حوارئلر 23
23
پولوس شورانین قاباغیندا
1پولوس سنهدرئن شوراسینا باخیب ددی: «قارداشلار، من بو گونه قدر حیاتیمی صاف وئجدانلا تارینین حوضوروندا یاشامیشام.» 2باش کاهئن حنانئیا اونون یانیندا دورانلارا امر اتدی کی، پولوسون آغزینا وورسونلار. 3او واخت پولوس اونا ددی: «ای آغاردیلمیش دووار! تاری سنی ووراجاق! سن اوتورورسان کی، منی شرئعته موطابئق موحاکئمه اده‌سن، لاکئن شرئعتی آیاق آلتینا قویوب امر ادئرسن کی، منی دؤیسونلر؟» 4آمّا یانیندا دورانلار ددئلر: «تارینین باش کاهئنئنی سؤیورسن؟» 5پولوس دا ددی: «قارداشلار، اونون باش کاهئن اولدوغونو بئلمئردئم، چونکی یازیلیب: ”خالقینین ریئسی ضئدّئنه پئس سؤز دمه.“#23:5 چیخیش ۲۲:۲۸»
6پولوس اونلارین بئر قئسمئنئن صادوقئلر و او بئری قئسمئنئن فرئسئلر اولدوغونو بئلدئکده، شورادا اوجا سسله ددی: «قارداشلار، من فرئسی اوغلو بئر فرئسی‌یَم؛ اؤلولرئن دئرئلمه‌سی اومئدی اوچون موحاکئمه اولونورام!»
7بونو دئین واخت، فرئسئلر و صادوقئلر آراسیندا دیئشمه قالخدی و ائجلاس ائکئیه بؤلوندو. 8چونکی صادوقئلر دیئرلر کی، نه دئرئلمه وار، نه مَلَک، نه ده روح. لاکئن فرئسئلر هامیسینی قبول ادئرلر. 9بؤیوک قیشقیر-باغیر اولدو و فرئسی دسته‌سئندن اولان بعضی شرئعت عالئملری قالخیب، چوخ قیزمیش موباحئثه ادئردئلر: «بئز بو آدامدا بئر یامانلیق تاپمیریق. اگر بئر روح و یا بئر ملک اونونلا دانیشمیش اولسا، نه؟» 10دیئشمه داها چوخ بؤیوینده، مئن باشی قورخدو کی، مبادا پولوس اونلارین الئنده تئکه-تئکه اولسون و عسگرلره امر اتدی کی، آشاغی انسئنلر و زورلا اونو آرالاریندان آلیب، قالایا آپارسینلار. 11او گونون گجه‌سی رب پولوسون یانیندا ظاهئر اولوب ددی: «جسور اول! چونکی منئم حاقّیمدا اورشلئمده نجه شهادت وردئن، رومدا دا گرک بو جور شهادت وره‌سن.»
پولوسون ضئدّئنه سوئیقصد
12سحر آچیلاندا، یهودئلر بئر ائتّئفاق قوروب آند ائچدئلر کی، پولوسو اؤلدورمه‌یئنجه نه یسئنلر، نه ده ائچسئنلر. 13بو سوئی‌قصدی حاضیرلایانلارین ساییسی قیرخ نفردن چوخ ائدی. 14اونلار باش کاهئنلر و آغساقّاللارین یانینا گلئب ددئلر: «بئز آغیر بئر آند ائچمئشئک کی، پولوسو اؤلدورمه‌یئنجه هچ بئر شی دادمایاق. 15بله‌جه، ائندی سئز و شورا مئن‌باشییا خبر گؤندَ‌رئن کی، گویا پولوسون مسله‌سئنی داها دقئق آراشدیرماق ائسته‌یئرسئنئز و اونو سئزئن یانینیزا آشاغی گتئرسئن. بئز ده حاضیریق کی، یاخین گلمه‌مئشدن اونو اؤلدورک.»
