Lucas 3:4-6

Heini is kebpenurù ni Juan, iyan kegketuman te netagnà he insurat dengan ni Esaias te ebpeneuven te Megbevayà su ke si Esaias te, “Duen etew ziyà te tanà he wazà duen ed-ubpà he etew. Ne egkezineg sikandin te menge etew he edangep kandin is egkag̵i te, ‘Meg̵aan ebpekeuma is Nengazen. Hig̵ewani niw is ibayè din; tendanga niw is dalan he ed-ikulen din, he ke và dà egkeg̵iya, endami niw is kebpekeuma zin. Ne tembaki is menge zal-ug; ne emun nenlebilebi haazà is ibayà, ne petag̵a. Ne emun nengepekùpekù ne kinahanglan he tendanga, ne emun duen menge mibuketur ne kinahanglan he ebpenhayen. Ne zutun ibpaahà te Megbevayà te tivuuk he menusiyà is edsug̵uen din he Menluluwas.’ ”