یارادیلیش 43
43
مئصئره ائکئنجی سفر
1کَنَعان تورپاغیندا آجلیق گوجلَنمئشدی. 2قارداشلارین مئصئردن گتئردئیی بوغدا یِیئلئب قورتاراندا، آتالاری اونلارا ددی: «گئنه گدئب، بئزه بئر آز ارزاق آلین.»
3یهودا اونا بله ددی: «او آدام بئزه برک ائخطار ورئب کی، اگر قارداشینیز سئزئنله گلمه‌سه، گؤزومه گؤرونمه‌یئن. 4اگر سن قارداشیمیزی گؤندَ‌ره‌سن، گدئب سنه ارزاق آلاریق. 5لاکئن اگر اونو گؤنده‌رمه‌یه‌سن، گتمیه‌جیئک، چونکی او آدام بئزه ددی کی، ”قارداشینیز سئزئنله گلمه‌سه، گؤزومه گؤرونمه‌یئن.“» 6ائسرایئل ددی: «نئیه منه پئسلئک ادئب او آداما بئلدئردئنئز کی، داها بئر قارداشینیز دا وار؟» 7اونلار ددئلر: «او آدام اؤزوموز و عایئله‌مئز باره‌ده دفه‌لرله بئزدن بله سوآللار سوروشدو: ”آیا آتانیز حله صاغدیر؟ آیا آیری قارداشینیز دا وار؟“ بئز ده اونون بو سوآللارینا جاواب وردئک. مگر آغلیمیزا گلردی کی، ”قارداشینیزی گتئرئن“ دئیه‌جک؟» 8سونرا یهودا آتاسی ائسرایئله ددی: «اوشاغی منئمله گؤندَر کی، قالخیب گدک. بئز ده، سن ده، اوشاقلاریمیز دا اؤلمه‌یئب صاغ قالاریق. 9من اونا ضامئن دورورام، اونو مندن طلب ادرسن. اگر اونو سنئن یانینا گتئرئب قاباغیندا دایاندیرماسام، عؤمروم بویو قاباغیندا تقصئرکار اولاجاغام. 10اگر یوباتماسایدیق، ائندی ائکی دفه گدئب-قاییتمیشدیق.»
11آتالاری ائسرایئل اونلارا ددی: «اگر بله‌دئر، اوندا بونو ادئن: توربالارینیزدا بو تورپاغین لاپ یاخشی محصوللاریندان او آداما هدئیّه اولاراق بئر قدر بالزام، بئر قدر بال، کتئره، عطرئیّات، پوسته و بادام گؤتورون. 12اؤزونوزله ائکی قات پول گؤتورون. چوواللارینیزین ائچئنده گری قایتاریلمیش پولو اؤز اَللرئنئزله قایتارین، بلکه بئر سهو اولوب. 13قارداشلارینیزی گؤتورون، قالخین و او آدامین یانینا قاییدین. 14قوی قادئری‌موطلق تاری او آدامدا سئزئن حاقّینیزدا مرحمت اویاندیرسین، او دا او بئری قارداشینیزی و بِنیامئنی سئزه تحوئل ورسئن. منه گلئنجه، اگر من اوشاقلاریمدان محروم اولاجاغام، قوی اولوم.»
