ᒉᓂᓯᔅ 18
18
ᐁᐸᕒᐊᐋᒻ ᑮᐊᔓᑕᒪᐎᓐᒡ ᒋᐅᑯᓯᓯᒡ
1ᐁᐸᕒᐊᐋᒻ Abraham ᑕᔥ ᐅᑮ ᓈᑯᓰᑖᑰᓐ ᑳᑎᐯᒋᑫᓂᒡ ᐃᐃᒫ ᐁᐊᔮᒡ ᒌᑲᔭᐄ ᑫᑌᑖᑯᓯᓂᒡ ᐆᒃ ᑎᓄᐙᑎᑰᐞ ᒪᒻᕒᐃ Mamre ᑳᐃᒋᑳᑌᓂᒃ, ᒣᒀ ᐁᓇᒪᑕᐱᒡ ᓴ ᐁᔑ ᐃᔥᒀᑌᒥᐗᓂᓂᒃ ᐅᐸᒀᓀᑲᒥᒃ ᒫᐗᒡ ᑮᑭᔖᑌᓂᒃ ᐁᑮᔑᑲᓂᓂᒃ᙮ 2#Heb 13.2. ᐊᐲ ᓴ ᐁᐸᕒᐊᐋᒻ ᐁᐃᓈᐱᒡ ᐅᑮ ᐙᐸᒫᐞ ᓂᓯᓐ 3 ᐃᓂᓂᐗᐞ ᐁᓃᐸᐎᓂᒡ ᐯᔓ᙮ ᐁᐙᐸᒫᒡ ᑕᔥ ᐁᔑ ᐃᔥᒀᑌᒥᐗᓂᓂᒃ ᐅᐸᒀᓀᑲᒥᒃ ᑮᐅᒋ ᒫᒌᐸᑑ ᐁᑮ ᐊᑕ ᓇᑭᔥᑲᐙᒡ᙮ ᒥᑕᑲᒥᒃ ᑕᔥ ᑮᐃᔑ ᐊᓂᒥᑯᑖ᙮ 3ᒦᑕᔥ ᑳᐃᓈᒡ, ᓂᑑᑭᒫᒻ, ᑮᔥᐱᓐ ᒣᓍᐸᒥᐗᓀᓐ ᐁᓈᓴᒦᔭᓐ, ᑫᑯ ᑕᔥ ᐐᓐ ᒥᒋ ᒪᔭᔥᑲᐙᑫᓐ ᐁᑎᓄᐎᔮᓐ ᐁᐐ ᐸᒥᐃᓇᑰᒃ ᐁᑖᔮᓐ᙮ 4ᑕᑲ ᓴ ᐸᑮ ᓂᐱ ᑕᐲᒋᑳᑌ ᒋᑭᓰᐲᑭᓯᑌᔦᒃ, ᐃᐃᒫ ᑕᔥ ᐊᐊ ᒥᑎᒃ ᑳᐃᔑ ᐊᑲᐙᑌᑭᓱᒡ ᐃᔑ ᐊᓉᔑᓂᒃ᙮ 5ᓂᑲ ᐲᓈ ᑲᔦ ᐸᑴᔑᑲᓐ ᑫᐅᒋ ᒥᓄᒪᒋᐅᔦᒃ; ᑮᐃᔥᒀ ᐐᓯᓂᔦᒃ ᑕᔥ ᒦ ᐃ ᐱᓵᓐ ᐊᓂᔑ ᒫᒑᑫᒃ, ᐋᔕ ᐋᓃᔥ ᑭᑮ ᒪᐗᑎᓵᐙ ᑭᑕᓄᑮᐋᑲᓂᐙ, ᐅᑮᐃᓈᐞ᙮
ᐅᐅ ᑕᔥ ᐅᑮᐃᑰᐞ, ᐃᔑᒋᑫᓐ ᓴ ᑯ ᑳᐃᑭᑐᔭᓐ᙮
