Mwanduso 36
36
Ulelo wa Esau
(1 Umwaka 1:34-37)
1Uno awo ulelo wa Esau, vivija kokemigwa Edomu. 2Esau kasola wehe mna iwandele wa isi ya Kanaani. Ada mndele wa Eloni, Muhiti, na Oholibama mndele wa Anaho na mzukulu wa Sibeoni Muhivi, 3vivija kamsola Basemati mndele wa Ishimaeli lumbu jake Nebayosi. 4Ada kamulelela Esau, Elifazi, na Basemati kamulelela Leueli, 5na Oholibama kamulela Yeushi na Yalamu na Kola. Wano wao wanage Esau, waleligwe na wehe zake wadatu ako kuna iisi ya Kanaani.
6Esau kasola wanage na wehe zake na wose wakalile mng'anda yake na fugo zake na vinhu vose viyakalile navo ako Kanaani kachola isi ili kutali na ndugu yake Yakobo. 7Wakala na vinhu vingi avo hawadahile bule kukala hamoja, isi iwakalile haidahile bule kwenela fugo zao zose. 8Lekaavo Esau, vivija kokemigwa Edomu, kakala kuna iisi ya vigongo va Seili.
9Uno uwo ulelo wa Esau muhenga wa wanhu wa Edomu okala kuna iisi ya vigongo va Seili.
10Gano gago matwaga ga wana wa kimbigalo wa Esau, Elifazi mwanage Ada mwehe wake Esau na Leueli mwanage Basemati mwehe wake Esau.
11Wanage Elifazi wakala Temani na Omali na Sefo na Gatamu na Kenazi.
12Vivija Elifazi mwanage Esau kakala na mtumwa wa kitwanzi yakalile kamba mwehe wake kakemigwa Timina, ayo nayo kamulelela mwana yakemigwe Amaleki. Wana wao wazukulu wa Esau kwa mwehe wake Ada.
13Wanage Leueli wakala, Nahasi na Zela na Shama na Miza. Wano awo wazukulu wa Esau kwa mwehe wake Basemati.
14Wano awo wanage Oholibama mndele wa Anaho mzukulu wa Sibeoni. Kamulelela mkasano wake Esau wana wadatu, Yeushi na Yalamu na Kola.
15Wano awo wakalile iwakulu mna zing'holo za wazukulu wa Esau.
Wanage Elifazi chaudele wa Esau,
Temani na Omali na Sefo na Kenazi, 16Kola na Gatamu na Amaleki. Wano wao iwakulu muulelo wa Elifazi ako Edomu, wakala wazukulu wa Ada.
17Na Leueli, mwanage Esau,
kawalela Nahasi na Zela na Shama na Miza, wano wao iwakulu walawile kwa Leueli ako Edomu, wakala wazukulu wa Basemati, mwehe wa Esau.
18Wanage Oholibama, mwehe wake Esau wakala,
Yeushi na Yalamu na Kola. Wano awo iwakulu walawile kwa Oholibama mndele wa Anaho.
19Wano awo wanhu wa ulelo wa Esau, vivija kokemigwa Edomu, na wano awo iwakulu.
Ulelo wa Seili
(1 Umwaka 1:38-42)
20Wano awo wanage Seili, Muholi na vivija awo wenekae wa isi ayo.
Lotani na Shobali na Sibeoni na Anaho, 21Dishoni na Eseli na Dishani wano awo iwakulu walawile kwa Waholi na wanage Seili ako mwiisi ya Edomu.
22Wanage Lotani wakala,
Holi na Hemamu. Lotani kakala na lumbu jake yokemigwa Timina.
23Wanage Shobali wakala,
Alivani na Manahati na Ebali na Shefo na Onamu.
24Wanage Sibeoni wakala,
Aya na Anaho. Anaho iyo yonile nzasa ya mazi ga moto ako kuluwala, viyakalile kowasusila ivihongwe wa Sibeoni tatake.
25Wanage Anaho wakala,
Dishoni na Oholibama mndele wa Anaho.
26Wanage Dishoni wakala,
Hemadani na Eshibani na Isilani na Kelani.
27Wanage Eseli wakala,
Bilihani na Zaawani na Akani.
28Wanage Dishani wakala,
Usi na Alani.
29Wano awo iwakulu kwa Waholi,
Lotani na Shobali na Sibeoni na Anaho, 30Dishoni na Eseli na Dishani, kila imoja kakala mkulu mulukolo lwake mwiisi ya Seili.
Wandewa wa isi ya Edomu
(1 Umwaka 1:43-54)
31Avo wano awo wandewa watawale ako mwiisi ya Edomu, kipindi acho wanhu wa Izilaeli hawanatawaligwa na mndewa yoyose.
32Bela mwanage Beoli katawala ako Edomu, na twaga da buga jake dikala Dinihaba.
33Bela viyadanganike, Yobabu mwanage Zela, kulawa isi ya Bosila kawa mndewa hanhu hake.
34Yobabu viyadanganike, Hushamu kulawa isi ya Watemani kawa mndewa hanhu hake.
35Hushamu viyadanganike, Hadadi mwanage Bedadi, ayo yawahumile iwakalizi wa Midiani ako mwiisi ya Moabu, kawa mndewa hanhu hake. Buga jake dikemigwa Aviti.
36Hadadi viyadanganike, Samila kulawa mwiisi ya Masileka, katawala hanhu hake.
37Samila viyadanganike, Shauli kulawa Lehoboti behi ya lwanda lwa Fulate, kawa mndewa hanhu hake.
38Shauli viyadanganike, Baali Hanani mwanage Akiboli kawa mndewa hanhu hake.
39Baali Hanani mwanage Akiboli viyadanganike, Hadadi kawa mndewa hanhu hake. Twaga da buga jake dikemigwa Pau, na twaga da imwehe kakemigwa Mehetabeli biti Matiledi mzukulu wa Mezahabu.
40Wano awo wakalile iwakulu muulelo wa Esau, wekigwa kwa matwaga gao na ng'holo zao na isi zao,
mkulu Timina na mkulu Aliva na mkulu Yesesi,
41na mkulu Oholibama na mkulu Ela na mkulu Pinoni,
42na mkulu Kenazi na mkulu Temani na mkulu Mibisali,
43mkulu Magidieli na mkulu Ilamu.
Wano awo wakalile iwakulu ako Edomu. Watambuligwa kamba viwakalile okala mwiisi ayo.
Esau ayo muhenga wa wanhu wa Edomu.
Currently Selected:
Mwanduso 36: King'hutu
Highlight
Share
Copy
Want to have your highlights saved across all your devices? Sign up or sign in
NT: © 2014 Pioneer Bible Translators and The Word for the World
OT: © 2019 Pioneer Bible Translators
