Daa 9
9
Lua bàa kua ń Nɔeeo
1Ɔ̃ Lua baaadà Nɔeegu ń aà nɛɔ, a ònɛ́: Àɔ nɛ'i àɔ kãfĩ, í dũnia pa.#Daa 1.28 2Nɔbɔɔ ń bãɔ ń pɔtaa'onkuawaɔ ń kpɔɔ pii aaɔ á vĩa vĩɛ. Ma ń naɛ́ á ɔzĩɛ.#Zak 3.7 3Pɔ pɔ ì taa'oɔ pii aaɔ dɛ á pɔblea ũ.#1 Tim 4.3-4 Ma ń kpawá piiɛ, lá ma blɛ pɔ ì bɔlɛ tɔɔlɛwaɔ kpàwá yãawa.#Daa 1.29 4Ãma ásuli nɔbɔ pɔ wi a kolokpao soo, asa a au mɛ́ a wɛ̃ni ũ.#Zĩn 15.20 5Má á au tɔsiɛ́ɛ, asa á wɛ̃niɛ. Tó nɔ̀ɔ gbɛ̃́ dɛ̀, ge tó gbɛ̃́ a gbɛ̃dee dɛ̀, má aà au tɔsiɛ̀. Má tɔsi gbɛ̃́ pɔ à gbɛ̃dee dɛ̀wa.#Bɔa 20.13 6Tó gbɛ̃́ gbɛ̃́ dɛ̀, wàli ade dɛ, asa ma gbɛ̃nazĩna kɛ̀ ma taa ũɛ.#Daa 1.26 7Àɔ nɛ'i àɔ kãfĩ, í li dũniaa, íɔ kɔ̃́.
8Lua yã'ò Nɔeeɛ ń aà nɛɔ lɔ à mɛ̀: 9Ma bàa aɔ kuánɔ ń á buiɔɛ, 10ń pɔ wɛ̃nide pɔ kuánɔ aa bɔ̀lɛ gó guuɔ pii, bãɔ ń pɔtuoɔ ń sɛ̃anɔbɔɔ ń pɔ pɔ ku tɔɔlɛwaɔ pii. 11Ma bàa aɔ kuánɔɛ. Má pɔ wɛ̃nideɔ midɛ pii ń í daa dũniaao lɔo. Í a da dũniala à kaalɛ lɔo.#Isa 54.9 12Ɔ̃ Lua ɛ̀a mɛ̀: Ma bàa aɔ kuánɔ ń pɔ wɛ̃nide pɔ kuánɔɔ gɔɔpiiɛ. A seelan kɛ: 13Ma a naali bɔ̀ louwa ma bàa kua ń dũniao seela ũ. 14Tó má tò lou sìsi mɛ́ naali bɔ̀wà, 15lá ma bàa kuánɔ ń pɔ wɛ̃nide bui piio, a yã ali dɔmaguɛ. Má tó í zɔ̃ɔkũ à pɔ wɛ̃nide kaalɛ pii lɔo. 16Tó ma naali è louwa, ma bàa kua ń pɔ wɛ̃nide bui piio e gɔɔpii yã ali dɔmaguɛ. 17Ɔ̃ Lua ò Nɔeeɛ: Ma bàa kua ń pɔ wɛ̃nide pɔ ku dũniau piio seelan we.
Nɔee nɛɔ
18Nɔee nɛ pɔ aa bɔ̀lɛ gó guuɔ tɔ́ɔn kɛ: Sɛũ, Haũ, Yafɛti. Haũ mɛ́ Kanaa de'ia ũ. 19Nɔee nɛɔn we gbɛ̃ɔn aaɔ̃. An buiɔ mɛ́ kpalɛ dũniau pii.
20Nɔeeá sɛ̃wanaɛ, ɔ̃ à vɛ̃ɛbu kɛ̀. 21Kɛ́ à vɛ̃ɛmì, à kã̀, ɔ̃ aà pɔɔ pìliwà a kpɛ́u. 22Kɛ́ Kanaa de'ia Haũ ń mae puizi è, à bɔ̀ gɛ̀ a ò Sɛũɛ ń Yafɛtio. 23Ɔ̃ Sɛũ ń Yafɛtio ulada sɛ̀ aa kà ń gãu mpla, aa taa'ò ń kpɛo, an aɛ dɔa gupãle oi kɛ́ aasu ń mae puizi eo yãi, ɔ̃ aa gɛ̀ aa ń mae puizi ùlɛò. 24Kɛ́ Nɔee vɛ̃ɛ wèewà, à vù, a mà lá a nɛ gbɛzã kɛ̀ɛ, 25ɔ̃ à mɛ̀:
Kanaa#9.25 Bee mɛ̀ misiilɛna a gɔ̃ láaipɔ ũɛ,
ɔ̃mɛ aɔ a gbɛ̃́ɔ zɔn kɛ̃sãana ũ.
26Ɔ̃ à mɛ̀:
Wà Dii Sɛũ#9.26 Bee mɛ̀ tɔ́ Lua saaukpa,
Kanaa buiɔ aaɔ dɛ Sɛũ buiɔ zɔɔ ũɛ.
27Lua kãfĩakɛ Yafɛtiɛ,#9.27 Bee mɛ̀ kãfĩa
Yafɛti buiɔ bɛkpa ń Sɛũ buiɔ,
Kanaa buiɔ aaɔ dɛ Yafɛti buiɔ zɔɔ ũɛ.
28Í daa dũniaa gbɛa Nɔee kɛ̀ wɛ̃̀ ɔaa do ń basoplakwio (350) 29À kɛ̀ wɛ̃̀ ɔaa siiɔ̃ ń basoplakwioɛ (950), ɔ̃ à gà.
Currently Selected:
Daa 9: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
Videos for Daa 9
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show