6ᐁᐸᕒᐊᐋᒻ ᑕᔥ ᐌᐐᑉ ᑮᐲᑎᑫ ᐸᒀᓀᑲᒥᑯᕽ ᐁᔑᐊᔮᓂᒡ ᓭᕒᐊᐗᓐ ᐁᑮᐃᓈᒡ, ᑕᑲ ᐌᐐᑉ ᐅᔑᐞ ᓂᓱ ᑎᐸᐋᑲᓐ 3 ᒋᒫᒫᑯᓇᒡ ᐸᑴᔑᑲᓐ ᒦᔥ ᐃᔑ ᑮᔑᔂᑲᓐ, ᐅᑮᐃᓈᓐ᙮ 7ᒦᑕᔥ ᑳᐃᔑ ᐊᐸᑑᒡ ᐁᔑᐊᔮᓂᒡ ᐊᔭᐋᐎᔕᐞ ᐁᑮ ᐅᓈᐸᒫᒡ ᐱᔑᑮᓴᓐ ᐌᓂᔑᔑᓂᒡ᙮ ᒦᔥ ᑳᐃᔑ ᒦᓈᒡ ᐅᑕᓄᑮᐋᑲᓇᓐ ᐌᐐᑉ ᒋᑾᔮᒋᐋᓂᒡ᙮ 8ᑳᒥᓯᑎᒀᑲᒥᓂᓂᒃ ᑕᔥ ᒎᒎᔖᐳ, ᒎᒎᔖᐳ ᑲᔦ, ᐃᓂ ᑕᔥ ᑲᔦ ᐱᔑᑮᓴᓐ ᑳᑮ ᑮᔑᓱᒥᓐᒡ, ᐅᑮ ᐊᑕᒪᐙᐞ ᐁᓈᓴᒦᓂᒡ᙮ ᐁᐐᓯᓂᓂᒡ ᑕᔥ, ᐯᔓ ᐃᐃᒫ ᑮᓃᐸᐎ ᐁᔑ ᐊᑲᐙᑌᑭᓱᓂᒡ ᒥᑎᑰᓐ᙮
9ᐅᐅ ᑕᔥ ᐅᑮ ᐃᔑ ᑲᑴᒋᒥᑰᐞ, ᐋᑎ ᑕᔥ ᑭᐐᐤ ᓭᕒᐊ Sarah ᐁᔮᒡ, ᐅᑮᐃᑰᐞ᙮
ᒦᔥ ᑳᐃᓈᒡ, ᐲᒋ ᐸᒀᓀᑲᒥᑯᕽ ᐊᔮ, ᐅᑮᐃᓈᐞ᙮
10 # Rom 9.9. ᐅᐅ ᑕᔥ ᐅᑮᐃᑰᓐ, ᑌᐺ ᓴ ᐅᐅ ᐊᐲ ᒦᓇᐙ ᐃᔑ ᑎᐱᓭᒃ ᓂᑲ ᐲᔖ, ᑭᐐᐤ ᑕᔥ ᓭᕒᐊ ᐅᑲ ᐊᔮᐙᓐ ᑸᐎᓭᓴᓐ, ᐅᑮᐃᑰᓐ᙮
ᓭᕒᐊ ᑕᔥ ᐃᔥᒀᑌᕽ ᑮᓃᐸᐎ ᐁᑮ ᐱᓯᑕᕽ, ᐅᑑᑖᓈᒥᓃᕽ ᐃᓇᑫ ᐁᑮ ᐊᔮᒡ᙮ 11ᐁᐸᕒᐊᐋᒻ ᑕᔥ ᐊᐊ ᑲᔦ ᓭᕒᐊ ᐋᔕ ᑮᑭᒋ ᐊᔭᐋᐎᐗᒃ, ᓃᐱᐗᐞ ᐁᑮ ᑕᓱ ᐱᐴᓉᐙᒡ᙮ ᓭᕒᐊ Sarah ᑕᔥ ᑮᐃᔥᒀᓭᓂ ᐅᑎᑴᐎ ᐃᔑᐊᔮᐎᓐ ᑕᓱ ᑮᓯᔅ᙮ 12#1Pe 3.6. ᒦᑕᔥ ᓭᕒᐊ ᑮᐹᐱᐌᑕᒻ ᐁᑮ ᐃᓀᑕᕽ, ᐋᔕ ᑕᔥ ᐁᑭᒋ ᐊᔭᐋᐎᔮᓐ ᓂᓈᐯᒻ ᐃᑕᔥ ᑲᔦ ᐁᐊᑭᐌᓰᐎᒡ, ᑫᔮᐱ ᓇ ᓂᑖ ᒌᑫᑖᓐ ᒋᒥᓉᓂᑫᔮᐹᓐ, ᑮᐊᔨᓀᑕᒻ᙮
