حوارئلر 17
17
پولوس و سئلاس تسالونئکده
1آمفئپولئس و آپولّونئیادان کچئب تسالونئکه گلدئلر کی، اورادا یهودی بئر کنئسه وار ائدی. 2پولوس نجه کی، عادتی ائدی، یهودئلرئن یانینا گتدی و اوچ سبّت اونلارلا موقدّس یازیلار حاقّیندا موباحئثه ادئب، 3مسئحئن عذاب چکئب اؤلولردن دئرئلدئیئنئن لازیم اولدوغونو آچیقلادی و ثوبوت ادئب ددی: «سئزه اعلان اتدئیئم بو عئسا، موعود اولان مسئحدئر.»
4اونلاردان بعضئلری قانع اولوب پولوس و سئلاسا قوشولدولار، هم ده تاریدان قورخان یونانی‌لرئن بؤیوک بئر قئسمی و بئر عئدّه آدلی-سانلی آروادلار. 5آمّا یهودئلر پاخیلّیق ادئب بازار خالقیندان بعضی یاراماز آداملاری اؤزلرئله گؤتوردولر و قالابالیق ادئب شهرده ائغتئشاش یاراتدیلار. و یاسونون اِوئنه هوجوم ادئب ائسته‌دئلر کی، پولوس و سئلاسی خالقین حوضورونا چیخارتسینلار. 6لاکئن اونلاری تاپمایان زامان، یاسون و بعضی قارداشلاری شهرئن ریئسلری یانینا سورویوب قیشقیریردیلار: «دونیانی آلت-اوست ادن بو آداملار بورایا دا گلئبلر. 7یاسون اونلاری اِوئنه قوناق آپاریب و هامیسی قیصرئن فرمانلارینا ضئدّ دوروب دیئرلر کی، عئسا آدلی آیری بئر پادشاه وار.» 8و بونلارا قولاق آسان جاماعاتی و شهرئن ریئسلرئنی قیزیشدیردیلار 9و یاسون و او بئرئلردن ضمانت آلاندان سونرا، اونلاری بوراخدیلار.
بئرئیه شهرئنده
10قارداشلار فورَن گجه ائله پولوس و سئلاسی بئرئیه‌یه گؤندَردئلر. اورایا چاتدیقلاری زامان، یهودئلرئن کنئسه‌لرئنه گتدئلر. 11بونلار تسالونئکده اولانلاردان داها نجئب ائدئلر، چونکی کلامی بؤیوک شؤوقله قبول ادئب هر گون موقدّس یازیلاری آراشدیریردیلار کی، بو شیلرئن دوغرو اولدوغونو گؤرسونلر. 12بله‌جه اونلاردان بئر چوخو بئر عئدّه مؤعتبر یونانی کئشی و آروادلا ائمان گتئردئلر. 13آمّا تسالونئکده‌کی یهودئلر پولوسون بئرئیه‌ده ده تارینین کلامینی اعلان اتدئیئنی بئلکدئکده، اورایا دا گلدئلر و خالقی تحرئک ادئب قیزیشدیردیلار. 14او زامان قارداشلار، پولوسو فورَن یولا سالدیلار کی، دهنزه طرف گتسئن. لاکئن سئلاس و تئموتاعوس اورادا قالدی. 15پولوسو موشایئعت ادنلر، اونو آتنه قدر گتئردئلر و پولوسدان سئلاس و تئموتاعوس اوچون امر آلاندان سونرا کی، تزلئکله اونون یانینا گلسئنلر، اورادان آیریلدیلار.
