URA TIN AYRA 36

Ezaw tuɗ Edom

1Gola ni njaf Ezaw ma yam ana, Edomma. 2Ezaw ɗum boyogom gorɓii suu Kanaanna, Ada goŋ Elon ma Hetna, u Oholivama goŋ Ana ta goŋgolo Sibeon ma Hivna.#Ura 26.34 3Nam ɗum Basmat ta goŋ Ismaella wayaŋ Nebayotta.#Ura 28.9 4Ada vuɗ Elifaz, Basmat vuɗ Rewel. 5Oholivama vuɗ Yeuk, Yalam u Kora. Ni goryoŋ Ezaw suu nam vuɗusi ay hu mbassa Kanaandana.

6Ezaw yow boyogom u goryom suu njufiina u gorɓiina, u suu mam suu sunda halaŋ, u yoori mamsina u begera nam faɗ hu mbassa daŋgara tuɗ ki day eg wayamma Yakob. 7Kay bege masira mbuɗ ŋgol cocoo, ka asi a lak hu li ma dewnaɗi. Mbassa asi cuki huruɗta ka ndakasi yoori masisinaɗi lay. 8Ezaw ma yam ana, Edomma cuki kay ɦinira Seirra.

Njaf Ezaw

9Gola ni njaf Ezaw ma bu suu Edomma kay ɦinira Seir. 10Gola ni sem goryoŋ Ezawna, Elifaz goŋ Ada ta caŋ Ezawra, Rewel goŋ Basmat ta caŋ Ezawra.

11Goryoŋ Elifazna ni, Teman, Omar, Sefo, Gatam u Kenaz. 12Elifaz ma goŋ Ezawna caamba mbara, Timna, vuɗum Amalek ni gor ŋgologi suu vi Ezaw u caamba, Adana.

13Gola ni goryoŋ Rewelna, Nahat, Zera, Kamma u Miza, ni gor ŋgologi suu vi Ezaw u caamba Basmatna. 14Ni goryoŋ Oholivama ta goŋ Anara goŋ ŋgolo Sibeonda, caŋ Ezawra vuɗum Yeuk, Yalam u Kora.

15Gola ni muli suu hu njafna vi Ezawna, gola ni goryoŋ Elifaz ma goŋ Ezaw ma ŋgolna, mulina ni Teman, Omar, Sefo, Kenaz, 16Kora, Gaetam, Amalek. Ni muli suu hu njaf Elifazna hu mbassa Edomba ni gor ŋgologi suu vi Adana.

17Gola ni goryoŋ Rewel ma goŋ Ezawna, mulina ni Nahat, Zera, Kamma, Miza. Ni muli suu hu njafna vi Rewelna hu mbassa Edomba ni gor ŋgologi suu vi Basmat ta caŋ Ezawra.

18Gola ni goryoŋ Oholivama ta caŋ Ezawra, mulina ni Yeuk, Yalam, Kora, ni muli suu hu njaf Oholivama goŋ Ana ta caŋ Ezawra.

19Asi halaŋŋi njaf Ezaw, ti mul masira ni hu Edom.

Njaf suu Seirna

20Ni goryoŋ Seirna, suu Horna asi ni suu ay laki hu mbas ndaɗta jewna, Lotan, Kobal, Sibeon, Ana, 21Dikon, Esser, Dikan. Ni muli suu hu Horna suu goryoŋ Seirna hu mbassa Edomba. 22Goryoŋ Lotanna ni Hori u Hemam. Wayaŋ Lotanda ni Timna. 23Gola ni goryoŋ Kobalna, Alvan, Manahat, Ebal, Sefo u Onam. 24Gola ni goryoŋ Sibeonna, Aya u Ana ma fi goloŋga yo ma kuna a taa korra vi bum Sibeonda. 25Gola ni goryoŋ Anana, Dikon u Oholivama ta goŋ Anara. 26Gola ni goryoŋ Dikonna, Hemdan, Eseban, Itran u Keran. 27Gola ni goryoŋ Esserna, Bilehan, Zavan, u Akan. 28Gola ni goryoŋ Dikanna, Us u Aran.

29Ni muli suu Horna, Lotan, Kobal, Sibeon, Ana, 30Dikon, Esser, Dikan, ni muli suu Horna. Suu ti mulla hu mbassa Seirra.

31Ni muli suu kak ay hu mbassa Edomba, kay goryoŋ Israelna a giŋ giŋgana. 32Bela ma goŋ Beorna kak mulla kay suu Edomma, sem zi ma nam kak kamma ana, Dinaba. 33Bela miɗ miɗni, Yobab ma goŋ Zera ma Bosrana varak balamamu. 34Yobab miɗ miɗni, Hukam ma hu mbassa Temanda varak balamamu. 35Hukam miɗ miɗni, Hadad ma goŋ Bedadna varak balamamu. Nammi sa ma ci suu Madiyanna ay ki hu sene ma Moabma, sem ɦoŋziimma ana, Avit. 36Hadad miɗ miɗni, Samla ma Masrekana varak balamamu. 37Samla miɗ miɗni, Kaul ma Rehobot Lumma varak balamamu. 38Kaul miɗ miɗni, Baal-Hanan ma goŋ Akborna varak balamamu. 39Baal-Hanan ma goŋ Akborna miɗ miɗni, Hadar varak balamamu. Sem ɦoŋzi ma nam huna ana, Pau, sem caamba ana, Metabeel goŋ Matred, ta goŋ Mezahadda.

40Gola ni sem gor ŋgologi suu vi Ezaw suu ti mulla u deeresi hu mbas masira na, muli asina ni, Timna, Alva, Yetet, 41Oholivama, Ela, Pinon. 42Kenaz, Teman, Mibsar, 43Magdiyel, Iram, ni muli suu Edomma u mbas masira asi cuki hura. Ezaw ni bu suu Edomma.

Currently Selected:

URA TIN AYRA 36: BMS

Highlight

Copy