لوقا 6
6
سبّت گونونون صاحئبی
(متّا 12:1-14، مرقوس 2:23-3:6)
1بئر سبّت گونو عئسا اکئنلر آراسیندان کچئردی. شاگئردلری سونبول‌لری درئردئلر و اوووجلاریندا اووب ییئردئلر. 2فرئسئلردن بعضئلری اونلارا ددئلر: «نه اوچون سبّت گونونده جائز اولمایان ائشی ادئرسئنئز؟»
3عئسا اونلارا جاواب ورئب ددی: «مگر اوخوماییبسینیز کی، داوود و اونونلا اولانلار آج قالان زامان نه اتدئلر؟ 4نجه داوود تارینین اِوئنه گئردی و تارییا تقدئم ادئلمئش چؤرکلری گؤتوروب یدی و اؤزو ائله اولانلارا دا وردی؟! حال بو کی، بونلارین یمه‌یی کاهئنلردن باشقا هچ کسه جائز دیئل.» 5و عئسا اونلارا ددی: «ائنسان اوغلو سبّت گونونون ده صاحئبی‌دئر.»#6:5 و یا «ربّی‌دئر.»
6آیری بئر سبّت گونو عئسا کنئسه‌یه گئردی و تعلئم ورئردی. اورادا صاغ اَلی قوروموش بئر آدام وار ائدی. 7دئن عالئملری و فرئسئلر عئسایا بؤهتان آتماق اوچون سبب آختاریردیلار. اونون اوچون ده اونو گؤز آلتینا آلمیشدیلار کی، بلکه سبّت گونونده شفا ورسئن. 8آمّا عئسا اونلارین فئکئرلرئنی بئلئب، اَلی قوروموش آداما ددی: «آیاغا قالخ و اورتادا دور.» او دا آیاغا قالخیب دوردو. 9سونرا عئسا اونلارا ددی: «سئزدن سوروشورام: سبّت گونو نه اتمک جائزدئر، یاخشیلیق اتمک، یوخسا یامانلیق؟ جان قورتارماق، یوخسا اؤلدورمک؟»
10عئسا اطرافیندا اولان آداملارین هامیسینا باخیب، اَلی قوروموش آداما ددی: «اَلئنی اوزات!» او دا اِله اتدی و الی صاغالدی. 11لاکئن اونلار داها چوخ قضبله‌نئب آرالاریندا دانیشیردیلار کی، عئسایا نه اتسئنلر.
اون‌ائکی حواری
(متّا 10:1-4، مرقوس 3:13-19)
12او گونلرئن بئرئنده عئسا دوعا اتمک اوچون داغا چیخدی. و بوتون گجه‌نی تارییا دوعا اتمکله کچئرتدی. 13گوندوز اولاندا شاگئردلرئنی یانینا چاغیردی. اونلاردان اون‌ائکی نفری سچئب اونلارا حواری آدی قویدو: 14شمعون کی، اونا پطروس آدینی ورمئشدی، قارداشی آندریاس، یعقوب، یوحنّا، فئلئپوس، بارتولمای، 15متّا، توما، آلفاعوس اوغلو یعقوب، وطنپرست آدلانان شمعون، 16یعقوب اوغلو یهودا، و سونرالاردا اونا خیانت ادن یهودا ائسکاریوت.
17عئسا بونلارلا آشاغی اِنئب هامار بئر یرده دوردو. شاگئردلرئندن چوخلاری اورادا ائدئلر و یهودئیه‌نئن هر یرئندن، اورشلئمدن، صور و صئدون ساحئل‌لرئندن چوخ آداملار گلمئشدئلر کی، 18اونون سؤزلرئنی اشئتسئنلر و مرضلرئندن شفا تاپسینلار. ناپاک روحلاردان عذاب چکن آداملار دا صاغالیردیلار. 19جاماعاتین هامیسی اونا توخونماغا چالیشیردی، چونکی اوندان قووّت چیخیب هامیسینا شفا ورئردی.
20عئسا شاگئردلرئنه نظر سالیب ددی: «خوش سئزئن حالینیزا کی، فاغیرسینیز، چونکی تارینین پادشاهلیغی سئزئندئر. 21خوش سئزئن حالینیزا کی، ائندی آجسینیز، چونکی دویورولاجاقسینیز. خوش سئزئن حالینیزا کی، ائندی آغلاییرسینیز. چونکی گوله‌جکسئنئز. 22خوش سئزئن حالینیزا او زامان کی، آداملار ائنسان اوغلونون خاطئرئنه گؤره سئزدن نئفرت ادئرلر، آرالاریندان قووالاییرلار، سئزی تحقئر ادئرلر و آدینیزی پئسله‌یئرلر. 23او گونده سوئنئن و شادلیقدان آتیلیب-دوشون. چونکی گؤیده اجرئنئز بؤیوکدور. اونلارین آتالاری دا پیغمبرلرله بله رفتار اتدئلر.
24لاکئن وای سئزه ای وارلی‌لار! چونکی تسلّئنئزی اله ائندی آلیبسینیز. 25وای سئزه ای توخ اولانلار! چونکی آج اولاجاقسینیز. وای سئزه ای گولَنلر، چونکی یاس توتوب آغلایاجاقسینیز. 26وای سئزه او زامان کی، آداملار سئزئن باره‌ده یاخشی دانیشیرلار. چونکی اونلارین آتالاری یالانچی پیغمبرلرله ده بله رفتار اتدئلر.
