Bgah 16
16
Unuur uweek wi ppënan ipekadu
1Wi Yawe Nawat Kabuka afiŋuŋ babuk Aaron batëb wi bañoguluŋ, aţiini na Moyiŧ, 2aji na a : « Ţiiniin na Aaron naweeku iji na a awut kado kaţëp blaañ bweek banŧaaŋuŋ na dko dyimanaan maakan jibi aŋaluŋ. Dul di umaala wi uwuuru unhanknuŋ klaak kanfejaniiŋ apiiŧna bhoŋar uwooŋ. Woli aţëp blaañ akeţ ţiki dul di njaaŋ kabi ţi kanfëluŋ ţi umaala duuţ.
3« Hënk di di Aaron awooŋ kado ji abi ado kaneej du dko dyimanaan maakan mënţ : aţij uwit ukaş wi bţeŋan bi ppënan ipekadu, na unkaneel ukaş wi baktëraduŋ bŧi nji Nawat Kabuka. 4Awo kawohara kamişa kayul kayimanaan ki babomanaanuŋ ifaal na unfuni wi ifaal, katanara katël ki ifaal kabot kataay ya ţi bkow. Iwo iko iwohara inyimanuŋ yi Aaron awooŋ i kawohara wi añowiiŋ aba.
5« Babuk Iŧrayel bawo kawula ŋpi ŋdow ŋtëb ŋankwooŋ ŋi bţeŋan bi ppënan ipekadu na unkaneel ukaş wi baktëraduŋ bŧi nji Nawat Kabuka. 6Wal wi akfiŋuŋ uwit ukaş pa ppënan ipekadu yi nul ţi uleeful na yi biki katohul, 7ajej ŋpi ŋtëb kaţij ţi kadun ki Nawat Kabuka du ukëbi wi kaloona ki bayiti. 8Ado kanuŋ na mnlaak kameena unkwooŋ wi Nawat Kabuka na unkwooŋ wi Aŧaŧel#16.8 Aŧaŧel : Bañaaŋ baamme bnuura uko wi katim mënţ kawooŋ, baloŋ başal aji awo unŧaayi unfëţuŋ du pndiiş.. 9Woli abaa, ajej upi undataniiŋ pa Nawat Kabuka kado bţeŋan bi ppënan ipekadu. 10Upi unwooŋ wi Aŧaŧel uwo pa bañow bi bañaaŋ bŧi. Baţij wa kabëkan ujeb du kadun ki Nawat Kabuka kabaa kadook wa uya du Aŧaŧel du pndiiş.
11« Kë hënk di Aaron awooŋ i kado pa ul ţi uleeful na biki katohul : aţij uwit ukaş wi bţeŋan bi ppënan ipekadu kafaal wa, nji Nawat Kabuka nşë miir ipekadu yi nul na yi biki katohul. 12Ajej ihil inkyikuŋ ţi bdoo banwooŋ du bliit bi mngur banwooŋ ţi blay bi dko dyimanaan maakan kaţu ţi pţukar, kaşë ţu ŋbëñ ŋtëb ŋi pşon pi mnkulan, kabaa kañooţ iko mënţ bŧi du kafeţ ki blaañ bweek. 13Wi abanuŋ, aţu mnkulan ţi ihil inkyikuŋ ţi kadun ki nji Nawat Kabuka, udu ugurna hënk umaala wi uwuuru unhanknuŋ klaak kanfejuŋ apiiŧ bhoŋar, hënk, Aaron aankkeţ. 14Ajej wal mënţ pkoñ kaŧoop ţi pñaak pi uwit ukaş kaşë kalëŧ ţi umaala duuţ du bmayar unuur#16.14 bmayar unuur : Bmayar unuur bi umaala bawooŋ ţi kadunul. kabot kalëŧ ŋyaaş paaj na uloŋ ţi kadun ki umaala. 15Wi wi aşaaŋ afaal upi wi bţeŋan bi ppënan ipekadu yi bañaaŋ kaşë kajej pñaak kañooţ kak du kafeţ ki blaañ bweek kado na pa jibi adoluŋ na pi uwit ukaş kalëŧ pa ţi umaala duuţ na ţi kadun ki wa. 16Hënk, ado du dko dyimanaan maakan duŋ jibi bajaaŋ bado pa pjinţan da ţi pţop pi biki Iŧrayel baţopanuŋ da na pjuban pi baka na ipekadu yi baka bŧi, wi wi aşaaŋ ado haŋ kak pa kaloona ki bayiti ţiki katan ţi pŧoof pi bañaaŋ banwooŋ baţop. 17Nin ñaaŋ aloŋ aanwo kawo du kaloona ki bayiti du wal wi akneejuŋ pdo bţeŋan bi ppënan ipekadu te du wal wi akpënuŋ. Wal wi akbaaŋ pdo bţeŋan bi ppënan ipekadu yi nul na yi biki katohul na yi babuk Iŧrayel bŧi, 18apën ţi kaloona kaşë kaya du bliit bi mngur banwooŋ ţi kadun ki Nawat Kabuka kaşë kado ţi ba iko yi bajaaŋ bado pa pjinţan ba. Ajej pñaak pi uwit ukaş na pi upi ukaş kakër ţi itiim infooyuŋ bliit bi mngur. 19Ajej pkoñ kaŧoop ţi pñaak kalëŧ ŋyaaş paaj na uloŋ ţi bliit bi mngur, hënk aji jinţan ba wi apënanuŋ ţi ba pţop pi babuk Iŧrayel baţopanuŋ ba.
