زِکَرئیّا 4
4
بِشئنجی رؤیا: چیراقدان و زیتون آغاجلاری
1منئمله دانیشان مَلَک گری قاییدیب منی یوخوسوندان اویانان آدام کئمی اویاتدی. 2او مندن سوروشدو: «نه گؤرورسن؟» من ددئم: «تامامن قیزیلدان اولان بئر چیراقدان گؤرورَم. اونون باشیندا زیتون یاغی اوچون بئر قاب، اوستونده یدّی چیراق، چیراقلاردا دا یدّی لوله وار. 3چیراقدانین یانیندا ائکی زیتون آغاجی وار؛ بئری یاغ قابینین ساغیندا، او بئری ده سولوندا.» 4سونرا منئمله دانیشان مَلَکدن سوروشدوم: «آی آغام، بونلار نه‌دئر؟» 5منئمله دانیشان مَلَک جاواب وردی: «بونلارین نه اولدوغونو مگر بئلمئرسن؟» من ده ددئم: «یوخ، آغام.» 6او منه جاواب وردی: «زِروبّابئله ربّئن سؤزو بودور: ”گوجله، قودرتله یوخ، آنجاق منئم روحوملا.“ قوشونلار ربّی بویورور. 7سن کئمسن، ای اوجا داغ؟ زِروبّابئلئن قاباغیندا هامارلیغا چِورئله‌جکسن. او ”ربّئن لوطفو اونونلا اولسون، ربّئن لوطفو اونونلا اولسون“ نئدالاری آلتیندا معبدئن تپه داشینی گؤتوره‌جک.»
8منه ربّئن سؤزو نازئل اولدو: 9«بو اِوئن بونؤوره‌لرئنی زِروبّابئلئن اَللری قویدو، اونون اَللری ده بونو آخیرا چاتدیراجاق. او واخت بئله‌جکسن کی، قوشونلار ربّی منی سئزئن یانینیزا گؤندَ‌رئب. 10کئچئک ائشلری یرئنه یتئرمه گونونه کئم حقارتله باخا بئلر؟ آداملار زِروبّابئلئن اَلئنده شاقولو گؤرنده سِوئنه‌جکلر. بو یدّی چیراق ربّئن بوتون یِر اوزونده گَزَن گؤزلری‌دئر.»
11من اوندان سوروشدوم: «بس چیراقدانین صاغ و سولوندا اولان بو ائکی زیتون آغاجی نه‌دئر؟» 12سونرا گئنه سوروشدوم: «بو ائکی زیتون بوداغی نه‌دئر کی، ائچئندن قیزیل یاغ آخان او ائکی قیزیل لوله‌نئن یانیندادیر؟» 13او منه ددی: «بونلارین نه اولدوغونو مگر بئلمئرسن؟» من ده ددئم: «یوخ، آی آغام.» 14او منه ددی: «بونلار او ائکی مسح اولونموش آداملاردیر کی، بوتون یِر اوزونون صاحئبئنئن یانیندا دورورلار.»
Currently Selected:
زِکَرئیّا 4: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
