1 Corinto TAU CORINTO
TAU CORINTO
Pamuklat a Amanu
Ing parasan na ning Mumuna nang Sulat Pablo karing Tau Corinto ya ing talakayan la ding problema a linto king iglesiang tinatag nang Pablo karin king Corinto. King panaun a ita, ing Corinto metung yang maragul a siudad da ring Griego, ing sentru na ning probinsiang Acaya na ning Imperyo ning Roma. Pikabaluan ya iting siudad king malabung nang kumersyu, kabiasnan, laganap a imoralidad, at dakal a miyayaliwang relihiun.
Ing maragul nang problema ning apostol ya ing pamisagsagan at imoralidad da ring talasalpantaya karin; antimu rin ding problema tungkul king relasyun da ring lalaki at babai ampon ing bie talasawa; ding bage gugulu king konsiensia, ing disiplina kilub ning iglesia; ing regalu na ning Banal a Espiritu at ing pamanyubling mie. Uli na ning malalam nang beluan, pepakilala na keting sulat at pekalinong Pablo nung makananu na lang pakibatan ning Mayap a Balita deting kutang da.
Pakilala na ning kapitulu 13 king ing lugud ya ing pekamayap at maragul nang regalu ning Dios karing memalen na. Iting kapitulu ya mekad ing pikabaluan diling dake na niting kasulatan.
Ing Balangkas na niting Sulat
Pamuklat a Amanu 1:1-9
Ing Pamisagsagan king Iglesia 1:10—4:21
Ing Imoralidad at ing Bie Talasawa 5:1—7:40
Ding Cristianu at ding Paganu 8:1—11:1
Ing Bie Makataid king Iglesia at ing Pamanyamba 11:2—14:40
Ing Pamanyubling nang Mie Cristo at ding Talasalpantaya 15:1-58
Ing Ambag para karing Cristianung atyu Judea 16:1-4
Ding Bage Personal at Paniarang Amanu 16:5-24
Currently Selected:
1 Corinto TAU CORINTO: PmPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994