Aapostolo A pirpir kaapa muga
A pirpir kaapa muga
A buk mi, Lukaa i timui. I kakanaawa ungaai ma ra nuna mugaana buk baa i timui, a Koina Wewapua un Iesu Kaarisito. U ra buk Aapostolo daat baboi baa a Takado na Nion i wadekdek a kum naat na wawer kupi diat a warawaai ma ra Koina Wewapua un Iesu.
A buk mi i wewapua u ra lotu anun Kaarisito, baa i turpaai irong u ra papaar Iudaia ma namur i waan weraan u ra kum wanua raap u ra rakrakaan buaal. A kum mugaana te Kaarisito diat ko ra taara Iudaia ku. Diat nuki naa a lotu anun Kaarisito anundiat ku, naa wakir anu ra taara ingen kaai. Iaku namur God i waiaai naa anuna lotu anu ra taara raap (Aap 10). A kum te Kaarisito ko ra taara Iudaia diat nemi naa a kum te Kaarisito baa wakir a taara Iudaia, diat kaai diat a murmur a kum naagagon anu ra lotu Iudaia. A poko kikil ia raa naagagon baa diat nemi naa a taara ingen kaai diat a murmuri. Iaku baa diat ki ungaai un raa ngaala na kiwung diat naagagon paai naa raa kum naagagon ku a kum te Kaarisito baa wakir a taara Iudaia diat a murmuri (Aap 15).
Raa ngaala na utnaa baa a buk mi i pirpir uni, a pinapaam anu ra Takado na Nion, a nion God. A Takado na Nion i waan paat muga karom a taara na wawer anun Iesu u ra bung na Pentikos. A Takado na Nion ut i muga a nuknukindiat ma i taar a dekdek taan diat.
Un raa kum winawaan anun Paaulo Lukaa i waan ungaai mai (Aap 16:10-17; 20:5-21; 27:1–28:16).
A winawaan i ra buk Aapostolo:
A tintinip na pirpir anun Iesu karom a kum naat na wawer (1:1-26)
A kum naat na wawer diat warawaai inaanga Ierusalem (2:1–8:3)
A kum naat na wawer diat warawaai irong Iudaia ma Samaaria (8:4–12:25)
A mugaana winawaan anun Paaulo (13:1–14:28)
A kiwung anu ra kum aapostolo inaanga Ierusalem (15:1-35)
A weru winawaan anun Paaulo (15:36–18:22)
A wetula winawaan anun Paaulo (18:23–21:16)
Di wakarabus Paaulo inaanga Ierusalem (21:17–23:22)
Paaulo i ki irong Kaaisaaria (23:23–26:52)
Paaulo i waan urong Rom (27:1–28:30)
Currently Selected:
Aapostolo A pirpir kaapa muga: raiNT
Highlight
Share
Copy
Want to have your highlights saved across all your devices? Sign up or sign in
© 2006, Wycliffe Bible Translators, Inc. All rights reserved.