Ding Dalit 28
28
Ing Panalangin Maniawad Kasaupan
1Keka, O Ginu, mamaus ku;
ika ing panaligan#28:1 King Hebreo: Batu. ku, pakiramdaman mu ku!
Nung e mu ku pansinan
mangari ku karing malapit na king kamatayan.
2Pakiramdaman mung kakung saingsing, ngening mamaus ku keka,
ngening manalangin kung makayarap king banal a Templo mu.
3E mu ku sa yayabe kareng taung e mayap a pamibiebie;
maniabi lang kayapan karing labi ra,
oneng e ustu naman ing karelang isipan.
4 # Kap 22:12. Ablasan mu ing karelang depat,
itang depat dang e mayap;
ing mangaintulid king dapat da
ya ing ibie mu karela!
5Sablang depat ning Ginu
pati mayap a dapat na, e ra bitasang sikasu.
Iragsa no sana at e na mitalakad pa.
6Ing Ginu keko yang purian,
uling dimdam nang kakung saingsing.
7Ing Ginu ya ing kakung kalasag at sikanan,
ya ing bukud kung pagkatiwalan,
inya manakit kung kasaupan;
masaya ku at pagkanta keng kapasalamatan.
8Ing Ginu ya ing sikanan ning balen na;
ya ing magdipensa at magligtas
king taung kaluguran#28:8 King Hebreo: linian. na.
9 Ginu, iligtas me ing balen mu,
bendisyunan me iting bandi mu.
Ika sa ing karelang pastul
ban karela lingun kapilan man.
Currently Selected:
Ding Dalit 28: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
