Luk 4:9-12

Serai sepei Satan lai Jisas omo Jerusalem ma'e si tame heneti. Le Jisas Owane Sitewi lo wesi tutawe me'iye ma'e hene wiye. Le Jisas ma'e eiye, “Ne Owane Sitewi lo meni eime pefine a'i su, ne topo ne hi ma'e fu ye'i arore.” Piyene awere? “Owane Sitewi lo peri sahe apou leseye, ‘Le ipari werese lo le ne au noweinoweiyei ne eimawe arosaiyei.’” Sepei Satan apou tame eiye, “Meni tere'e apou leseye, ‘Owane Sitewi lai ipari tamo lo le ma'e eimawe arosaiyei. Lowe le ma'e ereti se anite tawesirowa. Serai tapiye werese lowe no tewirowata.’ Serai ne Owane Sitewi lo wesi me'iye hi ma'e winetaiyei su, Owane Sitewi lai ipari werese lo ne ma'e au noweinoweiyei ne eimawe arosairowa.” Sosu Jisas le ma'e itiya'u eiye, “Owane Sitewi lo peri apou te'eye. ‘Ne Owane Sitewi Pefine a'i no owe ape te'e arearete.’”