روملو‌لارا 4
4
ائبراهئمئن ائمانی
1بس جئسمانی آتامیز ائبراهئم حاقیندا نه دئیک؟ او، نه تاپدی؟ 2اگر ائبراهئم اؤز عمل‌لری ائله صالح ساییلسایدی، فخر اتمه‌یه بئر شیی وار؛ لاکئن تارینین حوضوروندا یوخ. 3موقدّس یازی نه دیئر؟ «ائبراهئم تارییا ائمان گتئردی، بو دا اونون حاقّیندا صالحلئک ساییلدی.»#4:3 یارادیلیش ۱۵:۶
4ائشله‌ین بئر آدامین اوجرتی اونا هدئیّه ساییلماز، بو اونون حاقّی‌دیر. 5لاکئن ائشله‌مه‌ین بئر آدام کی، پئس آداملاری تبرعه اده‌نه ائمان گتئرئر، ائمانی اونا صالحلئک ساییلیر. 6نجه کی، داوود دا او آدامین بختورلئیئندن دانیشیر کی، تاری اونون عملئنه باخمایاراق، اونو صالح ساییر.
7«خوش او آداملارین حالینا کی،
عوصیانلاری باغیشلانیر،
گوناهلاری عفو اولونور.
8خوش او آدامین حالینا کی،
رب اونون گوناهینی حسابا گتئرمز.»#4:8 مزمور ۳۲:۱ و ۲
9آیا بو بختورلئک آنجاق ختنه اولونانلارادیر، یوخسا ختنه اولونمایانلارا دا عاییددیر؟ چونکی دیئرئک کی، ائبراهئمئن ائمانی اونا صالحلئک ساییلدی. 10نه شرایئطده ساییلدی؟ ختنه اولاندان سونرا ائدی، یوخسا قاباق؟ ختنه اولاندان سونرا یوخ، قاباق ائدی. 11و ختنه‌نئن علامتئنی آلدی، ائماندان گلن صالحلئیئن مؤهورونو کی، ختنه اولونمامیشدان دا وار ائدی، اِله کی، او، بوتون او آداملارین دا آتاسی اولسون کی، ختنه اولونمادیقلاری حالدا ائمان گتئرئرلر کی، اونلار دا صالح ساییلسینلار. 12بله‌جه آتامیز ائبراهئم ختنه اهلئنه ده آتا اولدو کی، آنجاق ختنه اولدوقلارینا قالماییب، او ائمانین ائزلرئنده یرئیئرلر کی، اونون ختنه اولونماسیندان قاباق دا وار ائدی.
13شرئعتئن واسئطهسیائله دیئلدی کی، ائبراهئم و اونون نسلئنه دونیانی مئراث آلاجاقلاری وعده ورئلدی. بو اونون اوچون ائدی کی، ائمان واسئطهسیائله صالح ساییلدیلار. 14چونکی اگر شرئعتله یاشایانلار وارئث اولسالار، ائمان بوش اولار، وعده ده باطئل! 15چونکی شرئعت تارینین قضبئنی حاصئل گتئرر. شرئعت اولمایان یرده ده اونو آیاق آلتینا قویان اولماز.
16بونا گؤره ده، وعده ائمان واسئطهسیائله گلئر اله کی، اونون فیضئنه باغلی اولسون و ائبراهئمئن بوتون نسلئنی بوروسون؛ آنجاق شرئعته باغلی اولانلاری یوخ، ائبراهئمئن ائمانینا مالئک اولانلاری دا کی، هامیمیزین آتاسی‌دیر. 17نجه کی، یازیلیب؛ «سنی بئر چوخ خالقلارین آتاسی اتدئم.»#4:17 یارادیلیش ۱۷:۵ ائناندیغی تارینین نظرئنده، او تاری کی، اؤلولره حیات ورئر و اولمایان شیلری وارلیغا چاغیریر.
18اومئد اصلا یوخ ائکن، ائبراهئم اومئدله ائمان گتئردی و بله‌جه بئر چوخ خالقلارین آتاسی اولدو. نجه کی، اونا دیئلمئشدی ده کی، «سنئن نسلئن بله اولاجاق.»#4:18 یارادیلیش ۴:۱۸ 19ائمانیندا ضعئفله‌مه‌دی و اؤزونون تخمئنَن یوز یاشلی بدنئنئن اؤلموش کئمی اولدوغونا اهمئیّت ورمه‌دی، سارانین دا بطنئنئن قیصیرلیغینا اهمئیّت ورمه‌دی. 20و تارینین وعده‌سئنه ائمانسیزلیقلا شک اتمه‌دی، لاکئن ائمانیندا مؤحکم اولوب تارینی عئزّتلندئردی. 21و کامئل آرخایین ائدی کی، تاری، وردئیی وعده‌نی یرئنه یتئرمه‌یه ده قادئردئر. 22بونا گؤره ده، ائمانی اونا صالحلئک ساییلدی. 23«صالحلئک ساییلدی» سؤزلری آنجاق اونون اوچون یازیلمادی، 24بئزئم اوچون ده یازیلدی کی، تاری بئزه صالحلئک سایاجاق؛ بئزه ده کی، ربّئمئز عئسانی اؤلولردن دئرئلده‌نه ائمان گتئرمئشئک؛ 25کی، بئزئم گوناهلاریمیزدان اؤتری اؤلومه تسلئم اولوندو و بئزئم صالح ساییلماغیمیز اوچون دئرئلدئلدی.
Currently Selected:
روملو‌لارا 4: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
