Daa 22

Ablahaũ sa'oa ń Izaakio

1Bee gbɛa Lua Ablahaũ lɛ̀ a gwà. A òɛ̀: Ablahaũ! Ɔ̃ a wèwà à mɛ̀: Má kɛ́! 2Ɔ̃ Lua òɛ̀: Ǹ n nɛ mɛndona yenzide#Mat 3.17 Izaaki sɛ ǹ gɛ́ò Mɔlia#2 Lad 3.1 busuu, ní sa pɔ wì a pɔ katɛu à tɛkũ oò gbɛsĩsĩ pɔ má onɛwa. 3Kɛ́ à fɛ̀lɛ kɔɔkɔɔ, à kaoyè a zaa'ĩnaɛ, ɔ̃ à a zĩkɛnaɔ sɛ̀ gbɛ̃ɔn pla ń a nɛ Izaakipio. À sa'oyaa pàa, ɔ̃ à dà zɛ́u, àlɛ gɛ́ gu pɔ Lua òɛu. 4A gɔɔ aaɔ̃dezĩ kɛ́ à wɛzù, à gupi è kãaa. 5Ɔ̃ a ò a zĩkɛnapiɔnɛ: À gɔ̃ ń zaa'ĩnao la. Mapi ń ɛwaasonaɛ beeo wá gɛ́ aɛ kulɛi Luaɛ, wí ɛa su wà á le la.

6Ablahaũ sa'oyaa sɛ̀ a dì a nɛpiɛ,#Zãa 19.17 aapi tɛ́ kũa ń fɛ̃nao, aalɛ gɛ́ sãnu. 7Ɔ̃ Izaaki ò a maeɛ à mɛ̀: Baa! Ɔ̃ a wèwà à mɛ̀: Bɔ́ ni nɛ? Ɔ̃ nɛpi òɛ̀: Wá tɛ́ kũa ń yàao, sã pɔ wá sa'oò ku má ni? 8Ɔ̃ Ablahaũ mɛ̀: Ma nɛ, Lua mɛ́ a sa'osã kpa.#Zãa 1.29 Ɔ̃ aa tɛkɔ̃i, aalɛ gɛ́. 9Kɛ́ aa kà gu pɔ Lua òɛ̀u, ɔ̃ à sa'okĩi bò we, à yaakàa. Ɔ̃ à a nɛpi yè a dà yàapila sa'okĩi musu.#Hɛb 11.17-19; Zak 2.21 10Kɛ́ à fɛ̃ɛpi sɛ̀, à ɔbɔ̀, à a nɛpi kolokpa, 11ɔ̃ Dii Malaika lɛzùaazi za musu à mɛ̀: Ablahaũ! Ablahaũ! A wèwà à mɛ̀: Má kɛ́! 12Ɔ̃ à mɛ̀: Nsu ɔkã nɛpiwao, nsu yãe kɛɛ̀o. Má dɔ̃̀ sa kɛ́ ń ma vĩa vĩ, ni gimɛɛ ń n nɛ mɛndonaoo.#Lom 8.32 13Ablahaũ wɛzù, ɔ̃ à sãsakao è dɔa a kɔbawa kãna guu. Ɔ̃ à gɛ̀ a kũ̀, à sa pɔ wì a pɔ katɛu à tɛkũ òò a nɛ gbɛu. 14Ɔ̃ à tɔkpà gupiɛ Diiakpa, ɔ̃ wìɔ o e ń a gbão wì mɛ: Dii a kpa a gbɛsĩsĩ musu.#Zãa 3.16

15Dii Malaika ɛ̀a à lɛzù Ablahaũzi za musu lɔ 16à mɛ̀: Ma Dii ma lɛgbɛ̃̀ ń ma kuao#Hɛb 6.13-14 ma mɛ̀, lá n yãpi kɛ̀, ni gi ń n nɛ mɛndonaoo, 17má baaadangu, mí n bui kãfĩnɛ lan saanaɔwa, aaɔ dasi lan isialɛ ũfãawaɛ.#Hɛb 11.12 N buiɔ aaɔ iko vĩ ń ibɛɛɔwa. 18Má baaada dũnia bui piigu n bui sabai,#Zĩn 3.25 kɛ́ n ma yãmà yãi.

19Kɛ́ Ablahaũ ɛ̀a sù a zĩkɛnaɔwa, aa fɛ̀lɛ tà Bɛɛsɛba, ɔ̃ à gɔɔplakɛ̀ we.

20Bee gbɛa wa ò Ablahaũɛ wà mɛ̀: N vĩi Nakɔɔ na Milika nɛgɔ̃ɛɔ ì. 21Aà nɛgɔ̃ɛ sɛ̃ia tɔ́n Uzu. Aà dãunaɔ tɔ́ɔn kɛ: Buzu, Alaũ de'ia Kɛmuɛli, 22Kɛsɛdi, Azo, Pidasi, Yidafi, Bɛtuɛ. 23Bɛtuɛ mɛ́ Lɛbɛka ì. Nɛgɔ̃ɛ gbɛ̃ɔn swaaɔ̃ pɔ Milika ì ń Ablahaũ vĩi Nakɔɔoɔn we. 24Aà nɔ Lɛuma pɔ i mɛsɛdilɛɛ̀o nɛɔ tɔ́ɔn kɛ: Teba, Gaaũ, Taasu ń Maakao.

Currently Selected:

Daa 22: Boo2024

Highlight

Copy