Ding Dalit 16
16
Ing Kapanaligan king Ginu
1O Dios ko, ingatan mu ku,
uling ika ing kakung panaligan.
2King Dios kakung sabian,
Ika ing kakung bukud panginuan;
nanumang mayap a atyu kaku binie mu.
3Deta namang king Ginu tapat
marangal la't kalang-alangnan,
at karela ligaya ing kakung kakamtan.
4Detang sasambang aliwang dios,
anti rang parakalan ing karelang kasakitan;
ain karela e ku magdala
ni lagyu ra e ko banggitan.
5Ika, Ginu, ing bukud kung pibandian,#16:5 King Hebreo: mana.
ing tula a kakung pagnasan;
karing gamat mu atyu ing mayap kung kapalaran.
6Mayap la ding regalung kaku binie mu;
tutu lang makayama kaku!
7Ing Ginu kaku yang purian,
uling kaku babie yang mayap a dalan ban kakung tuntunan;
tatairan neng kakung kaisipan king kapitangan ning kabengian.
8E ke malyaring kalinguan ing Ginu,
uling parati yang atyu king siping ku;
matatag ku at e mauugun.
9Inya ing pusu ku masaya ya,
at matula yang kakung kaladua; pati pamikakatawan ku panatag ya.
10 # Dapat 13:35. E mu paintulut ing miras ku king tuknangan da ring mete
ni e mu itulut
king ing kekang kakaluguran dungdungan ne ing kutkutan.
11 # Dapat 2:25-28. Ing dalan a papunta king bie kaku papakit me;
siping mu atyu tulang alang kapante;
ing saup mu magdalang tulang alang kapupusan.
Currently Selected:
Ding Dalit 16: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