16لاکئن پولوسون باجیسی اوغلو اونلارین بو کمئنی باره‌ده اشئتدی و گلئب قالایا گئردی و پولوسا خبر وردی. 17پولوس دا یوزباشی‌لاردان بئرئنی یانینا چاغیریب ددی: «بو جاوانی مئن‌باشینین یانینا آپار، چونکی اونا ورمه‌لی بئر خبری وار.» 18یوزباشی جاوانی گؤتوروب، مئن‌باشینین یانینا آپاردی و اونا ددی: «زئندانی پولوس منی یانینا چاغیردی و خاهئش اتدی کی، بو جاوانی سنئن یانینا گتئرئم، چونکی سنه دمه‌لی بئر خبری وار.» 19مئن‌باشی جاوانین اَلئندن توتدو و خلوت بئر یره چکئلئب اوندان سوروشدو: «منه بئلدئرمه‌لی نه خبرئن وار؟» 20جاوان اونا ددی: «یهودئلر سؤزو بئر ادئبلر کی، گویا پولوسون ائشئنی داها دقئق آراشدیرماق اوچون سندن ائسته‌سئنلر کی، صاباح اونو شورانین حوضورونا آشاغی گتئره‌سن. 21لاکئن سن اونلارا قولاق آسما. چونکی قیرخ نفردن آرتیق آدام کمئنده اونو گؤزله‌یئرلر و لعنت ادئبلر کی، اونو اؤلدورمه‌یئنجه ییئب-ائچمه‌سئنلر. ائندی اونلار حاضیردیرلار و سندن بئر جاواب گؤزله‌یئرلر.»
22او واخت مئن‌باشی جاوانی بوراخدی و اونا امر اتدی: «هچ کئمه دمه کی، بونلاری منه خبر ورئبسن.»
پولوس قیصرئیّه‌یه آپاریلیر
23مئن‌باشی یوزباشی‌لاردان ائکی نفری چاغیریب ددی: «قیصرئیّه‌یه گتمک اوچون گجه‌نئن اوچونجو ساعاتیندا ائکی یوز عسگر، یتمئش آتلی و ائکی یوز نئزه‌چی حاضیرلایین.» 24مَرکَبلر ده حاضیرلاسینلار کی، پولوسو مئندئرئب والی فِلئکسه صاغ-سالامات چاتدیرسینلار. 25و بو مضموندا بئر مکتوب یازدی:
26«کلودئیوس لئسئیاسدان، لاپ مؤحتشم والی فِلئکسه، سالام.
27بو آدامی یهودئلر توتموشدولار و عنقرئب اؤلدوره‌جک ائدئلر کی، اونون روم وطنداشی اولدوغوندان خبردار اولوب، عسگرلرله یتئشدئم و اونو خئلاص اتدئم. 28و نه‌دن اؤتری اونو موتّهئم اتدئکلرئنی بئلمک اوچون، اونو اونلارین شوراسینا گتئردئم؛ 29و آنلادیم کی، اؤز شرئعتلرئنه دائر اونا ائتّئهام وورورلار، لاکئن اؤلومه و یا حبسه لایئق بئر گوناه تاپمادیم. 30و اونون ضئدّئنه سوئیقصد قورولاجاغی منه خبر ورئلدئکده، اونو فورَن سنئن یانینا گؤندَ‌ردئم. اونا ائتّئهام وورانلارا دا تؤوصئیه اتدئم کی، اونون باره‌سئنده اولان شئکایتلرئنی سنئن حوضوروندا بیان اتسئنلر.»
31بله‌جه، عسگرلر، آلدیقلاری امرلره موطابئق، پولوسو گؤتوروب گجه ائکن آنتئپاتِرئسه گتئردئلر. 32صاباحیسی آتلی‌لاری اونونلا گتمک اوچون قویوب اؤزلری قالایا قاییتدیلار. 33آتلی‌لار قیصرئیّه‌یه گلئب مکتوبو والئیه وردئکلری زامان، پولوسو دا اونون حوضورونا گتئردئلر. 34والی مکتوبو اوخویاندان سونرا، پولوسون هانسی وئلایتدن اولدوغونو سوروشدو. و کئلئکئیادان اولدوغونو اؤیرَننده 35ددی: «ائتّئهام وورانلارین گلندن سونرا، سؤزلرئنی اشئده‌رم.» و امر اتدی کی، پولوس هئرودون ساراییندا ساخلانسین.
Currently Selected:
حوارئلر 23: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
