Ruk 4:9-12

Potporhan gahan Satan oh Gin Jerusarem ap mutuhnong sapera pora pisangopri. Pisusa Got ohe ap yawar putei hame kat kanong mahat prungopri. Prusa Gin go Noh Got orhe brermur ripat ohoh ihan go pung rim kakdahnong maham wayonmur. Wahanoh ma brak matpa meng moh arpin tarpatiprohmur. Ma brak matpa meng oh mamarumur. Got oh orhe enser ihirnong Erer ihir ohnong er matipri. Ihan gur ohnong kwei trah tei tapdiprarim gur marin orhorwi pomat paptenmur porpatmur rim brak matpamur. Ihan go Got orhe brer ohoh ihan ama brak matpa mengru nahatiprohe ohoh ihan go pung rim kakdahnong wayonmur pongopri. Potporhan Jisas oh Es. Got oh ritporhan ma brak matpa mengnong moh dahatinmur. Gur Hanipyah ohnong be bokdushe kis deipri ritporhan brak matpamur. Ihtin ohoh ihan noh Got ohe danong akis mar hatin gwe meng namram pung rim na waprohmur potipri.