Zlr 5
5
Zivira Adamu nda ma Set
1Wya ka rusa ta ghəŋa zivirha Adamu. Ma fitika zlaganapta Lazglafta ta mndu, ka magaftá Lazglafta ta mndu ta gara vgha nda tsatsi. 2I zgun nda marakw zlaganap tsi. Ka tfanaghatá tsi ta wi ta həŋ. « Mndu hga ghuni, » kaʼa nda həŋ, baɗ zlaganapta ni ta həŋ.
3Ta má dərmək nda hkən mbsaka ima Adamu, ka yatá tsi ta zwaŋ ta gara vgha nda tsatsi, manda tsatá tsatsi, ka tsanaftá tsi ta hga ni ka Set. 4Tahula yata Adamu ta Set, ka zəglatá tsi ta imi tghas dərmək. Ka yayatá tsi guli ta zwana zgwana nda kuʼaha. 5Gwagwata vakwa Adamu ná, təmbay dərmək nda hkən mbsak həŋ, ka mtuta tsi.
6Ta má dərmək nda hutaf ima Set, ka yatá tsi ta Inus. 7Tahula yatá Inus, ka zəglatá Set ta imi tghas dərmək nda ndəfáŋ. Ka yayatá tsi ta zwana zgwana nda kuʼaha. 8Gwagwata vaku Set ta ghəŋa haɗik ná, təmbay dərmək nda ghwaŋpəɗ his həŋ, ka mtuta tsi.
9Ta má təmbay mbsaka ima Inus, ka yatá tsi ta Kenaŋ. 10Tahula yata Kenaŋ, ka zəglatá Inus ta imi tghas dərmək nda ghwaŋpəɗ hutaf. Ka yayəglatá tsi ta zwana zgwana nda kuʼaha. 11Gwagwata vaku Inus, ná, təmbay dərmək nda hutaf həŋ, ka mtutá tsi.
12Ta mandəfáŋ mbsaka ima Kenaŋ, ka yatá tsi ta Mahalalel. 13Tahula yatá Mahalalel, ka zəglatá Kenaŋ ta imi tghas dərmək nda fwaɗ mbsak. Ka yayəglatá tsi ta zwana zgwana nda kuʼaha. 14Gwagwata vaku Kenaŋ ná, təmbay dərmək nda ghwaŋ həŋ, ka mtutá tsi.
15Ta mamkuʼ mbsak hutaf mida ima Mahalalel ka yatá tsi ta Yeret. 16Tahula yatá Yeret, ka zəglatá Mahalalel ta imi tghas dərmək nda hkən mbsak. Ka yayəglatá tsi ta zwana zgwana nda kuʼaha. 17Gwagwata vakwa Mahalalel ná, tghas dərmək nda təmbay mbsak hutaf mida həŋ, ka mtuta tsi.
18Ta ma dərmək nda mkuʼ mbsak his mida ima Yeret ka yatá tsi ta Hanuk. 19Tahula yatá Hanuk, ka zəglatá Yeret ta imi tghas dərmək. Ka Yayəglatá tsi ta zwana zgwana nda kuʼaha 20Gwagwata vakwa Yeret ná, təmbay dərmək nda mkuʼ mbsak his mida həŋ, ka mtuta tsi.
21Ta mamkuʼ mbsak hutaf mida ima Hanuk, ka yatá tsi ta Mətuselah. 22Tahula yatá Mətuselah, ka zatá Hanuk ta vaku hkən dərmək ta nzaku ma zɗaku nda Lazglafta, ka yayəglatá tsi ta zwana zgwana nda kuʼaha. 23Gwagwata vaku Hanuk ta ghəŋa haɗik ná, hkən dərmək nda mkuʼ mbsak hutaf mida həŋ. 24Ma tsa nzakwa ni ma zɗaku nda Lazglafta ya, gi nghəgla a lu wu, klagha kla Lazglafta.
25Ta ma dərmək nda tghas mbsak ndəfáŋ mida ima Mətuselah, ka yatá tsi ta Lamek. 26Tahula yatá Lamek, ka zəglatá Mətuselah ta imi ndəfáŋ dərmək nda tghas mbsak his mida. Ka yayəglatá tsi ta zwana zgwana nda kuʼaha. 27Gwagwata vaku Mətuselah ná, təmbay dərmək nda mkuʼ mbsak təmbay mida həŋ, ka mtuta tsi.
28Ta ma dərmək nda tghas mbsak his mida ima Lamek, ka yatá tsi ta zwaŋa zgun. 29Ka tsanaftá tsi ta hga ni ka Nuhu#5:29 Nuhu nda gwaɗa Hebru ná, manda mnay kazlay ksa ŋuɗuf kəʼa ya. nda thay kazlay na: « Nda bla na slna mu ta mag mu nda dzva mu na, kabga ksiʼaf ksiʼa Yawe ta haɗik kəʼa, ama nana na zwaŋ dzaʼa lɓamatá ŋuɗufa mu, » kaʼa. 30Tahula yatá Nuhu, ka zəglatá Lamek ta imi hutaf dərmək nda təmbay mbsak hutaf mida. Ka yayəglatá tsi ta zwana zgwana nda kuʼaha. 31Gwagwata vakwa Lamek ná, ndəfáŋ dərmək nda ndəfáŋ mbsak ndəfáŋ mida həŋ, ka mtaku tsi.
32Ta mahutaf dərməka ima Nuhu, ka yayatá tsi ta i Sem, nda Ham, nda Yefet.
Currently Selected:
Zlr 5: xed
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.