Matiu 6

Vahe zamaza hu'zamofo naneke

1 Vahe'mofo avure fatgo avu'ava nehnanke'za kagezankura kva huo, monafi mani'nea Negfa'a mizana onkamigahie.

2 Hanki kagrama zamunte omne vahe'ma zamaza hunka zamisunka, ufenkrafahu vahera huzmantege'za ufre'za ugota osiho, havige vahe'mo'za mono nompine (sinagog) kantegane nehaza knara osiho, e'ina hanankeno'a vahe'mo'za kagi erisaga hugahaze. Nagra tamage hu'na nermasmue, hago zamagra mizazmi'a eri'naze. 3Hianagi zamunte omne vahe zamaza hanunka, atregeno hoga kzamo'a, tmaga kzamoma hania zana onkeno, 4e'ina hunka oku'a amigeno, oku'a nehiaza me'negeno negea Negafa, Anumzamo'a mi'zana kamigahie.

Nunamu huzamofo naneke

(Luk 11:2-4)

5 Nunamu hunaku hanunka, havige vahe'mo'za nehazankna osuo. Na'ankure zamagra mono nompi oti'za mani'ne'za, megi'a kampine oti'ne'za nunamu nehazage'za, vahe'mo'za negazazana osiho. Tamage hu'na Nagra neramasmue, zamagra ko miza zimia eri'naze. 6Hianagi kagrama nunamu hunaku hanunka, nomofo agu'afi ufrenka, kafa erikitenka Negafantega oku'a nunamu huo. Hugeno oku'aza negea Negfa'a mizana kamigahie.

7 Nunamuma hanunka, agu'agesa omne vahe'mo'za revahe revahe hu'za, megi'a vahe'mo'za (gentiles) hantgazankna kea osuo, na'ankure zamagrama antahizana, rama'a naneke nehusunkeno Anumzamo antahisie hu'za nehaze. 8E'i ana hu'negu zamagri knara osiho, na'ankure antahi onkenageno upa'ma hu'naza zana ko tamagri Neramafa antahi'ne. 9Amanahu kna hutma nunamuna hiho. Tagri Nfati'moka monafi mani'nane, Kagri Kagimo ruotage huno mesie. 10Kagri mona kumara esie, Kagri kavesi'zana monafinka nehazankna huno, ama mopafi efore hanie. 11Mago mago knare'ma nesuna ne'zana meni tmio. 12Kumitia atre'rantegeta, anahu kna huta kumi hurante'namokizmi'a atre'zmanta maneno. 13Nehunka tatregeta rerahe'zampina uoframaneno, hianagi hankromofo azampintira tza hunka tavro. [Na'ankure Kagri mona kumamo mevava hugahie. Tamage.]#6:13Mago'a antahi'zane vahemo'za, vgare naneke'mo'a ese'ma kre'nafina kre onte'naze, hu'za hu'naze. 14Hianagi tamagrima kefo'za hurmantesamokizmi kumi'zami atrezmante sageno'a, monare nemnia Nfatimo'a, kumi'tamia eri atre ramantegahie. 15Hagi vahe'mokizmi kefoza zimi atre ozmante snageno'a, monare nafatmimo'a, kefozantimia atre oramantegahie.

Neza atreno nunamu huzamofo naneke

16 Ne'zama a'o hanuta (fast) tavre vahe'mo'za nehaza knara hutma havi tamugosa osiho. Na'ankure e'inahu tamugosa nehnage'za, vahe'mo'za nege'za, neza a'o hu'ne hu'za hugahaze. Nagra tamage hu'na neramasmue, ko zamagra mizama'a eri'naze. 17Hianagi ne'zama a'o hanutma, tmasenire msavena nefretma, tamugosa sese hiho. 18E'ina hanageno nezama a'oma hanaza zana vahe'mo'za onkeho. Hianagi tamagri Neramafa oku'a nemnimo kagegahie. Nehuno oku'a me'negeno negea Neramafa'a mizana tamagrira tamigahie.

Mevava fenoza eritru hanaza naneke

(Luk 12:33-34)

19 Ama mopafina fenona eritru osiho, havi kfamo'ene, krogroheno erihaviza nehnigeno, kumza vahe'mo'za, nona anafe hu'za kumza segahaze. 20Hianagi monafinka fenona havi kfamo'ene, krogro ohegeno, kumza vahe'mo'za nona tgana vaziza kumza ose fenotmina, tamagra eritru hiho. 21Na'ankure fenonka'a me'nenirega, e'i anantega kagu'amo'a megahie.

(Luk 11:34-36)

22 Kavurgamo'a kavufa'mofo rampe tvi me'ne, ana hu'neankino kavurgamo knare huno me'nenigeno'a, mika kvufamofona remsa hugantegahie. 23Hianagi kavurgamo haviza hanigeno'a, mika kavufa hanizamo refitegahie. Hianagi kagu'afi me'nea tvimo asu'ma hanigeno'a, tusi'a hani hugahie.

Tare kva vahe'mofonte eri'za e'orisnaza naneke

(Luk 16:13, 12:22-31)

24 Mago'mo'a tare kva netera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zgore enena monora huontegahane.

Mago zankura hakare kagesa ontahisana naneke

25 E'ina hu'negu, Nagra neramasmue, tamagra manisnaza zankura tamagesa ontahiho, naza kavera negahune, igati tina negahune, kukena tavufarera na'a hugahune huta ontahiho. Anampina kavemo'a mani'zana agterenefi, hipi kukenamo'a tavufa agtere'neo? 26Nmamo'ma hareno vano nehiana keho, zamagra hoza ante'za, kafiza, eri atru hu'za, kave ante'nompina nontazanagi, monare nemnia Neramafa ne'zana nezmie. Nmamo'za kagrira kagaterenafi? A'o. 27Hagi mago timimo'ma knare'zama huno mani'zanku'ma antahintahi hakarema hania zamo'a, asimu'a erizazara hugahio? A'o.

28 Nahigetma kukena huzankura hakare antahintahia nehaze? Flauamo'a nankna huno nehagefi keho, zamagra eri'za e'oriza kukena trora nosaze. 29Ana hianagi Solomoni'a avasese'amo hu'nea knare nare kukena hu'neanagi, ami flauamofo avasese'amo'a agatere'ne. 30Hianagi Anumzamo'ma, amuma me'nea trazama kukenama huma ante'neana, menina me'neanagi vahe'mo'za okina tevefi eri kregahaze. Ana hu'negu tamagrira Anumzamo'a agatereno kukena hurmantegahie. Tamagra osi'a tamentinti'ne naga mani'naze. 31Tamagra nanezane tine neneta nakukena hugahune hutma hakare antahintahi osiho. 32Na'ankure mono ontahi vahe'mo'za, miko zankura nehakaze. Na'ankure monafi nemnia Neramafa'a miko zankuma upama hu'nazana ko antahine. 33Hianagi kota zana, Anumzamofo kumaku'ene, fatgo avu'avazanku haketenkeno, ana maka'zana anazanke huno tamamigahie. 34E'i zanku oki fore hania zankura tamagesa hakare osiho. Na'ankure okizana atrenkeno, agra'a kva krino, mago knare'ma esia hazenkea, ana knazupage knaza megahie.

Currently Selected:

Matiu 6: kbq

Highlight

Copy