Maa 7

Fɛlɛkaayã

(Mat 15.1-9)

1Falisiɔ ń Mɔizi ikoyãdanɛde pɔ aa bɔ̀ Yelusalɛũeɔ mɔ̀ Yesu kĩi. 2Aa è aà iwaeɔ lɛ́ pɔble ɔpia ń gbãbɔ'io sai. 3Asa Falisiɔ ń Yudaɔ pii aa ń deziɔ fɛlɛkaayã kũaɛ, aali pɔble ɔpia ń gbãbɔ'io saio. 4Aali su ń ɛlɛo aa pɔblè zu'osaio. Aa fɛlɛkaayã pãleɔ kũa dasi lɔ. Beewa aaì gbãbɔ imibɔɔ ń taɔ ń ooɔnɛ. 5Ɔ̃ Falisiɔ ń Mɔizi ikoyãdanɛdepiɔ Yesu là aa mɛ̀: Bɔyãi n iwaɔ líɔ wá deziɔ fɛlɛkaayã kũao ni? Aaì pɔble ɔpia ń gbãbɔ'io saiɛ. 6Yesu wèmá à mɛ̀: Á mɔafilideɔ, Isaia dɔ̀aa à á yã'ò wasawasa, lá a kɛ̃a wà mɛ̀:

Buipi ì ma kpɛla ń lɛ́oɛ,

an sɔ̃ kua lɔo.#Isa 29.13

7Aaì ma sisi pãɛ,

gbɛ̃nazĩna ikoyãɔ ɔ̃ aaì danɛ́.

8A pãkpà Lua ikoyãi, ɔ̃ á gbɛ̃nazĩna fɛlɛkaayã kũa. 9Ɔ̃ Yesu ònɛ́ lɔ: Á Lua yã kpaa saalo kɛ́ à e àɔ á fɛlɛkaayã kũa maan wea? 10Mɔizi mɛ̀ àli misiilɛ á de ń á daoɛ.#Bɔa 20.12 À mɛ̀ lɔ, gbɛ̃́ pɔ a de ge a da kpɛbɔ̀, wà ade dɛ.#Bɔa 21.17 11Apiɔ sɔ̃ i mɛ tó gbɛ̃́ ò a de ge a daɛ pɔ pɔ á vĩ à dɔòńlɛá Kɔɔbaniɛ, 12a zɛ́ vĩ à a de ń a dao kpɛlaò lɔo. (Kɔɔbani mɛ̀, à gɔ̃̀ Lua pɔ ũ.) 13Beewa i Lua yã bãdɛ á fɛlɛkaayã pɔ i dadanɛ́ yãi. Yã bee taaɔ ɔ̃ i kɛ dasi.

Yã pɔ ì to wà gbãlɛ

(Mat 15.10-20)

14Ɔ̃ Yesu bila kã̀aaazi lɔ à mɛ̀: À swãkpa ma yãi, ápii. 15Pɔe ku kɛ́ à gɛ̃ gbɛ̃́ guu à to aà gbãlɛo. Pɔ pɔ bɔ̀ gbɛ̃́ guu ɔ̃mɛ ì to aà gbãlɛ. 16Gbɛ̃́ pɔ nɔ̀sɛ vĩ aà yãpi ma.

17Kɛ́ à bila tò we, à tà bɛ, ɔ̃ aà iwaɔ yãpi mi gbɛ̀awà. 18A ònɛ́: Apiɔ, i ɔ̃nɔkũ sɔ̃oa? Kɛ́ pɔe ku à gɛ̃ gbɛ̃́ guu à to ade gbãlɛo, á dɔ̃o le? 19Pɔpi lí gɛ̃ aà sɔ̃ guuo, sema aà gbɛɛu, ɔ̃ ì a bĩikpɛkɛ. (Màa Yesu gbãbɔ̀ blɛ piiɛ.) 20Ɔ̃ à mɛ̀: Yã pɔ ì bɔ gbɛ̃́ guu mɛ́ ì to ade gbãlɛ. 21Za gbɛ̃nazĩna sɔ̃ guu ɔ̃ laasoo vãi ì bɔu: Kaaluakaa, kpãi'oa, gbɛ̃́dɛa, 22gbãsĩkɛa, bĩi, nɔsɛvãi, mɔafili, wisaiyã, wɛbɔbɔa pɔi, gbɛ̃sɔ̃sɔ̃a, makamaka ń misaiyão. 23Yãvãipiɔ ì bɔ gbɛ̃nazĩna sɔ̃ guu piiɛ, ɔ̃ ì to aà gbãlɛ.

Buipãle nɔɛ wabikɛa

(Mat 15.21-28)

24Yesu bɔ̀ we à gɛ̀ Tii busuu, ɔ̃ à pìla uaeu. A ye wà a dɔ̃o, ãma ìli e ùlɛo. 25Nɔɛ pɔ aà nɛnɔɛna tãa vĩ Yesu baomà gɔ̃̀ɔ, ɔ̃ à mɔ̀ wùlɛ aà gbázĩ. 26Nɔɛpiá Gɛlɛkiɛ, wà aà ì Finisi, Sili busuuɛ. À wabikɛ̀ Yesuwa aà tãa goɛ a nɛɛ. 27Ɔ̃ Yesu òɛ̀: To wà blɛ kpa nɛɔwa gĩ́a, asa a maa wà nɛɔ blɛ sɛ wà zu gbɛ̃ɔnɛo. 28Ɔ̃ nɔɛpi a zãsìwà à mɛ̀: Dii, baa gbɛ̃ nɛna pɔ wulɛańziɔ aaì nɛɔ blɛ kasonaɔ pɛɛlɛɛ. 29Yesu òɛ̀: N yãwea maa yãi, tá, n nɛ tãa gòwà. 30Kɛ́ à kà bɛ, à a nɛ è wulɛa pɛwa, tãapi gòwà sĩana.

Swãdo gbãgbãa

31Ɔ̃ Yesu fɛ̀lɛ Tii busuu à gɛ̀ Sidɔ̃, ɔ̃ à bɔ̀lɛ ń Dɛkapɔli busuo e à gɛ̀ kà Galile isidai. 32Ɔ̃ wà mɔ̀ɛ̀ ń swãdo pɔ yã'o zĩ'ũaanɔo, wà wabikɛ̀wà aà ɔnawà. 33Yesu bɔ̀aanɔ bila guu mpla, à ɔtona pɛ̀pɛ aà swãu. Kɛ́ à lɛ'i kɛ̀ a ɔwa, ɔ̃ a kã̀ aà lɛ́nawa. 34À wɛsɛ̀ musu à wè fɛɛɛ, ɔ̃ a òɛ̀: Ɛfata. (Bee mɛ̀ wɛ̃.) 35Wegɔ̃ɔ gɔ̃ɛpi swã wɛ̃̀, aà lɛ́na gòlɛ, ɔ̃ à yã'ò wasawasa. 36Yesu ònɛ́ aasu o gbɛ̃e mao, ɔ̃ aa gɛ̀ aalɛ a kpawakɛnɛ́ maamaa dɛ lá à gìnɛ́la. 37Yãpi dìmá maamaa à kɛ̀ zai, ɔ̃ aa mɛ̀: Aà yãkɛa pii ìɔ maaɛ. Ì to baa swãdoɔ yãma, mɛ́ ì to lɛnanaalɛadeɔ yã'o.

Currently Selected:

Maa 7: Boo2024

Highlight

Copy