دوشمنی سومک
(متّا 5:38-48، 7:12)
27آمّا سئزه دیئرم ای اشئدنلر: دوشمنلرئنئزی سوئن، سئزدن نئفرت ادنلره یاخشیلیق ادئن. 28سئزه لعنت ادنلره برکت ورئن و سئزی ائنجئدنلره دوعا ادئن. 29اوزونون بئر طرفئنه وورانا، او بئری طرفئنی ده چوئر. ردانی گؤتوره‌نه، کؤینه‌یئنی ده آلماقدان مانع اولما. 30سندن بئر شی ائسته‌ین هرکسه ور و مالینی آپاراندان اونو گری ائستمه. 31ائنسانلارین سئزئنله نجه رفتار اتمه‌سئنی ائسته‌یئرسئنئز، سئز ده اونلارلا اله رفتار ادئن. 32اگر سئزی سونلری سوه‌سئنئز، نه فضئلتئنئز وار؟! چونکی گوناهکارلار دا اونلاری سونلری سوئرلر. 33اگر سئزه یاخشیلیق ادنلره یاخشیلیق اده‌سئنئز، نه فضئلتئنئز وار؟! چونکی گوناهکارلار دا اله ادئرلر. 34اگر او آداملارا بورج وره‌سئنئز کی، اونلاردان گری آلماغا اومئدئنئز وار، نه فضئلتئنئز وار؟! چونکی گوناهکارلار دا گوناهکارلارا بورج ورئرلر کی، همن او قدر گری آلسینلار. 35لاکئن دوشمنلرئنئزی سوئن. اونلارا یاخشیلیق ادئن و عوضئنی گؤزلمه‌دن بورج ورئن. اجرئنئز چوخ اولاجاق و حاق-تاعالانین اوغوللاری اولاجاقسینیز، چونکی او، ناشوکورلره و پئس آداملارا مهرئباندیر. 36آتانیز نجه مرحمتلی‌دئر، سئز ده اله مرحمتلی اولون.
آیری آداملارا حؤکم اتمک
(متّا 7:1-5)
37حؤکم اتمه‌یئن، سئزه ده حؤکم اولونماز. محکوم اتمه‌یئن، سئز ده محکوم اولونمازسینیز. باغیشلایین، سئز ده باغیشلانارسینیز. 38ورئن، سئزه ده ورئلر؛ اؤلچولوب-بئچئلمئش، سئلکَله‌نئب-باسیلمیش، دولوب-داشمیش بول بئر اؤلچو ائله سئزئن اَته‌یئنئزه تؤکولر. چونکی هانسی اؤلچو ائله اؤلچه‌سئنئز، او اؤلچو ائله ده سئزه اؤلچولر.»
39و اونلارا بئر مثل ده ددی: «آیا کور، کورا بلدچئلئک اِده بئلر؟ مگر ائکئسی ده چوخورا دوشمز؟ 40شاگئرد موعلّئمئندن بؤیوک دیئل، لاکئن تحصئلئنی تکمئل ادندن سونرا، هر شاگئرد اؤز موعلّئمی کئمی اولار. 41نه اوچون قارداشینین گؤزونده‌کی چؤپو گؤرورسن، آمّا اؤز گؤزونده‌کی تئری سچمئرسن؟! 42اؤز گؤزونده اولان تئری گؤرمه‌دئیئن حالدا، نجه قارداشینا دئیه بئلرسن کی: ”قارداشیم، قوی گؤزونده‌کی چؤپو چیخاردیم؟!“ ای رئیاکار! اوّلجه تئری اؤز گؤزوندن چیخارت، او زامان آیدین گؤررسن کی، چؤپو قارداشینین گؤزوندن چیخارداسان. 43چونکی اله یاخشی آغاج یوخدور کی، پئس میوه ورسئن و اله پئس آغاج دا یوخدور کی، یاخشی میوه ورسئن. 44هر آغاج اؤز میوه‌سئندن تانینیر: نه تئکانلاردان انجئر دررلر، نه ده گَوَندن اوزوم ییغارلار. 45یاخشی آدام اوره‌یئنئن یاخشیلیق خزئنه‌سئندن یاخشی شیلر چیخاردیر؛ پئس آدام دا اوره‌یئنئن پئس خزئنه‌سئندن پئس شیلر چیخاردیر. چونکی اونون آغزی اوره‌یئندن کچنلری بیان ادئر. 46نه اوچون منی ”یارب، یارب…“ چاغیریرسینیز، آمّا سئزه ددئیئم شیلره عمل اتمئرسئنئز؟! 47منئم یانیما گلن، سؤزلرئمی اشئدن و اونلارا عمل ادن هر آدامین کئمه بنزه‌دئیئنی سئزه گؤرسدئرم؛ 48او، اِو تئکن بئر آداما بنزه‌ر کی، قازیب درئنه سالدی و اِوئن بونؤوره‌سئنی داش اوستونده قوردو. سل گلن واخت، سو او اِوه هوجوم اتدی، لاکئن اونو ترپه‌ده بئلمه‌دی. چونکی اِو یاخشی تئکئلمئشدی. 49لاکئن اشئدئب عمل اتمه‌ین، او اِو تئکن آداما بنزه‌ر کی، بونؤوره قویمامیش، اِوی تورپاق اوستونده بئنا اتدی؛ سل او اِوه هوجوم اتدی و اِو او آندا اوچدو. و او اِوئن اوچماسی بئر موصئبت اولدو.»
Currently Selected:
لوقا 6: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