15قارداشلار اؤزلری ائله بو هدئیّه‌نی ائکی قات پوللا گؤتوردولر. بِنیامئنی ده گؤتوروب قالخدیلار و مئصئره گلئب، یوسئفئن حوضوروندا دوردولار. 16یوسئف بِنیامئنی اونلارلا برابر گؤرَ‌نده اؤز اِو نظارتچئسئنه ددی: «بو آداملاری اِوه آپار و حیوان کسئب حاضیرلا، چونکی اونلار منئمله ناهار یئیه‌جکلر.» 17او آدام یوسئفئن ددئیئنه عمل اتدی؛ بو آداملاری یوسئفئن اِوئنه آپاردی. 18قارداشلار یوسئفئن اِوئنه آپاریلدیقلاری اوچون قورخوب ددئلر: «کچن دفه چوواللاریمیزدا گری قایتاریلمیش پول اوستونده آپاریلیریق. او ائسته‌یئر کی، بئزئم ضئدّئمئزه بهانه تاپیب اوستوموزه دوشسون، بئزی اؤزونه قول اتسئن و اِششَکلرئمئزی آلسین.» 19اونلار یوسئفئن اِو نظارتچئسئنه یاخینلاشدیلار و اِوئن آستاناسیندا اونا بله ددئلر: 20«ای آغامیز، بئز کچن دفه دوغرودان دا ارزاق آلماق اوچون گلمئشدئک. 21آمّا گجه قالدیغیمیز یِره چاتدیغیمیز زامان، چوواللاریمیزی آچیب گؤردوک کی، هر بئرئمئزئن پولو تامام-کامال چوواللاریمیزین ائچئنده‌دئر. ائندی اونو اؤز اَللرئمئزله گری قایتاریریق. 22ارزاق آلماق اوچون اؤزوموزله آیری پول دا گتئرمئشدئک. آمّا بئلمئرئک کی، پولوموزو کئم بئزئم چوواللاریمیزا قویموشدو.» 23اِو نظارتچئسی ددی: «ناراحات اولمایین، قورخمایین. اؤزونوزون و آتانیزین تاریسی سئزه چوواللارینیزدا خزئنه وردی. پولونوز منه گلئب چاتدی.» سونرا شَمعونو اونلارین یانینا گتئردی. 24او آدام، قارداشلاری یوسئفئن اِوئنه گتئردی. آیاقلارینی یوماق اوچون اونلارا سو وردی و اِششَکلرئنه یِم وردی. 25قارداشلار، یوسئف ناهارا گلنه قدر، هدئیّه‌نی حاضیرلادیلار، چونکی اشئتدئلر کی، اورادا یمک یئیه‌جکلر.
26یوسئف اِوه گلنده اونلار هدئیّه‌نی اِوه گتئرئب اونا تقدئم اتدئلر، اونون حوضوروندا یِره قدر اَیئلدئلر. 27یوسئف اونلارین کِفئنی سوروشوب ددی: «او دِدئیئنئز قوجا آتانیز سالاماتدیر؟ حله ده یاشاییر؟» 28اونلار ددئلر: «سنئن قولون آتامیز سالاماتدیر، حله ده یاشاییر.» اونلار یوسئفه اَیئلئب سجده اتدئلر.
29یوسئف باشینی قالدیراندا اؤز آناسینین اوغلو اولان قارداشی بِنیامئنی گؤروب ددی: «منه دِدئیئنئز لاپ کئچئک قارداشینیز بودور؟» سونرا بِنیامئنه ددی: «تاری سنه لوطف اتسئن، اوغلوم.» 30یوسئف تَلَسئک اورادان چیخدی، چونکی اوره‌یی سیزیلدادی، اونو آغلاماق توتدو و اوتاغا گئرئب، اورادا آغلادی. 31سونرا اوزونو یویوب چیخدی، اؤزونه گلئب ددی: «یمک گتئرئن.» 32یِمه‌یی اونا آیریجا، قارداشلارینا آیریجا، اونونلا بئرلئکده یئین مئصئرلی‌لره آیریجا قویدولار، چونکی مئصئرلی‌لر عئبرانئلرله بئرلئکده یمک یمزدئلر؛ بو، مئصئرلی‌لر اوچون ائیرنج بئر شی ائدی. 33قارداشلار بؤیوکدن-کئچئیه دوغوم حاقلارینا گؤره اونون حوضوروندا اوتوردولار. اونلار بئربئرلرئنه حیرتله باخدیلار. 34یوسئفئن قاباغینداکی یمکلردن اونلارا پای آیریلدی. لاکئن بِنیامئنئن پایی اونلارین هر بئرئنئن پاییندان بش قات آرتیق ائدی. اونلار یِیئب-ائچدئلر و اونونلا برابر خوش واخت کچئرتدئلر.
Currently Selected:
یارادیلیش 43: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
