Zlr 33
33
Zɗaku mataba i Yakubu nda Ghesav
1Kəʼa ka Yakubu klaŋtá ghəŋ ka nghadaptá tsi ná, wya Ghesav ta sagha kawadaga nda mnduha fwaɗ dərmək mista ni. Ka dganaptá tsi ta zwani ta i Leʼa nda Rasel, nda tsa kurɗuha his ya guli. 2Ka pghaftá tsi ta kəma ta kurɗuha nda zwana taŋ, ka fiŋtá Leʼa nda zwana ni, tahula tsa ka pghiŋtá tsi ta i Rasel nda Yusufu. 3Ka tiŋlaghutá tsatsi ta lab ta kəma, ka tsəlɓanatá tsi ndəfáŋ səla ta haɗik ha ka lagha ni ta vata zwaŋama ni. 4Ka hwayadaghatá Ghesav da guyay, ka ŋanata tepetsekw ma ŋurzluŋ, ka brusay, ka taw həŋ ta taw. 5Kəʼa ká Ghesav klaŋtá ghəŋ ná, ka nghaŋtá tsi ta miʼaha nda zwani, kaʼa mantsa: « I wa nanaha mista gha na? » kaʼa. « Zwani vlaŋ Lazglafta ta kwalva gha ya, » ka Yakubu. 6Ka gavadaghatá tsa kurɗuha ya nda zwana taŋ tani, ka tsəlɓatá həŋ. 7Ka gavadaghatá Leʼa guli nda zwana ni, ka tsəlɓatá həŋ. Ka gavadaghatá i Yusufu nda Rasel guli, ka tsəlɓatá həŋ.
8Ka Ghesav mantsa: « Nu dzaʼa ka magay nda inda na ghuɓu ta nghə yu na na? » kaʼa. Kaʼa mantsa: « Ka mutsa zɗakatahuɗi da mghama ɗa, ka yu sizlay, » kaʼa. 9Ka Ghesav mantsa: « Hwaslu hwasla ŋa ɗa. Zwaŋama ɗa, ŋa gha ya ná, ka nza tsi ka ŋa gha tsa, » kaʼa. 10Ka Yakubu mantsa: « Mantsa a wu, kdəkkdək, ka si zɗəɗiŋ zɗakatahuɗi katsi, zlghaf zlgha ta skwi vlagha yu nda dzva ɗa. Nana nghaŋta ɗa ta kuma gha na ná, manda nghaŋta ɗa ta kuma Lazglafta nzakwa ni, kabga tsuʼaf tsuʼa ka ta iʼi nda zɗaku. 11Kdəkkdək zlgha ta na skwi klaghak yu na, kabga zɗəɗiŋ zɗa Lazglafta ta huɗi, mamu inda skwi da iʼi, » kaʼa. Ka mblanaftá tsi, ka tsuʼaftá Ghesav.
12Ka Ghesav mantsa: « Zlanava u zla ta vli hadna, mbaɗa ta dzaʼa pghay yu ta kagha, » kaʼa. 13Ka Yakubu nda tsi mantsa: « Rvera ɗa, nda sna ka haɗ mbraku ma zwani wa. Dzaʼa magay lu ta ɗasuwa nda rina fisikha nda slaha ta sa uʼa ŋa zwana taŋ. Ka ta mblay lu ta həŋ ka mbaɗa misimmisim katsi, dər baɗu turtuk tsi ná, laviŋ lava inda na rina fisikha na ta rwutá. 14Kdəkkdək, ka lab la mghama ɗa ta kəma. Ka mbaɗa iʼi ɗasuwa mista rina ɗa nda zwana ɗa, ha ka ɓhadaghata ɗa da mghama ɗa ta haɗika Seghir, » kaʼa. 15Ka Ghesav mantsa: « Kdəkkdək, ka zlana zla yu ta sanlaha ma mnduha ɗa kawadaga nda kagha, » kaʼa. Kaʼa mantsa: « Ŋa maga wu na? Mutsafta ɗa ta zɗaku kweŋkweŋ da mghama ɗa ŋa ɗa, » kaʼa.
Nzata Yakubu ma Səkem
16Baɗu tsaya, ka ksaghatá Ghesav ta tvi ka laghu tsi ta haɗika Seghir. 17Ta sliʼaftá Yakubu ka laghu da Sukut, ka baftá tsi ta həga ni hada, magafha ta dumbiha ŋa rina ni. Tsaya kəl lu ka hga tsa vli ya ka Sukkut#33:17 Sukkut nda gwaɗa Hebru ná, manda mnay kazlay dumbi, kəʼa ya..
18Ka ɓhadaghatá Yakubu ɗughwana da luwa Səkem ta haɗika Kanʼana manda sliʼafta ni ma Padaŋ Aram, ka nzatá tsi ndusa nda luwa. 19Ka skwatá tsi ta vwah ma dzva zwana Hamur, da ni ma Səkem#33:19 Zlah Hamur ta zlraftá luwa Səkem nda hga zwaŋa ni ka lu ta gray. ka sulay dərmək. Ka dzagwatá tsi ta tumpula ni hada. 20Ka dzihwaftá tsi ta gwir guli hada, ka hgə tsi ka Il, Lazglafta la Israʼila.
Currently Selected:
Zlr 33: xed
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