13ᒦᑕᔥ ᑳᑎᐯᒋᑫᓂᒡ ᐁᐸᕒᐊᐋᒻ ᑳᑮᐃᑯᒡ, ᐌᑯᓀᓂᓂ ᑕᔥ ᓭᕒᐊ ᑳᐅᒋ ᐹᐱᒡ ᐁᑮ ᐃᑭᑐᒡ, ᑰᓂᑫ ᑕᔥ ᑌᐺ ᓂᑖ ᐊᔮᐙ ᐊᐱᓅᒌᔥ ᐁᑭᒋ ᐊᔭᐋᐎᔮᓐ? 14#Luk 1.37. ᑫᑰᓇᓐ ᐃᓇ ᐅᓵᒻ ᐅᓴᓇᑫᑖᓐ ᑳᑎᐯᒋᑫᒡ? ᐅᐅ ᑕᔥ ᐊᐲ ᒪᔮ ᑎᐱᓭᒃ ᒦᓇᐙ ᓂᑲ ᐱ ᑕᑯᔑᓐ, ᓭᕒᐊ ᐅᑲ ᐊᔮᐙᓐ ᐅᑯᓯᓴᓐ, ᐅᑮᐃᑰᓐ᙮
15ᓭᕒᐊ ᑮᓭᑭᓯ, ᒦᔥ ᑳᐃᔑ ᑮᐗᓂᒧᒡ ᐁᑮ ᐃᑭᑐᒡ, ᑳᐐᓐ ᓂᑮ ᐹᐱᓰ, ᑮᐃᑭᑐ᙮
ᐅᐅ ᑕᔥ ᐅᑮᐃᑰᓐ, ᑌᐺ ᐅᔕ ᑭᑮ ᐹᑉ, ᐅᑮᐃᑰᓐ᙮
ᐁᐸᕒᐊᐋᒻ ᑮᑲᑴᑗᒡ ᒋᓂᔑᐗᓈᒋᒋᑳᑌᓯᓂᓂᒃ ᔂᑕᒻ
16ᐊᐲ ᑕᔥ ᐃᐃ ᐃᓂᓂᐗᐞ ᐁᐸᓯᑸᓂᒡ ᐁᐐ ᒫᒑᓂᒡ, ᑮᐃᓈᐱᐗᐞ ᐃᓇᑫ ᐁᔑᐊᔮᓂᒃ ᔂᑕᒻ Sodom ᐆᑌᓇ᙮ ᐁᐸᕒᐊᐋᒻ Abraham ᑕᔥ ᐅᑮ ᓅᒪᑫ ᐐᒌᐙᐞ ᐁᐊᓂ ᒫᒑᓂᒡ᙮ 17ᑳᑎᐯᒋᑫᒡ ᑕᔥ ᑮᐃᑭᑐ, ᑳᐐᓐ ᐄᑐᒃ ᓂᑖ ᑳᑕᒪᐙᓰ ᐁᐸᕒᐊᐋᒻ ᐋᔕ ᑫᑳ ᑳᐐ ᐃᔑᒋᑫᐗᒃ! 