Luki 3

Yoniʼa aniʼmo faleno apateʼniya vekamoʼmo aeno hakalo huno hapa paiʼniya gemae

(Mt 3:1-12; Mk 1:2-8; Yo 1:19-28)

1Taipiliyasi Sisaʼa hogote vekamo muki vayaʼaiteʼmo fifitiniʼa kafugamo yagaino apateʼnigeno Ponitiyasi Pailatiʼa Yutiya kotega vayaʼaiteʼmo yagaino apateʼnigeno Helotiʼa Galeliya kotega vayaʼaiteʼmo yagaino apateʼnigeno nepuʼamoʼmo Filipiʼa Ituliya kotega vayaʼaiteʼe Talekinaitasi kotega vayaʼaiteʼeʼmo yagaino apateʼnigeno Laiseniyasiʼa Amilini kotega vayaʼaiteʼmo yagaino apateʼniye. 2#Lu 1:80Anasiʼe Kaiyafasiʼeʼmo mono huʼa neʼapataya vayaʼaiteʼmo yagaiʼana apateʼnaʼagenoʼaeʼmo Yoniʼa Sekalaiyasi mafaʼnemo kaʼme kotegamo maiʼnigenoʼaeʼmo Goti geʼamo aipafiʼmo afole aiʼniye. 3#Ap 13:24; 19:4Agaemo Yoneni aniʼmo haneʼniya haopalegamo umenitata huno gemo aeno hakalo huno hapa painoʼaeʼmo, lapaipamo alita afe leteta aniʼmo falegenoʼao Gotiʼa hosu kavatapimo alino ataleno, huno aeno hakalo huno hapa paige hapa paige huno maiʼniye. 4#Aiy 40:3-5Ani kavatefeʼmo Aiyeyaʼa Gotitegati gemo alinineno aeno hakalo huno hapa nepaiya vekamoʼmo avoʼmo kaenoʼaeʼmo,

mago vekamoʼmo kaʼme kotegatiʼmo alopa gefatiʼmo ge hunoʼaeʼmo, Ala kava neʼmo kaʼmo valita atetetapa alita alagepa huta ateyo. 5Alopa aveʼe aise aveʼeʼmo kafita anaku paetalegeno kalokalopafiʼmo eminesigetapa aeta ati kaeyo. Kayagiʼnisiya kaʼmo alita api aita ateyo. Haite lamite huʼnisiya kaʼmo kafita alita kanale hutapa ateyo. 6Inagi muki ma mopafi vayaʼmogi agesayana Gotiʼa vayaʼamogi apakufamo alino katino apatesigeʼa agegae,

huno avoʼmo kae maleʼniye.

7 # Mt 12:34; 23:33 Asole vayaʼmo Yoniʼa aniʼmo faleno apatesiyafeʼmo agaetegamo ete ete huʼnageno Yoniʼa hunoʼaeʼmo, hosu nagaloʼyavemo mafaʼne anakaʼamogitapae, huno, Ina laʼmo hunoʼaeʼmo, Gotiʼa aipamo neleyanageno lapamagisiya kavategatiʼmo afaʼa ataletapa lapaune hegae, huno lapa paiʼniye, huno ge huno apafi geʼniye. 8#Yo 8:33,39Magoʼe gemo hunoʼaeʼmo, lapaipamo alita afe leʼnisaya agufa kavaʼmo huta maiyo. Emalehamuʼa laginago vekamo maiʼniyaʼmofeʼmo alagepa huta maigune, hutapa lapakesamo oʼafiyo. Gotiʼa mani yafafeʼmo ha paisigeno Emalehamu aginagoʼamo afaʼa alino hamaleno apategaiye. 9#Mt 7:19Hemenimo yosamo heʼya aisiyafeʼmo koʼnemo alagi alo huno alinineno yosamo aepaleʼmo maleʼniye. Muki alagepa alagamo noʼaeya yosamo heʼya aiteʼa aliʼa atafiʼmo yaga auʼa nekae, huno hapa paiʼniye. 10Hapa paiʼnigeʼapaeʼmo asole vayaʼmogi huʼapaeʼmo, lagaemo haiya agufa kavaʼmo hugune, huʼa ge huʼa afi geʼnagenoʼaeʼmo, 11lole siyotimo aliʼnisiya vekamoʼmo mago oʼaliʼnisiya vekamo afaʼa amigiye. Neʼyaʼmo aliʼnisaya vayaʼmogimo ani kavakeʼmo huʼa apamigiye, huno hapa paiʼniye. 12#Lu 7:29Takesi monimo neʼaliya vayaʼmo aniʼmo faleno apatesiyafeʼmo eʼapaeʼmo, Tisao, huʼa, lagaemo haiya agufa kavaʼmo hisune, huʼa ge huʼa afi geʼnagenoʼaeʼmo, 13Gamani vayaʼmogimo aliyo huʼa lapa paiʼnisaya agufa monimo alitetapa magoʼe monimo fikumo oʼaliyo, huno hapa paiʼniye. 14Mago ami vayaʼmogimo huʼapaeʼmo, lagaeʼeʼmo haiya agufa kavaʼmo hisune, huʼa ge huʼa afi geʼnagenoʼaeʼmo, vayaʼmo oʼapamagige kumayaʼmo oʼalige hiyo. Aigofe geletiʼmo agoti hutapa oʼapateyo. Miyatapigeʼmo alitetapa lapaipamoʼmo falu hino, huno hapa paiʼniye.