پولوس آتنده
16پولوس آتنده اونلاری گؤزله‌ین واخت، بوتلرله دولو بو شهری گؤروب روحونو کدر باسدی. 17بله کی، کنئسه‌ده یهودئلرله، تاریدان قورخانلارلا، هر گون ده بازار میدانیندا راستلاشدیغی آداملارلا موباحئثه ادئردی. 18اپئکوری و ائستوئست فئلوسوفلاردان بعضئلری ده اونونلا موباحئثه اتدئلر. بئر نچه‌سی دیئردئلر: «بو بوشبوغاز نه دمک ائسته‌یئر؟» اؤزگه‌لری ده دیئردئلر: «اجنبی آللاهلاری تبلئغ ادن بئر آداما بنزه‌یئر.» چونکی پولوس اونلارا عئسانی و اؤلولردن دئرئلمه‌نی وعظ ادئردی. 19و اونو توتدولار و آریوپاگوس#17:19 «آرئس تپه‌سی» معناسیندادیر. آرئس یونانی‌لرئن آللاهلاریندان بئری ائدی. بو کئچئک تپه آتنده ائدی. «آریوپاگوس» حوارئلرئن ائشلری کئتابیندا آتنئن مشهور ائجلاسینا ائشاره ادئر کی، اوّل‌لر آرئس تپه‌سی اوستونده تشکئل اولوردو و بو آدی اوندان آلمیشدی. ائجلاسینا گتئرئب دیئردئلر: «اولار بئلک تبلئغ اتدئیئن بو تزه تعلئم نه‌دئر؟ 20چونکی بئزئم قولاقلاریمیزا بعضی قرئبه شیلر اشئتدئرئرسن. ائندی بو شیلرئن نه اولدوغونو بئلمک ائسته‌یئرئک.» 21(بوتون آتِنلی‌لر و اورادا یاشایان اجنبئلر واختلارینی آنجاق بونونلا کچئردئردئلر کی، یا تزه بئر شی دسئنلر و یا تزه بئر شی اشئتسئنلر.)
22پولوس آریوپاگوسون اورتاسیندا دوروب ددی: «آتن کئشئلری! من سئزی هر جهتدن دئندار گؤرورم. 23چونکی کچرکن، سئزئن نه‌لری پرستئش اتدئکلرئنئزی آراشدیردیم و بئر قوربانگاها دا راست گلدئم کی، اوستونده بله یازیلمیشدی: ”نامعلوم بئر تارییا.“ من سئزه، بئلمه‌یه‌رک پرستئش اتدئیئنئزی اعلان ادئرم. 24او تارینی کی، دونیانی و ائچئنده اولان بوتون شیلری یارادیب. و گؤیون و یرئن ربّی اولدوغوندان اَل‌له تئکئلمئش معبدلرده ساکئن اولماز. 25ائنسان اَللری ائله ده اونا خئدمت اولونا بئلمز، گرچی اونون هچ شیه احتئیاجی یوخدور، چونکی هامییا حیاتی، نفسی، و بوتون شیلری ورن او، اؤزودور. 26او، بوتون مئلّتلرئن ائنسانلارینی، بئر نفردن#17:26 کئتابین اصل دئلی یونانی‌ده «بئر قان.» یاراتدی کی، بوتون یر اوزونده یاشاسینلار و ائره‌لئدن اونلارین واختلارینی و یاشادیقلاری یرلرئن سرحدلرئنی تعیئن اتدی کی، 27تارینی آختارسینلار و بلکه ده ال سورته-سورته تاپسینلار، گرچی او، هچ بئرئمئزدن اوزاق دیئل. 28چونکی دئرئلئیئمئز، حرکتئمئز و وارلیغیمیز اوندادیر، نجه کی، شاعئرلرئنئزدن بعضئلری ده دیئبلر: ”بئز ده اونون نسئلئیئک.“ 29بله‌جه، تارینین نسئلی اولدوغوموزا گؤره، گرک بله دوشونمه‌یک کی، ائلاهی وارلیق، ائنسانین صنت و تخیّولو ائله شکئل تاپان قیزیلا، گوموشه، یا دا داشا بنزه‌یئر. 30دمه‌لی، تاری جهالت زامانلارینا گؤز یوموب، ائندی هر یرده ائنسانلارا اعلان ادئر کی، تؤوبه اتسئنلر. 31چونکی اِله بئر گون تعیئن ادئب کی، او گون سچدئیی آدامین واسئطه‌سی‌ائله دونیانی صالحلئکده موحاکئمه اده‌جک. و اونو اؤلولردن دئرئلتدئیی ائله بوتون ائنسانلارا ثوبوت اتدی.»
32اؤلولردن دئرئلمه‌یی اشئدنده، بعضئلری مسخره ادئب گولدولر، آمّا قالانلاری ددئلر: «بو باره‌ده گئنه سنه قولاق آساریق.» 33بله‌جه پولوس اونلارین آراسیندان گتدی. 34لاکئن بعضی آداملار اونا قوشولوب ائمان گتئردئلر؛ بونلارین آراسیندا آریوپاگوسلو دئونئسئوس و دامارئس آدلی بئر آرواد و اونلارلا برابر اؤزگه آداملار دا وار ائدی.
Currently Selected:
حوارئلر 17: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
