Mwanzo 10

Ujukulu wa wana wa nabii Nnu

1Bandi ya kupita mwanalukaya nkulu, Shemu, Hamu na Yafeti, wana wa Nnu, wawapóngola wana waka na walume. Basi kupongolana ka rikolo rawo, mazina awo afulata ndiya: 2Yafeti kâwapongola Gomeri, Magog, Madai, Yavani, Tukubali, Mesheki na Tirasi. 3Gomeri kâwapongola Ashkenazi, Rifati na Togama. 4Yavani kâwapongola Elisha, Tarshishi, Cikutimu na Dodanimu. 5Kwa ewa, ndi mwanzo wa marikolo a wanu wenere kaya ziri upande wa mwani. Ewu ndi ujukulu wa Yafeti, wawányike marikolo awo, luga zawo, muinti zawo nkati ya mataifa awo piya.

6Hamu kâwapongola Kushi, Miswiri, Puti na Kanaa. 7Kushi kâwapongola Seba, Hawila, Sabta, Raama na Sabteka. Raama mwenye zina wawenye ndi awampongore Sheba na Dedani. 8Kushi kâmpongola Nimrodi. Nimrodi ndi âwere sujaa#10:8 “Sujaa” ndi munu cávita. nkulu ntanzi duniya. 9Iye ndi âwere nlumbati nkulu mbere ya Mola wetu, ntamana mpaka rero ikwambiwa kuwa “munu kada nlumbati nkulu mbere ya Mola wetu, kamba Nimrodi.” 10Kaya ulu za mana zaataware Nimrodi ndi Babiloniya, Ereki, na Akadi, piya-zi inti za Shinari. 11Kwanza ka noparepare, Nimrodi akipita akeneza ufalume wake mpaka Ashuru, paajengire kaya ulu ya Nenive, Rehoboti-Iri, Kala, 12pamoja na Reseni. Reseni ndi íkiwa kaya ulu, iri kati-kati ya Nenive na Kala. 13Miswiri kâmpongola Ludi, Anami, Lehabi, Naftuhi, 14Patrusi, Kasiludi (babu wa rikolo rawalawirire Mafilisteu) pamoja na Kaftori.

15Kanaa kâmpongola Sidoni mwanawe kifundi, na Heti, 16na Kanaa ndi kolo wa waYebusi, waAmori, waGirgashi, 17waHivi, waArki, waSini, 18waArvadi, waSemari na waHamati. Ikisa makundi a marikolo a Kanaa akitawanyikana. 19Mpaka wa inti ya Kanaa, mwanzo wa Sidoni mpaka Gerani karibu ya Gaza, ukukirira Sodoma, Gomora, Adima, na Seboimu, ukisiriza Lasha. 20Ewu ndi ujukulu wa Hamu, wawányike marikolo awo, luga zawo, muinti zawo nkati ya mataifa awo piya.

21Shemu, nyenyeye Yafeti, novyo kâwapongola wana. Shemu ndi kolo wa wana wa Heberi #10:21 Wana wa Heberi ndi wanu Waebraniya. piya. 22Shemu kâwapongola Elamu, Ashuru, Aripakisadi, Ludi na Ramu. 23Ramu kâwapongola Usi, Huli, Geteri na Mashi. 24Aripakisadi kâmpongola Shela na Shela kâmpongola Heberi. 25Heberi kâwapongola wana wawiri: Mwana ntanzi ákiwa ndi Pelegi (mana ake kwawanya), konta nowo wakati-wo wawanyíkana duniya. Na mwengine ákitiwa Yokitani. 26Yokitani kâwapongola Almodadi, Shelefi, Hazarmave, Jera, 27Hadoramu, Uzali, Dikitani, 28Obali, Abimaeli, Sheba, 29Ofiri, Havila, na Yobabu. Piya-wa ndi ujukulu wa Yokitani. 30Mekazi awo ewa piya ákiwa mwanzo wa Mesha mpaka Sefari, kumwango upande wa malawira-juwa. 31Ewu ndi ujukulu wa Shemu, wawányike marikolo awo, luga zawo, muinti zawo nkati ya mataifa awo piya.

32Basi eya piya-ya ndi marikolo a wana wa Nnu, kwa kupongolana kwawo kati ya mataifa awo. Kwa nowa mataifa piya akenera duniya nzima, bandi ya mwanalukaya nkulu ire.

Currently Selected:

Mwanzo 10: wmwBI

Highlight

Copy