متّا 1

عئسا مسئحئن نسئل شجره‌سی

(لوقا ۳‏:۲۳‏-۳۸)

1ائبراهئم اوغلو، داوود اوغلو عئسا مسئحئن نسئل شجره‌سی:

2ائبراهئم ائسحاقین آتاسی ائدی،

ائسحاق یعقوبون آتاسی ائدی،

یعقوب یهودا و اونون قارداشلارینین آتاسی ائدی.

3یهودا تاماردان دوغولان پِرِص و زِرَخئن آتاسی ائدی،

پِرِص خِصرونون آتاسی ائدی،

خِصرون اَرامین آتاسی ائدی.

4اَرام عَمّئنادابین آتاسی ائدی،

عَمّئناداب نَخشونون آتاسی ائدی،

نَخشون سَلمونون آتاسی ائدی.

5سَلمون راخابدان دوغولان بوعَزئن آتاسی ائدی،

بوعَز روتدان دوغولان عوبئدئن آتاسی ائدی،

عوبئد یَسّه‌نئن آتاسی ائدی.

6یَسّه داوود پادشاهین آتاسی ائدی،

داوود اوریانین آروادیندان دوغولان سولِیمانین آتاسی ائدی.

7سولِیمان رِخوبعامین آتاسی ائدی،

رِحوبعام اَبئیانین آتاسی ائدی،

اَبئیا آسانین آتاسی ائدی.

8آسا یِهوشافاطین آتاسی ائدی،

یِهوشافاط یِهورامین آتاسی ائدی،

یِهورام عوزّئیانین آتاسی ائدی.

9عوزّئیا یوتامین آتاسی ائدی، یوتام آخازین آتاسی ائدی،

آخاز خئزقئیانین آتاسی ائدی.

10خئزقئیا مِنَسّه‌نئن آتاسی ائدی،

مِنَسّه آمونون آتاسی ائدی،

آمون یوشئیانین آتاسی ائدی.

11یوشئیا یِکونیا و اونون قارداشلارینین آتاسی ائدی کی، بابئله اسئرلئیه آپاریلان زامان دوغولموشدو.

12بابئله اسئرلئیه گدندن سونرا:

یِکونیا سِعَلتی‌اِلئن آتاسی ائدی،

سِعَلتی‌اِل زِروبّابئلئن آتاسی ائدی.

13زِروبّابئل اَبئهودون آتاسی ائدی،

اَبئهود اِلیاقئمئن آتاسی ائدی،

اِلیاقئم عازورون آتاسی ائدی.

14عازور صادوقون آتاسی ائدی،

صادوق آخئمئن آتاسی ائدی،

آخئم اِلئهودون آتاسی ائدی.

15اِلئهود اِلئعازارین آتاسی ائدی،

اِلئعازار ماتّانین آتاسی ائدی،

ماتّان یعقوبون آتاسی ائدی.

16یعقوب مریمئن اَری یوسئفئن آتاسی ائدی،

مریمدن ده مسئح آدلانان عئسا دوغولدو.

17بله‌جه، ائبراهئمدن داوودا قدر اولان بوتون نسئللر، اون دؤرد نسئلدئر؛ داووددان بابئل اسئرلئیئنه قدر اون دؤرد نسئلدئر؛ و بابئل اسئرلئیئندن مسئحه قدر ده اون دؤرد نسئلدئر.

عئسا مسئحئن آنادان اولماسی

(لوقا ۲‏:۱‏-۷)

18عئسا مسئحئن آنادان اولماسی بله اولدو؛ آناسی مریم یوسئفه نئشانلانمیش اولان زامان، نئکاح کسئلمه‌مئشدن، آشکار اولدو کی، موقدّس روحدان حامئله‌دئر. 19اونون اَری یوسئف، صالح بئر آدام اولدوغونا گؤره، ائسته‌مئردی کی، اونو روسوای اتسئن و بو نئیّتده ائدی کی، گئزلئجه اونو بوشاسین.

20لاکئن بونلاری دوشونَن زامان، ربّئن بئر مَله‌یی رؤیادا اونا ظاهئر اولوب، ددی: «داوود اوغلو یوسئف، مریمی اؤزونه آروادلیغا قبول اتمکدن قورخما، چونکی اونون بطنئنده‌کی موقدّس روحداندیر. 21مریم بئر اوغول دوغاجاق و اونون آدینی عئسا قویاجاقسان. چونکی او، اؤز خالقینی گوناهلاریندان خئلاص اده‌جک.»

22بوتون بونلار اوندان اؤتری باش وردی کی، ربّئن پیغمبر واسئطه‌سئله ددئیی سؤز یرئنه یتئشسئن: 23«باخ، باکئره قیز بویلو اولوب، بئر اوغول دوغاجاق و اونون آدینی عِمانواِل قویاجاقلار کی، معناسی بودور: تاری بئزئمله‌دئر.»#1‏:23 اِشَعیا ۷‏:۱۴

24یوسئف یوخوسوندان اویاناندان سونرا، ربّئن مَله‌یئنئن بویوردوغو کئمی ادئب، آروادینی قبول اتدی. 25و ائلک اوغلونو دوغانا قدر مریمله یاخینلیق اتمه‌دی؛ و اونون آدینی عئسا قویدو.

Currently Selected:

متّا 1: موقدس کتاب

Highlight

Copy