یارادیلیش 38
38
یهودا و تامار
1او زامان یهودا قارداشلاریندان آیریلاراق خئرا آدلی عَدوللاملی بئر آدامین یانینا گتدی. 2یهودا اورادا شوعه آدلی کَنَعانلی بئر آدامین قیزینی گؤردو. یهودا قیزی آرواد آلیب، اونونلا یاتدی. 3آرواد بویلو اولوب بئر اوغلان دوغدو و یهودا اونون آدینی عِر قویدو. 4آرواد گئنه بویلو اولوب بئر اوغلان دوغدو و آدینی اونان قویدو. 5سونرا گئنه ده بئر اوغلان دوغوب، آدینی شِلا قویدو. آرواد اونو دوغدوغو زامان، یهودا کِزئبده ائدی.
6یهودا ائلک اوغلو عِر اوچون بئر آرواد آلدی، اونون آدی تامار ائدی. 7یهودانین ائلک اوغلو عِر ربّئن گؤزونده پئس ائدی و رب اونو اؤلدوردو. 8یهودا اونانا ددی: «قارداشین آروادینلا یات، اؤز قایینلیق وظئفه‌نی یرئنه یتئرئب قارداشین اوچون نسئل یتئشدئر.» 9اونان بئلئردی کی، بو نسئل اونون اؤزونون اولمایاجاق. بونا گؤره ده قارداشی آروادی ائله یاخینلیق ادنده توخومونو یره تؤکدو کی، قارداشی اوچون نسئل یتئشدئرمه‌سئن. 10اونون اتدئیی بو ائش ربّئن گؤزونده پئس اولدو و رب اونو دا اؤلدوردو. 11یهودا گلئنی تامارا ددی: «اوغلوم شِلا بؤیوینه قدر آتانین اِوئنده دول اولاراق قال.» یهودا فئکئرلشدی کی، شِلا دا قارداشلاری کئمی اؤله بئلر. تامار گدئب آتاسینین اِوئنده قالدی.
12اوزون مودّتدن سونرا یهودانین آروادی کی، شوعه‌نئن قیزی ائدی، اؤلدو. یهودا ماتم قورتاراندان سونرا، دوستو اَدوللاملی خئرا ائله بئرلئکده تئمه‌ناعیا، سوروسونو قیرخانلارین یانینا گتدی. 13تامارا بئلدئردئلر: «باخ قایناتان سوروسونو قیرخماق اوچون تئمه‌ناعیا گلئر.» 14تامار دوللوق پالتارینی اَینئندن چیخاردیب روبند اؤرتدو و بورونوب، عِنایئم دروازاسینین یانیندا کی، تئمه‌ناعیا گدن یولدا ائدی، اوتوردو. چونکی او گؤروردو کی، شِلا بؤیویوب، لاکئن او حله ده شِلایا اَره ورئلمه‌یئب.
15یهودا اونو گؤرنده اله بئلدی کی، بئر فاحئشه آرواددیر، چونکی اوزونو اؤرتموشدو. 16یهودا یولونو اونا طرف سالیب ددی: «لوطفن ائجازه ور، سنئنله یاتیم.» آمّا اونون اؤز گلئنی اولدوغونو بئلمه‌دی. آرواد ددی: «منئمله یاتماق اوچون منه نه ورئرسن؟» 17یهودا ددی: «سورودن بئر کچی بالاسی گؤندَ‌ره‌رم.» او ددی: «اونو گؤندَ‌ره‌نه قدر منه گئروو اولاراق بئر شی وِرَرسن؟» 18یهودا سوروشدو: «گئروو اولاراق سنه نه ورئم؟» آرواد ددی: «اؤز مؤهورونو، قایتانینی و اَلئنده اولان عصانی.» یهودا بونلاری آروادا ورئب، اونونلا یاتدی. آرواد اوندان بویلو اولدو. 19سونرا تامار قالخیب گتدی و روبندئنی گؤتوروب دوللوق پالتارینی گِیدی.
20یهودا آروادین اَلئندن گئرووونو آلماق اوچون اَدوللاملی دوستونون واسئطه‌سی‌ائله کچی بالاسینی گؤندَ‌ردی. آمّا او، آروادی تاپمادی. 21آروادین اولدوغو یرئن آداملاریندان سوروشدو: «عِنایئمده یول قیراغیندا اولان معبد فاحئشه‌سی هارادادیر؟» اونلار ددئلر: «بورادا معبد فاحئشه‌سی یوخدور.» 22او، یهودانین یانینا قاییدیب ددی: «اونو تاپا بئلمه‌دئم. بوندان علاوه او یرئن آداملاری دا ددئلر کی، ”بورادا معبد فاحئشه‌سی یوخدور.“ 23یهودا ددی: ”قوی بو شیلر اونونکو اولسون، مبادا بئز بو ائشدن روسوای اولاق. باخ من بو کچی بالاسینی اونا گؤندَ‌ردئم، آمّا سن اونو تاپمادین.“»
24بوندان تخمئنَن اوچ آی سونرا یهودایا بئلدئردئلر: «گلئنئن تامار فاحئشه‌لئک ادئب، هم ده بو فاحئشه‌لئکدن بویلو اولوب.» یهودا ددی: «اونو چیخاردیب یاندیرین.» 25او اِشئیه چیخاریلدیغی زامان قایناتاسینا خبر گؤندَ‌رئب ددی: «من بو شیلرئن صاحئبی اولان آدامدان بویلو اولدوم.» سونرا ددی: «خاهئش ادئرم، باخ گؤر، بو مؤهور، قایتان و عصا کئمئندئر؟» 26یهودا بونلاری تانی‌ییب ددی: «او مندن حاقلی‌دیر، چونکی اونو اوغلوم شِلایا ورمه‌دئم.» یهودا اونونلا بئر داها یاخینلیق اتمه‌دی.
27تامار دوغاندا معلوم اولدو کی، بطنئنده اِکئز وار. 28دوغوش واختیندا بئر اوشاق اَلئنی چیخارتدی. ماما گؤتوروب اونون اَلئنه قیرمیزی ائپ باغلادی و ددی: «اوّلجه بو چیخدی.» 29آمّا او اوشاق اَلئنی گری چکدی و قارداشی بئرئنجی چیخدی. ماما ددی: «اؤزونه نجه دِشئک آچدین؟» بونا گؤره ده اونون آدینی پِرِص#38:29 «پِرِص» - عئبرانی دئلئنده «دِشئک آچماق» قویدولار. 30اوندان سونرا اَلئنده قیرمیزی ائپ اولان قارداشی دوغولدو. اونون آدینی زِرَخ#38:30 «زِرَخ» - عئبرانی دئلئنده «قیرمیزی» قویدولار.
Currently Selected:
یارادیلیش 38: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
