Aafisanko'en 1
1
Kownol Bulus
1Min Bulus mo Allah suɓi mi warta lilaaɗo Yeesu Almasiihu, windi ɗerewol ngo'ol. Mi windan yimɓe Allah gonɓe nder gariiri Aafisa kooliiɓe Yeesu Almasiihu e ɓernde go'o.#KL 18.19‑21; 19.1. 2Allah Nyaako meeɗen e Yeesu Almasiihu Joomiraawo meeɗen barkiɗina'on, hokka'on jam.
Tokkuki Yeesu e Wadda Barka
3Yettoore tabbita to Allah Nyaako Yeesu Almasiihu Joomiraawo meeɗen. Nder sumpootirki e Almasiihu o hokkii'en koo iri ɗume barka daga dow. 4Ko duuniyaaru tagee, Allah suɓii'en ngarten ɓe maako barka Yeesu, ngam ngarten ceniiɓe ɓe ngalaa toɓɓel hakke yeeso maako.
5O darwii nder yidde ngarten ɓiɓɓe maako barka Yeesu Almasiihu, ngam kanjum woni ko o yiɗani'en. Non welaniimo. 6En mantu Allah ngam o yiɗii'en yidde mawnde, ngam caahu ɗum o hokki'en barka ɓiɗɗo maako mo o yiɗi. 7-8Sumpootirki e Yeesu rimɗinii'en barka ƴiiƴam maako o yaafanake'en hakke meeɗen, ngam yidde nde Allah holli'en keerol walaa. Yidde nden nde mawnde.#Kol 1.14. 9Nder faamu maako e andal maako, o hollii'en sirru ko o yiɗi o waɗa barka Almasiihu. 10Fii ɗu'um ɗum Allah yiɗi waɗuki o waɗayɗum to carel waɗii. Ko o yiɗi waɗuki kanjum woni o hawta koo ɗume ko woni e ley e ko woni e dow warta ley laamu Almasiihu.
11Allah suɓii'en wartirii'en yimɓe maako barka Yeesu Almasiihu. Ko duuniyaaru tagee o siryii fii ɗu'um, ngam kanko woni gaɗoowo fuu ko yiɗi non no o yiɗi. 12O waɗu non ngam enen, artuɓe ngaɗi ɓerɗe dow Almasiihu, ngaɗen jonde mantuki teddungal Allah.
13Onon maa, on ngartii yimɓe Allah carel ko nanɗon wolde goonga, waato Habaru Belɗum dow Yeesu gaddanɗum'on kisndam. On koolakemo, Allah boo hokkii'on Ruuhu muuɗum ɗum o waɗani'on alkawal. Ruuhu ɗum hollii on ngartii ɓe maako. 14Nde en ngoodi Ruuhu Allah, en tabbitinii en keɓay koo ɗume boɗɗum ɗum Allah waɗani'en alkawal. Nden ɗum rimɗinay'en ngam ɗum manta mangu Allah.
Do'aare Bulus
15Ngam maajum, daga carel ngel nanumi habaru no kooloriiɗon Joomiraawo meeɗen Yeesu e no ngirruɗon yimɓe Allah, 16mi alaayi yettuki Allah ngam mooɗon, e mi waɗana'on do'aare koo ndeye. 17E mi toroo Allah mo Yeesu Almasiihu Joomiraawo meeɗen, Nyaako mo mangu, hokka'on Ruuhu muuɗum pamtinayɗum'on ɓeydana'on andal Allah, ngam andonmo boɗɗum. 18E mi waɗa do'aare kadin Allah maɓɓita ɓerɗe mooɗon ngam andon kammunde nde o noddiri'on e barka mawɗum ɗum o waɗani yimɓe maako alkawal.
19Ɗonmaa, e mi waɗa do'aare andon no bawɗe maako mawɗe kuwirta nder meeɗen, enen tokkuɓe Yeesu. Bawɗe ɗen ɗe go'o e bawɗe cembiɗɗe 20ɗe Allah huutiri carel ko o ummini Almasiihu daga mayde o jooɗinimo dow jooɗorgal laamu to jungo maako nyaamo ton dow.#Jab 110.1. 21Ton Yeesu laamii dow koo moye laamiiɗo, e laamu, e bawɗe, e ardiiɗo, e koo iri ɗume laamu gonɗum dow e ley, naa' jooni tan, ammaa haa abadaa. 22Allah waɗii koo ɗume ley laamu maako. O wartiriimo ardiiɗo koo ɗume e ardiiɗo kawtal tokkuɓemo.#Jab 8.6. 23Kawtal tokkuɓe Yeesu ngoni bo ɓandu maako. Kanko boo woni kebbinɗo koo ɗume, e mo nder maɓɓe koo toye.#Kol 1.18.
Currently Selected:
Aafisanko'en 1: fuv
Highlight
Share
Copy
Want to have your highlights saved across all your devices? Sign up or sign in
© 2010, Bible League. All rights reserved.
