متّا 25

اون باکئره قیزین مثلی

1«او زامان گؤیون پادشاهلیغی او اون باکئره قیزا بنزه‌یه‌جک کی، چیراقلارینی گؤتوروب به‌یئن پئشوازینا چیخدیلار. 2اونلاردان بشی عاغیلّی، بشی عاغیلسیز ائدی. 3عاغیلسیزلار چیراقلارینی گؤتورموشدولر، آمّا یاغ گؤتورمه‌مئشدئلر. 4آمّا عاغیلّی‌لار اؤزلری ائله قابلاریندا یاغ دا گؤتورموشدولر. 5بَیئن یوباندیغینا گؤره، اونلارین هامیسینی یوخو باسدی و یاتدیلار.

6گجه یاریسی بئر قیشقیریق دوشدو: ”باخین، بَی گلئر. اونون پئشوازینا چیخین!“ 7او واخت قیزلارین هامیسی دوروب چیراقلارینی حاضیرلادیلار. 8عاغیلسیزلار عاغیلّی‌لارا ددئلر: ”یاغینیزدان بئزه ده ورئن، چونکی چیراقلاریمیز سؤنور.“ 9لاکئن عاغیلّی‌لار جاواب ورئب ددئلر: ”بله اولماسین کی، یاغ نه بئزه چاتسین، نه ده سئزه. یاخشیسی بودور کی، گدئب یاغ ساتانلاردان اؤزونوز اوچون آلاسینیز.“

10اونلار یاغ آلماغا گدندن سونرا بَی گلدی و حاضیر اولانلار اونونلا توی مجلئسئنه گئردئلر و قاپی باغلاندی. 11سونرا او بئری قیزلار دا گلدئلر و ددئلر: ”آغا، آغا، قاپینی بئزه آچ.“ 12آمّا او جاواب ورئب ددی: ”دوغروسونو سئزه دیئرم: سئزی تانیمیرام.“

13اونا گؤره سئز ده اویاق اولون. چونکی ائنسان اوغلونون نه گله‌جک گونونو بئلئرسئنئز نه ده ساعاتینی.

امانت پولون مثلی

(لوقا 19‏:11‏-27)

14گؤیون پادشاهلیغی سفره چیخماق ائسته‌یَن بئر آداما بنزه‌ر کی، قوللارینی چاغیریب مال-دؤولتئنی اونلارا تاپشیردی. 15بئرئنه بش تالانت#25‏:15 بئر قنطار بئر فحله‌نئن اون‌بِش ائل اوجرتی ائدی. وردی، بئرئنه ائکی تالانت، بئرئنه ده بئر تالانت. هر بئرئنه اؤز قابئلئیّتئنه گؤره ورئب، سفره چیخدی. 16بش تالانت آلان گدئب اونلارلا تئجارت اتدی و داها بش تالانت قازاندی. 17ائکی تالانت آلان دا بله‌جه داها ائکی تالانت قازاندی. 18آمّا بئر تالانت آلان آدام گدئب، یری قازدی و آغاسینین پولونو گئزلتدی.

19اوزون بئر زاماندان سونرا بو قوللارین آغاسی قاییتدی و اونلارلا حسابلاشماق ائسته‌دی. 20بش تالانت آلان آدام گلدی و داها بش تالانت گتئرئب ددی: ”آغا! سن منه بش تالانت وردئن، باخ، من داها بش تالانت قازاندیم.“ 21قولون آغاسی اونا ددی: ”آفرئن یاخشی و صادئق قول! سن خیردا ائشلرده صادئق اولدون، سنی بؤیوک ائشلر اوستونه قویاجاغام. آغانین شادلیغینا شرئک اول.“

22ائکی تالانت آلان دا گلئب ددی: ”آغا! منه ائکی تالانت وردئن. باخ، من داها ائکی تالانت قازاندیم.“ 23قولون آغاسی اونا ددی: ”آفرئن یاخشی و صادئق قولوم! سن خیردا ائشلرده صادئق اولدون، سنی بؤیوک ائشلر اوستونه قویاجاغام. آغانین شادلیغینا شرئک اول.“

