1. Mosebok 33

Jakob møter Esau

1Då Jakob såg opp, fekk han auga på Esau, som kom med fire hundre mann. Då skifte han borna mellom Lea, Rakel og dei to trælkvinnene. #32,6 2Han sette trælkvinnene og borna deira fremst, så Lea og borna hennar attanfor og Rakel med Josef attarst. 3Sjølv gjekk han framføre dei og bøygde seg sju gonger til jorda, til dess han kom bort åt bror sin. 4Men Esau sprang imot han og slo armane kring han, kasta seg om halsen på han og kyste han. Og dei gret. 5Då Esau såg opp, fekk han auga på kvinnene og borna og sa: «Kven er det du har med deg der?» Jakob svara: «Det er dei borna som Gud i nåde har gjeve tenaren din.» #48,9 6Så kom trælkvinnene fram med borna sine og bøygde seg til jorda. 7Og Lea kom fram med borna sine og bøygde seg. Til sist gjekk Josef og Rakel fram og bøygde seg til jorda.

8Esau spurde: «Kva ville du med heile den flokken eg møtte?» «Eg ville vinna godvilje hjå deg,» svara han. 9Då sa Esau: «Eg har nok, bror. Ta du vare på det som ditt er!» 10«Nei, kjære vene,» svara Jakob, «har eg vunne godvilje hjå deg, så ta imot gåva mi! For då eg såg andletet ditt, var det som eg såg Guds eige andlet; så venleg var du mot meg. #33,10 Guds eige andlet ei minning om stadnamnet Peniel. [32,30f.] #32,13ff 11Ta no imot den gåva eg har sendt deg! For Gud har vore nådig mot meg, og eg har alt eg treng.» Så nøydde Jakob han til han tok imot gåva.

12Då sa Esau: «Lat oss ta ut og koma i veg, så skal eg fara beint framføre deg.» 13Men Jakob svara: «Du veit at borna ikkje toler mykje, herre, og at eg må syta for lamsauene og dei nybære kyrne mine. Driv ein dei for hardt, om berre ein einaste dag, stryk alt småfeet med. 14Vil du ikkje gjera vel, herre, og fara føre tenaren din? Så kan eg fylgja etter i ro og mak, med ein fart som høver for driftene og borna, til dess eg er framme hjå deg i Se'ir.» 15Då sa Esau: «Så vil eg la nokre av mennene mine vera att hjå deg.» Men han svara: «Kvifor det? Berre du vil visa meg godvilje, herre!»

16Same dagen snudde Esau om og fór sin veg til Se'ir. 17Og Jakob tok ut og kom til Sukkot. Der bygde han seg eit hus og laga lauvhytter til buskapen sin. Det er grunnen til at dei kallar staden Sukkot.#33,17 Sukkot «hytter»; stad aust for Jordan.

18Sidan kom Jakob på si ferd frå Mesopotamia vel fram til Sikem i Kanaan. Og han slo leir utanfor byen. 19Det jordstykket som han hadde sett opp teltet sitt på, kjøpte han av sønene til Hamor, far til Sikem, for hundre pengestykke. #33,19 pengestykke hebr. kesita, betalingsmiddel med ukjend verdi. 20Der reiste han eit altar og kalla det El-Elohe-Israel.#33,20 El-Elohe-Israel «Israels Gud er Gud».

Currently Selected:

1. Mosebok 33: NO1978NN

Highlight

Copy