2 Kurintu 5:18-19

Ne ini se behu ne itungan ne riyà ebpuun te Eleteala. Su sabap dut te mid-ulaula ni Hisu Kristu, ne in-awà dut te Eleteala ke ked-engkenà tew kandin. Ne insarig din keytew ne menge mibperetiyaya te ebpesebutan dut te menge etew mekeatag te mid-ulaula rin su apey rin egketelimà sikandan. Iyan dey ibpemesabut ne midsuhù te Eleteala si Hisu Kristu su apey ruen dalan te kebpesehad din te menge salà tew su apey ebpekidseveka kiyu kandin. Ini se Meupiya ne Tudtul ne insarig din kenami te kebpemesabut diyà te menge etew.