GENESIS 10

Saray Kabyangay Boleg na Anak nen Noe

(1 Awa. 1:5-23)

1Kasumpal na delap, naniilalak ira di Sem, Ham, tan Jafet ya anak nen Noe. Sikara yay kabyangay boleg da.

2Saray lalakin anak nen Jafet sikara di Gomer, Magog, Madai, Javan, Tubal, Mesec, tan Tiras. 3Saray lalakin anak nen Gomer et di Askenaz, Rifat, tan Togarma. 4Saray lalakin anak nen Javan sikara di Elisa, Espanya, Chipre, tan Dodanim. 5Sikara yay sengeg na saray totoon manaayam ed saray gilig na dayat tan diad saray isla. Anak tan apo nen Jafet ira yan amin; manaayam so balang sakey ed dilin tribu tan bansa to, tan walay dilin salita na balang tribu.

6Saray lalakin anak nen Ham et di Cus, Egipto, Libia, tan Canaan. 7Saray lalakin anak nen Cus sikara di Seba, Havila, Sabta, Raama, tan Sabteca. Saray lalakin anak nen Raama et di Saba tan Dedan. 8Si Cus walay anak ton laki a manngaray Nimrod, a sikatoy onaan a makapanyarin manoley a nianak diad mundo. 9Lapud tulong na Katawan, nagmaliw a sakey a makapanyarin marunong ya umaanup, kanyan pibitla ra, Say Katawan gawaen to ka komun a marunong ya umaanup a singa si Nimrod! 10Diad gapo sakop na nanarian to so Babilonia, Erec, tan Acad, a wala ran amin ed dalin na Babilonia. 11Manlapud saman a dalin, linmad Asiria, tan impaalagey to ray siudad na Ninive, Rohobotir, Cale, 12tan Resen a walad nanleetan na Ninive tan say matalonggaring a siudad na Cale.

13Saray kabyangay boleg nen Egipto et saray totoon taga Lydia, Anam, Lehab, Naftuh, 14Patrus, Cuslu, tan Creta a sengeg na saray Filisteo.#10:14 tan Creta...Filisteo; diad tikston Hebreo a nanlapway boleg da ray Filisteo, tan Creta.

15Say pangulowan ya anak nen Canaan et si Sidon, tan say kumadwa si Het. 16Si Canaan et sengeg met na saray Jebuseo, Amorreo, Gergeseo, 17Heveo, Arkeo, Sineo, 18Arvadeo, Zemareo, tan Hamateo. Kinmayat ira yan boleg a Cananeo. 19Say nasasakopan dan dalin, manlapud Sidon, et nampaabalaten ya anggad Gerar, diad abay na Gaza, tan nampabokig ya anggad Sodoma, Gomorra, Adma, tan Zeboim, diad abay na Lasa. 20Sikara yay kabyangay boleg nen Ham; manaayam so balang sakey ed sikara diad dilin tribu tan bansa to, tan walay dilin salita na balang tribu.

21Si Sem a pangulowan ya agi nen Jafet so sengeg na amin da ray Hebreo. 22Saray lalakin anak to sikara di Elam, Asur, Arpaksad, Lud, tan Aram. 23Saray kabyangay boleg nen Aram et saray totoon taga Uz, Hul, Geter, tan Mesek. 24Si Arpaksad so ama nen Sela ya ama nen Eber. 25Duaray anak nen Eber: Peleg#10:25 PELEG: Say tanul na sayan ngaran kapara toy Hebreon salita a kabaliksan toy apag. so ngaray sakey, ta nen panaon to naapag-apag iray totood mundo; Joktan so ngaray sakey. 26Saray kabyangay boleg nen Joktan et saray totood Almodad, Selef, Hazarmavet, Jerah, 27Hadoram, Uzal, Dikla, 28Obal, Abimael, Saba, 29Ofir, Havila, tan Jobab. Si Joktan so sengeg da ra yan amin a totoo. 30Say dalin a panaayaman da sakop toy manlapud Mesa ya anggad Sefar, diad nipokdul a pasen ed bokig. 31Sikara yay kabyangay boleg nen Sem; manaayam so balang sakey ed dilin tribu to tan bansa to, tan walay dilin salita na balang tribu.

32Si Noe so sengeg na amin da ra yan totoo, a walay bansa ra tan kailalakan da. Kasumpal na delap, saray anak nen Noe so sengeg na amin a totood balang bansa ed tapew na dalin.

Currently Selected:

GENESIS 10: PnPV

Highlight

Copy