24بئر تالانت آلمیش اولان دا گلئب ددی: ”آغا! سنئن برک بئر آدام اولدوغونو بئلئردئم؛ اکمه‌دئیئنی، یردن بئچرسن، سپمه‌دئیئنی، یردن ییغارسان. 25قورخدوم و گدئب سنئن تالانتینی یر آلتیندا گئزلتدئم. بویور، بو دا مالین.“ 26آمّا قولون آغاسی اونا جاواب ورئب ددی: ”ای پئس و تنبل قول! منئم، اکمه‌دئیئمی یردن بئچدئیئمی، سپمه‌دئیئمی یردن ییغدیغیمی بئلئردئن، هه؟ 27اوندا گرک منئم پولومو صرّافلارا وره‌یدئن کی، من قاییداندا، اونو فایداسی ائله گری آلیم. 28تالانتی اوندان آلین و اون تالانتی اولانا ورئن. 29چونکی کئمده وارسا، اونا داها چوخ ورئله‌جک و او بوللوق ائچئنده اولاجاق. آمّا کئمده یوخسا، الئنده اولان دا اوندان آلیناجاقدیر. 30او دَیَرسئز قولو چؤل قارانلیغینا آتین. اورادا آغلاشما و دئش قیجیرتماسی اولاجاقدیر.“

قویونلار و کچئلر

31ائنسان اوغلو اؤز جلالی ائچئنده بوتون ملکلری ائله بئرلئکده گلنده، شؤوکتلی تختی اوستونده اوتوراجاق. 32بوتون خالقلار اونون حوضورونا ییغیلاجاقلار. او زامان، چوبان قویونلاری کچئلردن آییردیغی کئمی، اونلاری بئر‌بئرئندن آییراجاق. 33قویونلاری صاغینا و کچئلری سولونا قویاجاق. 34او زامان، پادشاه صاغینداکی‌لارا دئیه‌جک: ”ای سئز، آتامین موبارکلری، گلئن و او سلطنتی مئراث آلین کی، دونیا یاراناندان بری سئزئن اوچون حاضیرلانیب. 35چونکی آج ائدئم، منه یمک وردئنئز؛ سوسوز ائدئم، منه سو وردئنئز؛ قرئب ائدئم، منی قبول اتدئنئز. 36لوت ائدئم، منی گیئندئردئنئز. ناخوش ائدئم، منه باش چکدئنئز؛ زئنداندا ائدئم، یانیما گلدئنئز.“

37او زامان صالح آداملار اونا جاواب ورئب دئیه‌جکلر: ”یارب، بئز سنی نه زامان آج گؤروب یدئرتدئک، یا دا سوسوز گؤروب سو وردئک؟ 38نه زامان سنی قرئب گؤروب قبول اتدئک، یا دا لوت گؤروب گیئندئردئک؟ 39نه زامان سنی ناخوش، یا دا زئنداندا گؤروب یانینا گلدئک؟“

40پادشاه اونلارا جاواب ورئب دئیه‌جک: ”دوغروسونو سئزه دیئرم: هر نه کی، منئم لاپ کئچئک قارداشلاریمین بئرئنه اتدئنئز، منه ده اتمئش اولدونوز.“

41او زامان سولونداکی‌لارا دئیه‌جک: ”اوزاق اولون، ای ملعونلار! ائبلئسه و اونون ملکلرئنه حاضیرلانمیش ابدی اودا یوللانین. 42چونکی آج ائدئم، منه یمک ورمه‌دئنئز؛ سوسوز ائدئم، منه سو ورمه‌دئنئز. 43قرئب ائدئم، منی قبول اتمه‌دئنئز. لوت ائدئم، منی گیئندئرمه‌دئنئز؛ ناخوش و زئنداندا ائدئم، فئکرئمه اولمادینیز.“

44او زامان اونلار دا جاواب ورئب دئیه‌جکلر: ”یارب! سنی نه واخت آج، سوسوز، قرئب، لوت، ناخوش، یا دا زئنداندا گؤردوک کی، سنه خئدمت اتمه‌دئک؟“

45پادشاه دا اونلارا جاواب ورئب دئیه‌جک: ”دوغروسونو سئزه دیئرم: هر نه کی، منئم بو لاپ کئچئکلرئمدن بئرئنه اِتمه‌دئنئز، منه ده اِتمه‌مئش اولدونوز.“ 46بونلار ابدی عذابا دوچار اولاجاقلار، آمّا صالحلر ابدی حیاتا مالئک اولاجاقلار.»

Currently Selected:

متّا 25: موقدس کتاب

Highlight

Copy