18ᐐᓐ ᐄᑐᒃ ᑌᐺ ᑕᓂ ᑭᒋ ᐃᓀᑖᑯᓯ, ᑕᓂ ᒪᔥᑲᐌᑖᑯᓯ ᑲᔦ, ᑲᑭᓇ ᐊᐎᔭᒃ ᑳᑕᓶᐙᓇᑭᓯᐙᒡ ᐅᐅᒫ ᒥᓯᐌ ᐊᑮᕽ ᐐᓐ ᐅᒋ ᑕᐅᒋ ᔕᐌᑖᑯᓯᐗᒃ᙮ 19ᐐᓐ ᓴ ᓂᑮ ᐅᓈᐸᒫ ᒋᑭᑭᓄᐎᓈᒡ ᐅᓃᒑᓂᓴᐞ, ᐃᐃ ᑲᔦ ᑫᓂ ᐅᐲᐌᓰᒥᒡ, ᐁᔑ ᐊᑕᐌᑕᒥᓂᒡ ᑳᑎᐯᒋᑫᓂᒡ᙮ ᑾᔭᒃ ᒌᔑᒋᑫᓂᒡ, ᐌᐌᓂ ᑲᔦ ᒋᑑᑖᑫᓂᒡ᙮ ᑮᔥᐱᓐ ᐃᐃ ᐃᔑᒋᑫᓂᒡ, ᒦᑕᔥ ᑲᑭᓇ ᑫᑰᓐ ᒌᔑᒋᑫᐊᒃ ᑳᑮ ᐃᔑ ᐊᔓᑕᒪᐗᒃ ᐁᐸᕒᐊᐋᒻ, ᑮᐃᑭᑐ᙮
20ᑳᑎᐯᒋᑫᓂᒡ ᑕᔥ ᐅᑮᐃᑰᓐ, ᐃᑭ ᓴ ᐯᒫᑎᓯᐙᒡ ᐁᔮᐙᒡ ᔂᑕᒻ, ᑲᒸᕒᐊ Gomorrah ᑲᔦ ᐆᑌᓈᕽ ᑭᒋ ᐊᓈᒥᒫᐗᒃ, ᐋᓃᔥ ᑭᒋ ᒪᒋᐃᔑᒋᑫᐗᒃ᙮ 21ᓂᐐ ᐃᔖ ᑕᔥ ᐌᑎ ᐁᐐ ᐙᐸᑕᒫᓐ ᑕᑲ ᒌᔑᒋᑫᐙᑴᓐ ᐃᐃ ᑳᔑ ᓅᑕᒫᓐ ᐁᔑ ᐊᓈᒥᒥᑣ᙮ ᒦᑕᔥ ᒋᑭᑫᑕᒫᓐ ᑮᔥᐱᓐ ᑌᐺ ᐁᔑᒋᑫᓯᐙᑴᓐ ᑳᔑ ᓅᑕᒫᓐ, ᐅᑮᐃᑰᓐ᙮
22ᒦᑕᔥ ᐃᐃ ᐃᓂᓂᐗᐞ ᑳᓂ ᐃᔑ ᒫᒑᓂᒡ ᐁᑮ ᐃᔖᓂᒡ ᐃᓇᑫ ᐁᔑᐊᔮᓂᒃ ᔂᑕᒻ ᐆᑌᓇ᙮ ᐁᐸᕒᐊᐋᒻ ᑕᔥ ᐐᓐ ᐃᐃᒫ ᑮᐃᔑ ᓃᐸᐎ ᐁᓈᓴᒦᓂᒡ ᑳᑎᐯᒋᑫᓂᒡ᙮ 23ᐁᐸᕒᐊᐋᒻ ᓴ ᑕᔥ ᐯᔓ ᐅᑮ ᓈᓯᑲᐙᓐ ᑳᑎᐯᒋᑫᓂᒡ ᐁᑮᐃᓈᒡ, ᑭᑲ ᑕᑯ ᓂᔑᐗᓈᒋᐋᒃ ᐃᓇ ᐃᑭ ᑴᔭᒀᑎᓯᐙᒡ ᓂᔑᐗᓈᒋᐊᑣ ᒣᒋᐃᔑᐌᐱᓯᐙᒡ? 24ᑮᔥᐱᓐ ᑕᔥ ᓈᓂᒥᑕᓇ 50 ᑕᔑᐙᒡ ᑴᔭᒀᑎᓯᐙᒡ ᐃᐃᒫ ᐆᑌᓈᕽ; ᑭᑖ ᓂᔑᐗᓈᒋᑑᓐ ᐃᓇ ᐃᐃ ᐆᑌᓇ? ᑳᐐᓐ ᐃᓇ ᑭᑖ ᐅᒋ ᒪᓈᒋᑑᓰᓐ ᐐᓇᐙ ᐅᒋ ᑴᔭᒀᑎᓯᐙᒡ ᐃᐃᒫ ᐆᑌᓈᕽ ᑳᐊᔮᐙᒡ? 