زِکَرئیّا 9
9
ائسرایئلئن دوشمنلرئنه جزا
1بو ائخطار ربّئن سؤزودور کی، حَدراخ اؤلکه‌سی و اونون راحاتلیق یری دَمَشق شهرئنئن ضئدّئنه نازئل اولدو. چونکی ائنسانلارین و بوتون ائسرایئل قبئله‌لرئنئن گؤزو ربّه باخیر. 2بو سؤز اورانین سرحدئنده اولان خَمات شهرئنه، چوخ بِجَرَکلی اولان صور و صئدون شهرلرئنه ده عاییددیر.
3صور اؤزونه بئر قالا تئکدی،
تورپاق قدر گوموش،
کوچه پالچیغی قدر خالئص قیزیل ییغدی.
4آمّا رب اونو قوواجاق،
دهنزده‌کی گوجونو یوخ اده‌جک،
اود اونو یاندیریب-یاخاجاق.
5اَشقِلون بونو گؤروب قورخاجاق،
غَزّه ده چوخ آغری چکه‌جک،
عِقرون دا اِله‌جه،
چونکی اومئدی سؤنه‌جک.
غَزّه‌ده پادشاه اولمایاجاق،
اَشقِلون ساکئنسئز قالاجاق.
6اَشدوددا قاریشیق عئرقلردن اولانلار یاشایاجاق،
فئلئسطده یاشایانلارین تکبّورونو قیراجاغام.
7آغیزلاریندان قانی دامان اَتی،
دئشلرئنئن آراسیندان حارام یمکلری آلاجاغام.
اونلارین صاغ قالانلاری تاریمیزا عایید اولوب،
یهودانین بئر قبئله‌سی کئمی اولاجاقلار.
عِقرونلولار دا یِبوسلولار کئمی اولاجاقلار.
8هوجوم ادن قوشونون ضئدّئنه، هر گلئب-گده‌نئن ضئدّئنه،
اِوئمئن اطرافیندا اوردوگاه قوراجاغام.
هچ بئر ائستئلاچی داها
خالقیمین اوستونه تؤکولمیه‌جک.
چونکی آرتیق خالقیما من کشئک چکئرم.
گله‌جک اولان پادشاه
9ای صحیون قیزی، بؤیوک شادلیقلا جوش،
ای اورشلئم قیزی، هایقیر!
باخ، پادشاهین سنه طرف گلئر.
او، صالحدئر، خئلاصا مالئکدئر.
او، حلئمدئر و بئر اِششه‌یه، سیپایا،
اِششه‌یئن بالاسینا مئنئب گلئر.
10دؤیوش عارابالارینی اِفرایئمدن،
آتلاری اورشلئمدن اوزاقلاشدیراجاغام.
دؤیوش کامانلاری قیریلاجاق.
پادشاهینیز مئلّتلره صولح اعلان اده‌جک.
اونون حؤکمرانلیغی دهنزدن دهنزه،
چایدان#9:10 چایدان مقصد «فَرات» چایی‌دیر دونیانین اوجقارلارینا قدر اوزاناجاق.
11سئزه گلئنجه، عهد قوربانینین قانیندان اؤتری
اسئرلئکده‌کی خالقینیزی،
سوسوز قویودان چیخاردیب خئلاص اده‌جیم.
12قالانیزا قاییدین، ای اومئد اسئرلری!
بو گون سئزه بئلدئرئرَم کی،
سئزه زحمتئنئزئن ائکی قات عوضئنی وره‌جیم.
13یهودانی اؤزوم اوچون کامان کئمی چکه‌جیم،
اِفرایئمی اوخ کئمی اونا قویاجاغام.
ای صحیون، اؤولادلارینی
یونان اؤولادلارینین اوستونه قالدیراجاغام.
سنی بئر دؤیوشچو قیلینجی کئمی اده‌جیم.
14او واخت رب خالقینین اوستونده گؤرونه‌جک،
اونون اوخو شئمشک کئمی چاخاجاق.
پروردئگار رب کَره‌نای چالاجاق،
جنوب کولَکلری ائله ائره‌لی گده‌جک.
15اونلاری قوشونلار ربّی قورویاجاق.
دوشمنلرئنی تلف اده‌جکلر،
ساپاند داشلاری ائله قیریب ظفر تاپاجاقلار.
اونلارین قانینی شراب کئمی ائچئب های-کوی سالاجاقلار.
قوربان قانی تؤکولَن قابلار کئمی،
قوربانگاهین کونج-بوجاقلاری کئمی
قانلا دولو قالاجاقلار.
16او گون اؤزلرئنئن تاریسی رب
خالقینین سوروسو کئمی اونلاری خئلاص اده‌جک.
اونلار اونون تورپاغیندا تاجین جواهئرلری کئمی پاریلدایاجاقلار.
17نجه یاراشیقلی، نجه گؤزل قالاجاقلار!
اوغلانلار تاخیل‌لا،
قیزلار تزه شرابلا گوجلَنه‌جکلر.
Currently Selected:
زِکَرئیّا 9: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