20« Wal wi Aaron akbaaŋ bţeŋan bi pjinţan dko dyimanaan maakan, na kaloona ki bayiti na bliit bi mngur, ado baţij upi unhumuŋ ujeb wuŋ. 21Apaf iñen ţi bkow bi wa duuţ kaşë kaţup ipekadu bŧi na pjuban bŧi yi babuk Iŧrayel badoluŋ, kaţup kak jibi bawooŋ baanţaş bgah, hënk aji kuŋan wa ipekadu yi bañaaŋ. Wi wi aşaaŋ ado ñaaŋ aloŋ i badatuŋ, adook wa uya du pndiiş. 22Hënk, upi wuŋ uji kuŋa ipekadu yi bañaaŋ bŧi kañooţ du pndiiş.
23« Wal wi badookuŋ upi kë uya du pndiiş, Aaron aneej du kaloona ki bayiti, kawohëş imişa yi ifaal yi awohuŋ wi akneejuŋ du dko dyimanaan maakan, kabëkan ya da. 24Wi adoluŋ haŋ, apën kaya kañowa du dko danyimanuŋ, kawoh imişa yi nul kaşë katërad bŧi nji Nawat Kabuka unŧaam pa uleeful kabot katër uloŋ bŧi pa bañaaŋ biki Iŧrayel, nşë miir ipekadu yi nul na yi baka. 25Ado batër mniir bŧi mi ŋnŧaam ŋuŋ ţi bliit bi mngur.
26« Kë ñaaŋ andookuŋ upi wi Aŧaŧel kë uya du pndiiş, anaj imişa yi nul kabot kañowa, wi wi aşaaŋ ahilan kakak du dko di bañaaŋ bafëţuŋ. 27Kë uwit ukaş na upi ukaş ŋi bawuluŋ pa bţeŋan bi ppënan ipekadu, ŋi baţuuŋ pñaak pi ŋa ţi dko dyimanaan maakan kajinţanaan da, bajej ŋa kapënan ţi dko di bañaaŋ bafëţuŋ kafël itël yi ŋa na uyemaţ na ipëş yi ŋa du bdig bi dko di bañaaŋ bafëţuŋ pa batër ya bŧi. 28Ñaaŋ i baţuuŋ ptër iko yuŋ bŧi awo kanaj imişa yi nul kabot kañowa wi wi aşaaŋ ahilan kakak du dko di bañaaŋ bafëţuŋ.
29« Kë uko wi, wi wi nawooŋ kado kado ŋwal bŧi : ţi unuur uţënk iñeen wi pli ppaajanţën na ploŋ nayiman, naankdo nin ulemp uloŋ, uwole ñaaŋ i uŧaak a këme nayaanţ anwooŋ ţi pŧoofan. 30Unuur mënţ wi wi bakdoluŋ ţi an iko yi bajaaŋ bado, nji Nawat Kabuka nhilna mmiiran ipekadu najinţ ţi kadun naan. 31Unuur mënţ nado wa uwo unuur wi pnoorfën na pyiman, uwo uko wi nawooŋ kado kado te mnţo.
32« Naţeŋan ankkëriiŋ kë baţoorana kë ayeenk pţij pi aşin, akkakuŋ naşih i baţeŋan, ul akluŋ kado bţeŋan buŋ. Awohara imişa yi ifaal, inyimanuŋ, 33kado bţeŋan bi pjinţan dko dyimanaan, kado ba ţi kaloona ki bayiti na ţi bliit bi mngur, ado ba kak ţi baţeŋan na ţi bañaaŋ biki Iŧrayel bŧi. »
34Uko mënţ, nawo kado kado wa ŋwal bŧi, uyaaş uloolan ţi uşubal nado ţi babuk Iŧrayel bţeŋan nji Nawat Kabuka nşë miir babuk Iŧrayel ipekadu bŧi.
Kë bañaaŋ bado jibi Nawat Kabuka ajakuŋ na Moyiŧ aji bawo kado.
Currently Selected:
Bgah 16: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