25ᑕᑲ ᑫᑯᐃ ᐊᐙᒡ ᐸᑮ ᐃᓀᑕᑫᓐ, ᒋᑕᑯ ᓂᓯᑣᐸᓐ ᑴᔭᒀᑎᓯᐙᒡ ᓂᔑᒥᓐᒡ ᐅᒪᒋᐃᔑᐌᐱᓰᐞ᙮ ᐯᔑᑾᓐ ᐃᓇ ᑕᑑᑕᐙᐗᒃ ᑴᔭᒀᑎᓯᐙᒡ ᐃᑭ ᑕᔥ ᑲᔦ ᒣᒋᐃᔑᐌᐱᓯᐙᒡ? ᑫᑯ ᐃᐃᐌ ᐃᔑᒋᑫᑫᓐ! ᑳᑎᐹᑯᓂᐌᒡ ᐅᐅᒫ ᒥᓯᐌ ᐊᑮᕽ ᐄᑐᒃ ᐃᔑᓈᑾᓂᓂ ᐌᐌᓂ ᒌᔑᒋᑫᐸᓐ! ᐅᑮᐃᓈᓐ᙮
26ᑳᑎᐯᒋᑫᓂᒡ ᑕᔥ ᐅᐅ ᐅᑮᐃᑰᓐ, ᑮᔥᐱᓐ ᓴ ᐁᔮᐙᑴᓐ ᓈᓂᒥᑕᓇ 50 ᑴᔭᒀᑎᓯᐙᒡ ᐃᐃᒫ ᔂᑕᒻ ᐆᑌᓈᕽ, ᒦ ᓴ ᐃ ᒋᒪᓈᒋᑖᐗᒃ ᐐᓇᐙ ᐅᒋ, ᐅᑮᐃᑰᓐ᙮
27ᒦᑕᔥ ᐁᐸᕒᐊᐋᒻ ᑮᐊᓂ ᐃᑭᑐᒡ, ᐃᓇᔥᑫ ᓴ ᒫᓄ ᓂᐐ ᓲᑭᑌᐁ ᐁᐐ ᑲᓅᓂᓈᓐ, ᐋᓇᐐᓐ ᑫᑰᓐ ᐁᐃᓀᑖᑯᓯᓯᐙᓐ ᐁᒥᒋ ᐃᓂᓃᐎᔮᓐ᙮ 28ᑮᔥᐱᓐ ᑕᔥ ᐐᓐ ᓃᒥᑕᓇᔑᓈᓇᓐ 45 ᑌᔑᐙᑴᓐ ᑴᔭᒀᑎᓯᐙᒡ, ᑭᑖ ᓂᔑᐗᓈᒋᑑᓐ ᐃᓇᐃ ᑲᑭᓇ ᐆᑌᓇ, ᐅᑮᐃᓈᓐ᙮
ᒦᔥ ᐅᐅ ᑳᐃᑯᒡ, ᑳᐐᓐ ᓂᑖ ᓂᔑᐗᓈᒋᑑᓰᓐ ᑮᔥᐱᓐ ᐁᔮᐙᑴᓐ ᓃᒥᑕᓇᔑᓈᓇᓐ 45, ᐅᑮᐃᑰᓐ᙮
29ᒦᔥ ᒦᓇᐙ ᑳᐃᓈᒡ, ᑮᔥᐱᓐ ᑕᔥ ᐐᓐ ᓃᒥᑕᓇ 40 ᐃᐃᒫ ᐁᔮᐙᑴᓐ? ᐅᑮᐃᓈᓐ᙮
ᒦᔥ ᑳᐃᑭᑐᓂᒡ ᑳᑎᐯᒋᑫᓂᒡ, ᑮᔥᐱᓐ ᐁᔮᐙᑴᓐ ᓃᒥᑕᓇ 40 ᑳᐐᓐ ᓂᑲ ᓂᔑᐗᓈᒋᑑᓰᓐ ᐐᓇᐙ ᐅᒋ, ᐅᑮᐃᑰᓐ᙮
