یارادیلیش 21
21
ائسحاقین دوغولماسی
1رب ددئیی کئمی سارایا نظر سالدی و اونا ددئیی سؤزو یرئنه یتئردی. 2سارا بویلو اولدو و ائبراهئمئن قوجالیق واختیندا، تارینین اونا ددئیی زامان بئر اوغول دوغدو. 3ائبراهئم سارادان دوغولان اوغلونا ائسحاق آدینی قویدو. #21:3 «ائسحاق» - عئبرانی دئلئنده «گولور». 4تارینین ائبراهئمه امر اتدئیی کئمی او، اوغلو ائسحاقی دوغولاندان سکّئز گون سونرا ختنه اتدی. 5ائسحاق دوغولاندا ائبراهئمئن یوز یاشی وار ائدی. 6سارا ددی: «تاری منئم اوزومو گولدوردو. بونو اشئدن هر کس منئمله بئرلئکده گوله‌جک.» 7او گئنه ددی: «کئم ائبراهئمه دئیَردی کی، سارا اوشاق اَمئزدئره‌جک؟! آمّا قوجالیق واختیندا من اونا بئر اوغول دوغموشام.»
هاجر و ائسماعئلئن اِودن قووولماسی
8اوشاق بؤیویوب سوددن کسئلدی. ائسحاقین سوددن کسئلدئیی گون، ائبراهئم بؤیوک بئر ضئیافت وردی. 9سارا گؤردو کی، مئصئرلی هاجرئن ائبراهئمه دوغدوغو اوغلو اونا گولور. 10سارا ائبراهئمه ددی: «بو کنئزی و اونون اوغلونو قوو. بو کنئزئن اوغلو منئم اوغلوم ائسحاقلا بئرلئکده وارئث اولمایاجاق.» 11ائبراهئم بو اوغلوندان اؤتری چوخ ناراحات اولدو. 12تاری ائبراهئمه ددی: «اوشاقدان و کنئزدن اؤتری ناراحات اولما. سارانین سنه ددئیی بوتون سؤزلره قولاق آس، چونکی سنئن نسلئنئن وارئثی ائسحاق اولاجاق. 13آمّا کنئزئن اوغلوندان دا بئر مئلّت تؤره‌ده‌جیم، چونکی او دا سنئن نسلئندندئر.»
14ائبراهئم سحر تزدن قالخدی، چؤرک و بئر تولوق سو گؤتوروب هاجرئن چئینئنه قویدو. اوشاغی دا اونا ورئب، اونو یولا سالدی. هاجر گدئب بئرشئبا چؤلونده آوارا گزئردی. 15تولوقدا سو قورتاردیقدا، هاجر، اوغلونو بئر بوتانین آلتینا قویدو. 16سونرا اورادان بئر اوخ مسافتی قدر آرالانیب، اونون قاباغیندا اوتوردو. «اوغلومون اؤلومونو گؤرمه‌یئم» ددی و اوشاغین قاباغیندا اوتوروب، هؤنکور-هؤنکور آغلادی.
17تاری اوغلانین سسئنی اشئتدی. تارینین مله‌یی گؤیدن هاجری چاغیریب ددی: «سنه نه اولوب، هاجر؟ قورخما، چونکی اوغلانین اوتوردوغو یردن تاری اونون سسئنی اشئدئب. 18قالخ، اوشاغی قالدیر، اونون الئندن توت. من اوندان بؤیوک بئر مئلّت تؤره‌ده‌جیم.» 19تاری هاجرئن گؤزلرئنی آچدی و او، بئر سو قویوسو گؤردو. گتدی و تولوغو سو ائله دولدوروب، اوشاغا ائچدئردی. 20تاری بو اوغلانلا ائدی. او بؤیویوب، چؤلده یاشاماغا باشلادی و اوخ آتان اولدو. 21او، پاران چؤلونده ساکئن اولدو. آناسی اونا مئصئردن بئر آرواد آلدی.
ائبراهئمئن اَبئمِلِکله عهدی
22او زامان اَبئمِلِک و اونون قوشون باشچیسی فئکول ائبراهئمه ددئلر: «سن نه اده‌سن، تاری سنئنله‌دئر. 23ائندی بورادا تارینین حاقّینا منه آند ائچ کی، نه منه، نه اوغلوما، نه ده نوه‌مه خیانت اده‌جکسن: من سنه محبّت اتدئیئم کئمی، سن ده منه و ساکئن اولدوغون تورپاغا محبّت ات.» 24ائبراهئم ددی: «من آند ائچئرم.»
25آمّا ائبراهئم اَبئمِلِکه، اونون نؤکرلرئنئن قَصب اتدئیی سو قویوسوندان اؤتری شئکایت اتدی. 26اَبئمِلِک ددی: «بئلمئرم، بو ائشی کئم ادئب. اونو نه سن منه بئلدئر‌دئن، نه ده بو واختا کئمی اوندا خبرئم وار.» 27ائبراهئم سورو و مال-حیوان آلیب ابئمِلِکه وردی. بله‌جه ائکئسی بئر عهد باغلادیلار. 28ائبراهئم سوروسوندن یدّی دئشی قوزونو آییردی. 29اَبئمِلِک ائبراهئمه ددی: «آییردیغین بو یدّی دئشی قوزو نه اوچوندور؟» 30ائبراهئم ددی: «بو یدّی دئشی قوزونو منئم اَلئمدن آلمالی‌سان کی، بو قویونو قازدیغیما شهادت اولسون.» 31بونا گؤره ده او بورانی بئرشئبا#21:31 «بئرشئبا» - عئبرانی دئلئنده «آند قویوسو» و یا «یِدّئنئن قویوسو» چاغیردی، چونکی اونلارین ائکئسی ده اورادا آند ائچدئلر. 32بله‌جه بئر‌شئبادا عهد باغلادیلار. سونرا اَبئمِلِک و اونون قوشون باشچیسی فئکول قالخیب، فئلئسطلی‌لرئن اؤلکه‌سئنه قاییتدیلار. 33ائبراهئم بئر‌شئبادا بئر گَز آغاجی اَکدی و اورادا ربّئن آدینی، ابدی اولان تارینین آدینی چاغیردی. 34ائبراهئم فئلئسطلی‌لرئن اؤلکه‌سئنده اوزون مودّت قالدی.
Currently Selected:
یارادیلیش 21: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