15Muki vayaʼmogi agava maiʼnayaʼmofeʼmo huʼapaeʼmo, ani vekamo Kalaisi vekamo maiʼnifi oʼmaiʼniye, huʼa apaipafiʼmo apakesamo afiʼnae. 16#Ap 13:25Afiʼnagenoʼaeʼmo Yoniʼa hunoʼaeʼmo, nagae nakamemo huno esiya vekamo ayamufaʼamoʼmo nagae nayamufamo ago aeno naga seno maiʼniye. Nagaemo suʼamo nofiʼmo afaʼa hakalu hesuva agufa kavaʼmo huʼna oʼmaiʼnove. Nagaemo aniʼaletikeʼmo aniʼmo faleʼna lapateʼnovanageno agaemo aote Aunemeʼaletiʼe ataletiʼeʼmo aniʼmo faleno lapategaiye. 17Sipetiʼamo ayapiʼmo aliʼniyanageno viti alagamo faino kateno atalesigeno haiteno mopafiʼmo asagauno aisigeno neʼyaʼageʼmo alino anupa huno noʼafiʼmo maleteno haleti yaʼamo yu oseno neleya atafiʼmo alino kaegaiye, huno hapa paiʼniye. 18Yoniʼa muki vayaʼai apaipa apakesamo alino he tino atesiyafeʼmo magoʼe huno alagepa faigoko gemo aeno hakalo huno hapa paiʼniye.

19 # Mt 14:3-4; Mk 6:17-18 Hapa paiʼniyaʼmonanafa yagaino apateʼniya vekamo Helotiʼmo hosu kavaʼmo magoʼe magoʼe huno huʼnigeno Yoniʼa ge hauʼniye. Helotiʼa nepuʼamo aʼmo Helotiyasiʼmo aliʼnigeno Yoniʼa ge hauʼniya geletiʼmo kalavusi huno ateʼniye. 20Hosu kavaʼmo hume hume eno magoʼe huno lusi hosu kavaʼmo huno Yoniʼa kalavusi huno ateʼniye.

Yoniʼa Yesuʼmo aniʼmo faleno ateʼniya gemae

(Mt 3:13-17; Mk 1:9-11)

21-22 # Yo 1:32; Mt 17:5; Lu 9:35 Yoniʼa kalavusi osuʼnenoʼaeʼmo hogoteno muki vayaʼmo aniʼmo faleno apateteno Yesuʼeʼmo aniʼmo faleno ateʼnigeno Yesuʼa nunumuʼmo nehigenoʼaeʼmo kokuʼnaʼmo halo aiʼnigeno aote Aunemeʼamo agufaʼamo mago namamo kaugoʼyavegana huno agaetegamo emineʼniye. Kokuʼnapatiʼmo mago gemo ha painoʼaeʼmo, nahau nayamopafiʼmo neʼnahaiya mafaʼneʼnimo maiʼnanaʼmofeʼmo naipamoʼmo kanale huʼna nekatove, huno ha paiʼniye.

Yesu aginago vayaʼai apakiʼapimo haneʼniya gemae

(Mt 1:1-17)