30ᒦᑕᔥ ᐅᐅ ᑳᐊᓂᐃᓈᒡ, ᑌᐯᒋᑫᔭᓐ, ᑕᑲ ᑫᑯ ᐅᒋ ᓂᔥᑫᑕᑫᓐ ᐅᐅ ᑳᐐ ᐃᑭᑐᔮᓐ; ᑮᔥᐱᓐ ᑕᔥ ᐐᓐ ᓂᓯᒥᑕᓇ 30 ᐁᑕ ᑴᔭᒀᑎᓯᐙᒡ ᐃᐃᒫ ᐁᔮᐙᑴᓐ? ᐅᑮᐃᓈᓐ᙮
ᐅᐅ ᑕᔥ ᐅᑮᐃᑰᓐ, ᑮᔥᐱᓐ ᓂᓯᒥᑕᓇ 30 ᐁᔮᐙᑴᓐ, ᑳᐐᓐ ᓂᑲ ᓂᔑᐗᓈᒋᑑᓰᓐ, ᐅᑮᐃᑰᓐ᙮
31ᐁᐸᕒᐊᐋᒻ ᑕᔥ ᑮᐊᓂ ᐃᑭᑐ, ᐃᓇᔥᑫ ᓴ ᒫᓄ ᓂᓲᑭᑌᐁ ᐅᐅ ᑳᐐᐃᓂᓈᓐ, ᑮᔥᐱᓐ ᐃᑕᔥ ᐐᓐ ᓃᔥᑕᓇ 20 ᐃᐃᒫ ᐁᔮᐙᑴᓐ, ᐅᑮᐃᓈᓐ᙮
ᒦᔥ ᐅᐅ ᑳᐃᑯᒡ, ᑮᔥᐱᓐ ᓃᔥᑕᓇ 20 ᐁᔮᐙᑴᓐ, ᑳᐐᓐ ᓂᑲ ᓂᔑᐗᓈᒋᑑᓰᓐ, ᐅᑮᐃᑰᓐ᙮
32ᒦᓇᐙ ᑕᔥ ᐅᑮ ᐊᓂᐃᓈᓐ, ᑌᐯᒋᑫᔭᓐ, ᑕᑲ ᑫᑯ ᓂᔥᑫᑕᑫᓐ, ᑫᔮᐱ ᐁᑕ ᐋᐱᑎᕽ ᓂᐐ ᑮᑭᑦ; ᑮᔥᐱᓐ ᑕᔥ ᐐᓐ ᐁᑕ ᒥᑖᓱ 10 ᐁᔮᐙᑴᓐ? ᐅᑮᐃᓈᓐ᙮
ᒦᔥ ᐅᐅ ᑳᐃᑯᒡ, ᑳᐐᓐ ᓂᑲ ᓂᔑᐗᓈᒋᑑᓰᓐ ᐃᐃ ᐆᑌᓇ ᐃᑭ ᐅᒋ ᑫᒥᑖᒋᐙᒡ 10, ᐅᑮᐃᑰᓐ᙮ 33ᑳᐃᔥᒀ ᑲᑲᓅᓂᑯᒡ ᑕᔥ ᑳᑎᐯᒋᑫᓂᒡ, ᒦ ᐃ ᑳᐃᔑ ᓇᑲᓂᑯᒡ᙮ ᐁᐸᕒᐊᐋᒻ ᑕᔥ ᐐᓐ ᑮᑮᐌ᙮
Currently Selected:
ᒉᓂᓯᔅ 18: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
