎⵙⵏ ⵎⵙⵏⵏ ⵜⵏⵙⵏⵜⴼ ⴹⵛⵗⵍ ⵓⴹⵢ⵰ 4ⵏⴾⵏⵢ ⵎⵔⵏ ⵏⴶⵎⴹ ⵙⴶⵢ ⵏ⵿ⵜⵓⵜⵔⵓⵏ ⴹⵛⵗⵍ ⵓⵏ ⵎⵍ ⵏⵓⵍ ⵏⵎⵛⵏⴰ ⵗⵙ⵰» 5ⵜⵏⵜ ⵜⵏ ⵜⴶⵎ⵿ⵜⵜ ⵍⵌⵎⵗⵜ ⴾⵜⵏⵜ⵰ ⵜⵤⵔ ⵙⵏⴼⵔⵏⵏ ⵙ⵿ⵜⴼⵏⵙ ⵎⵙⵏ ⵍⵙ ⵤⴶⵤⵏⵏ ⵓⵍⵏ ⴹⴾⵔ⵿ⵜⵓ ⴹⵗ ⵏ⵿ⴼⵙ ⵓⴰ ⵤⴹⴶⵏ ⴹⴼⵍⵀⵙ ⴹⴼⵔⴾⵔⵙ ⴹⵏⴾⵏⵔ ⴹⵜⵎⵏ ⴹⵀⵔⵎⵏⵙ ⴹⵏⴾⵍⵢⵙ ⵓⵏ ⵗⵔⵎ ⵏⵏ⵿ⵜⵢⵈⵢⴰ ⵙ ⴾⵍⵏⵜ ⴹⵏ ⵓⵏ ⴾⵍⵍⵢⵂⴹ ⵂⴰ⵰ 6ⵜⵤⵔ ⵙⵀⴹⴹⵏ⵿ⵜⵏ ⴹⵜ ⵏⵎⵤⵍ ⵙⵓⵔⵏ⵿ⵜⵏ ⵏⵎⵤⵍ ⴼⵙⵏ ⵜⵔⵏⵙⵏ⵰ 7ⴹ ⵜⵢⵜⵢ ⵜⵓⵙⵗⵎⵔ ⵓⴰ ⵜⵓⴶⵏ ⵢⵓⵍ ⵏⵎⵛⵏⴰ⵰ ⵜⵤⵔ ⵜⵢⵏ ⵏⵍⴾⵎⵏ ⵏ⵿ⵗⵢⵙⴰ ⵓⵍⵏ ⴹⵗ ⵢⵔⵙⵍⵎ ⴼⴹⴰ ⵂⴹⵏ⵿ⴹⵓ ⵍⵎⵎⵏ ⵏ⵿ⴾⵍⵍⵢⵂⴹ ⴶⵜⵏⵏ ⵙ ⵗⵢⵙⴰ ⵤⴶⵤⵏⵏ ⵙ ⵍⵎⵙⵈ ⵎⵙ ⵍⴾⵎⵏ ⵢⵓⵙ ⵎⵔ⵰
ⵜⵔⵎⵙ ⵏⵙ⵿ⵜⴼⵏⵙ
8ⵙ⵿ⵜⴼⵏⵙ ⵍⵙ ⵎⵙ ⴾⵏⵏ ⴶⵔⵓ ⵏⵔⵈⵎⵜ ⴹⵜⵔⵏⴰ ⵏⵎⵛⵏⴰ⵰ ⵜⵎⵤⵍ ⴹⵜ ⵢⵜⴹⵏ ⵔⵜⵏ ⵙⵎⴾⵍⵍⵏⵏ ⴹⵜⵍⵎⵗⵌⵌⵜⵏ ⵎⵙⵏⵏ ⵍⵗⵍⵎⵜⵏ ⵤⵓⵔⵏⵏ⵰ 9ⵜⵤⵔ ⵏ⵿ⴾⵔⵏ⵿ⴹⵓ ⵢⵜⴹⵏ ⵓⵢⴹ ⵏⵂⵏ ⵏⵍⵗⵀⴹⴰ ⵏ⵿ⴾⵍⵍⵢⵂⴹ ⵓⵙ ⵜⵓⵏⵓ «ⵓⴰ ⵏ⵿ⴹⵔⴼⵏ» ⵙ ⵓⵢⴹ ⴹⵗⵙⵏ ⴾⵍⵍⵢⵂⴹ ⵏⵆⵔⵓⵏ ⵓⵢⴹ ⵏ ⵗⵔⵎ ⵏⵍⵙⴾⵏ⵿ⴹⵔⵢⴰ ⵓⵢⴹ ⵏ ⴾⵍ ⵓⵏ ⴾⵍⴾⵢⴰ ⴹ ⵓⵏ ⵙⵢⴰ ⴹ ⵜⵎⵤⵗⵏ ⴹⵙ⵿ⵜⴼⵏⵙ⵰ 10ⵎⵛⵏ ⵓⵔ ⵜⵍⴰ ⴹⵔ ⴹⵏⴾⵏ ⵎⵙⵏⵜ ⵜⴰ ⵜⴾⴼⴰ ⵏ⵿ⴼⵙ ⵓⴰ ⵤⴹⴶⵏ⵰ 11ⵜⵤⵔ ⵔⵤⵎⵏ ⵢ ⵎⴹⵏ ⵓⵢⴹ ⴹⵗ ⵙⵔ ⴼⵍ ⴹ ⵙⵓⵔⵏ ⵙ⵿ⵜⴼⵏⵙ ⵀⵂⵓ ⵏⵏ «ⵏⵙⵍⵙ ⵜⴶⵓ ⵀⵜⵜⵏ ⵎⵙⵏⵏ ⴾⵙ ⵏ⵿ⵜⵔⵏⴰ ⵢ ⵎⵛⵏⴰ ⵎⵙⵏⵜ ⴹⵗ ⵀⴰ ⵏ⵿ⵙⴼⵔⵔ ⵏⵏⵀⵢ ⵎⵙⴰ⵰» 12ⴶⵏ ⵙⵓⵏ ⵍⵂⵎ ⴹⵗ ⵜⵎⵜⵢ ⴹⵎⵤⵔⵏ ⵏ⵿ⴾⵍⵍⵢⵂⴹ ⴹⵎⵙⵏⵏ ⵏⵜⵓⵔⵜ⵰ ⵓⵔ ⵙⵍⴰ ⵙ⵿ⵜⴼⵏⵙ ⵓⵍⴰ ⵙ ⵜⴹⵙⵏ ⵢⵜⴹⵏ ⵀⵤⵏ⵿ⵜⵓ⵰ ⵓⵢⵏ⵿ⵜⵓ ⵙⵙⴶⵓⵔ ⵓⴰ ⵤⵓⵔⵏ ⵏ⵿ⴾⵍⵍⵢⵂⴹ⵰ 13ⵜⵤⵔ ⵙⵀⴹⴹⵏ ⵛⴶⵢⵓⵏ ⵏⵀⵂⵓ ⵏⵏⵜ «ⵍⵙ ⵓⴰ ⵓⵔ ⵜⵎⵤⵢ ⴹⵀⵢⴾ ⵏⵂⵏ ⵓⴰ ⵤⴹⴶⵏ ⵓⴰ ⴹⵜⵓⵔⵜ⵰ 14ⴶⵎⴹ ⵛⴾ ⵙ ⵏⵙⵍⵙ ⵙ ⵏⴰ ⵍⴾⵎ ⴹ ⵌⵀⵔⵌⵜ ⵗⵢⵙⴰ ⴹⵢ ⵏⵤⵔⵜ ⴹⵢ ⵂⵏ ⵓⴰ ⵙⵎⵜⵢ ⵍⵗⴹⵜⵏ ⵛⵏ ⴹⵏⴹⵢⴰ ⵏⵀⵢ ⵎⵙⴰ⵰» 15ⴶⵔⵏ ⵢⵜⴹⵏ ⴾⵜⵏⵙⵏ ⵓⵏ ⵙⴶⵓⵔ ⵛⵜⵓⵏ ⴹⵗ ⵙ⵿ⵜⴼⵏⵙ ⵆⵍ ⵙⵔⵙⵏ ⴹⵎⵏⵜ ⵤⵏ ⵏ ⵏ⵿ⴶⵍⵙ⵰
Currently Selected:
ⴶⵜⵏ 6: TTQtg
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
