Mwanduso 16
16
Salayi na Hajili
1Salayi muke wake Abulamu kakala hanakweleka mwana. Kakala na mtumwa wa chike Mmisili yoyatangigwe Hajili. 2Salayi kamulongela Abulamu, “Kuvimanya Mndewa Mulungu haninogele kupata wana. Lelo kambandame mtumwa wangu muladi niwapate wana kufosela yeye.” Abulamu katogola chiya choyalongile Salayi. 3Maabaho Salayi kamsola Hajili mtumwa wake kulawa Misili kamwing'ha Abulamu yawe fana muke wake. Mbuli zino zilawilila lusita Abulamu viyakalile kuna isi ya Kanaani miyaka longo. 4Abulamu kambandama Hajili nayo kapata wimo. Hajili viyawonile kapata wimo, kandusa kumwehula Salayi.
5Salayi kamulongela Abulamu, “Wihi uno unitendiligwa kwizahusika nawo. Niye nikugolela mtumwa wangu wa chike, mbali viyawile na wimo kanyehula. Mndewa Mulungu nayahumize hagati ya niye na weye.”
6Abulamu kamulongela Salayi, “Mtumwa wako kahasi yako weye, mtendele choulonda.” Maabaho Salayi kamgaza Hajili mbaka kaibanga.
7Msenga wa Mndewa Mulungu kamfika Hajili kudibwilingu kuna inzasa ya mazi, nzila ya kuhita Shuli. 8Kalonga, “Hajili msang'hani wa Salayi, kulawa kulihi na kohita kulihi?”
Kamwidika, “Nomkimbila Salayi yonimsang'hanila.”
9Msenga ija wa Mndewa Mulungu kamulongela, “Bwela kwa youmsang'hanila ukamtegeleze.” 10Maabaho msenga wa Mndewa Mulungu kamulongela, “Nizakwing'ha welesi mwingi habule munhu yondayadahe kuwapeta.”
11Msenga wa Mndewa Mulungu kamulongela,
“Weye kuna wimo na kwizakweleka mwana wa chilume
na zina jake kwizamtanga Ishimaeli#16:11 Ishimaeli fambulo jake Mulungu kohulika.,
kwaviya Mndewa Mulungu kohulika manhesa yako.
12Ishimaeli kezakala fana Ishimaeli mbago,
kezakuwa mwihi wa chila munhu,
na chila munhu kezakuwa mwihi wake.
Kezaigola na ndugu zake.”
13Hajili kamwing'ha zina Mndewa Mulungu yoyalongile nayo, “Weye niiyo Mulungu yoniwona.” Na kalonga, “Kweli niye nimuwona yeye yoniwona.” 14Lekamana nzasa ija yotangigwa Beeli Laha Iloi#16:14 Beeli Laha Iloi fambulo jake nzasa ya Mulungu yolola na yeli mgima.. Nzasa iyo yahagati ya Kadeshi na Beledi.
15Hajili kamwelekela Abulamu mwana wa chilume. Abulamu kamtanga zina jake Ishimaeli. 16Hajili viyamweleke Ishimaeli, Abulamu kakala na miyaka malongo manane na sita.
Currently Selected:
Mwanduso 16: Ching'hwele
Highlight
Copy
Compare
Share
Want to have your highlights saved across all your devices? Sign up or sign in
© 2023 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