23 # Lu 4:22; Yo 6:42 Yesuʼa aliʼyaʼamo aepa faino aliʼniya kafugamo tetiʼa agufa kafugamo maiʼnigeʼapaeʼmo vayaʼmogimo huʼapaeʼmo, Yosefe mafaʼneʼamae, huʼa huʼnae. Yosefe afoʼamoʼmo Hilaiʼae. 24Hilai afoʼamoʼmo Matatiʼae. Matati afoʼamoʼmo Livaiʼae. Livai afoʼamoʼmo Melikaiʼae. Melikai afoʼamoʼmo Yanaiʼae. Yanai afoʼamoʼmo Yosefeʼae. Yosefe afoʼamoʼmo Matataiyasiʼae. 25Matataiyasi afoʼamoʼmo Emosiʼae. Emosi afoʼamoʼmo Neyamuʼae. Neyamu afoʼamoʼmo Esilaiʼae. Esilai afoʼamoʼmo Nagaiʼae. Nagai afoʼamoʼmo Meyatiʼae. Meyati afoʼamoʼmo Matataiyasiʼae. 26Matataiyasi afoʼamoʼmo Simeniʼae. Simeni afoʼamoʼmo Yosekiʼae. Yoseki afoʼamoʼmo Yonaʼae. Yona afoʼamoʼmo Yoʼananiʼae. 27#1 Sit 3:17,19; Esa 3:2Yoʼanani afoʼamoʼmo Lesaʼae. Lesa afoʼamoʼmo Selamameliʼae. Selamameli afoʼamoʼmo Siyalitiyeliʼae. Siyalitiyeli afoʼamoʼmo Nelaiʼae. 28Nelai afoʼamoʼmo Melokaiʼae. Melokai afoʼamoʼmo Eʼnaiʼae. Eʼnai afoʼamoʼmo Kosamuʼae. Kosamu afoʼamoʼmo Elimenamuʼae. Elimenamu afoʼamoʼmo Eyaʼae. Eya afoʼamoʼmo Yosuvaʼae. 29Yosuva afoʼamoʼmo Eliesaʼae. Eliesa afoʼamoʼmo Yolimiʼae. Yolimi afoʼamoʼmo Matatiʼae. Matati afoʼamoʼmo Livaiʼae. Livai afoʼamoʼmo Simiyoniʼae. 30Simiyoni afoʼamoʼmo Yutaʼae. Yuta afoʼamoʼmo Yosefeʼae. Yosefe afoʼamoʼmo Yonamuʼae. Yonamu afoʼamoʼmo Elaiyakimiʼae. 31#2 Sam 5:14Elaiyakimi afoʼamoʼmo Menaʼae. Mena afoʼamoʼmo Matataʼae. Matata afoʼamoʼmo Netaniʼae. Netani afoʼamoʼmo Neviniʼae. 32#1 Sam 16:1-13; Lut 4:17-22Nevini afoʼamoʼmo Yesiʼae. Yesi afoʼamoʼmo Oʼmetiʼae. Oʼmeti afoʼamoʼmo Movasiʼae. Movasi afoʼamoʼmo Salimoniʼae. Salimoni afoʼamoʼmo Nasoniʼae. Nasoni afoʼamoʼmo Aminanapuʼae. 33#Aep 29:35Aminanapu afoʼamoʼmo Animilaʼae. Animila afoʼamoʼmo Anaiʼae. Anai afoʼamoʼmo Hesiloniʼae. Hesiloni afoʼamoʼmo Pelesiʼae. Pelesi afoʼamoʼmo Yutaʼae. 34Yuta afoʼamoʼmo Yekopuʼae. Yekopu afoʼamoʼmo Aisakiʼae. Aisaki afoʼamoʼmo Emalehamuʼae. Emalehamu afoʼamoʼmo Telaʼae. Tela afoʼamoʼmo Nehoʼae. 35Neho afoʼamoʼmo Selakiʼae. Selaki afoʼamoʼmo Liyuʼae. Liyu afoʼamoʼmo Pelekiʼae. Peleki afoʼamoʼmo Imaʼae. Ima afoʼamoʼmo Silaʼae. Sila afoʼamoʼmo Kenaniʼae. 36#Aep 11:10-26Kenani afoʼamoʼmo Afakasatiʼae. Afakasati afoʼamoʼmo Semiʼae. Semi afoʼamoʼmo Novaʼae. Nova afoʼamoʼmo Lemekiʼae. 37Lemeki afoʼamoʼmo Metusalaʼae. Metusala afoʼamoʼmo Inokiʼae. Inoki afoʼamoʼmo Yeletiʼae. Yeleti afoʼamoʼmo Mahalaliʼae. Mahalali afoʼamoʼmo Kenaniʼae. 38#Aep 4:25–5:32Kenani afoʼamoʼmo Inosiʼae. Inosi afoʼamoʼmo Setiʼae. Seti afoʼamoʼmo Atamuʼae. Gotiʼa Atamuʼmo alo huno ateʼniyaʼmofeʼmo Atamu afoʼamoʼmo Gotiʼae.

Currently Selected:

Luki 3: kyg2013

Highlight

Copy