یونس ۳
۳
یونس، خوداوندٚ جأ ایطاعت کونه
۱ خوداوند ایوار دِه یونسَ بفرمأسته: ۲ «ویریز، بوشو نینوا، او پیله‌دأنه شهرٚ دورون و پیغامی‌یَ کی ترَ گم اوشأنَ اعلام بوکون.»
۳ یونس ویریشته و هوطو کی خوداوند بوگفته‌بو، بوشو نینوا. نینوا ایتأ پیله‌دأنه شهر بو، اَنقدر پیله‌دأنه کی اگه اینفر بخوأسته‌بی اونٚ دورون بگرده، سه روز طول کشه‌یی. ۴ یونس شهرٚ دورون واردَ بوسته و ایتأ روزٚ اندازه رأ بوشو، بأزین فریاد بزه و بوگفته: «بعدٚ چهل روز نینوا نابودَ به.» ۵ نینوا مردومأن، خودا پیغامَ باور بوکودید و اعلام بوکودید کی روزه بیگیرید؛ و همه‌تأن، پیله‌دأنه و کوجه‌دأنه، پلاس دوکودید.
۶ وختی نینوا پادشا اَ پیغامَ بیشنأوسته، خو تختٚ جأ بیجیر بمو، خو شاهانٚ لیباسَ بکنده و پلاس دوکوده و خاکسترٚ رو بینیشته. ۷ هو وخت نینوا میأنی پادشا اَطویی فرمان بده: «پادشا و پیله‌ترأنٚ فرمان اَنه کی هیچ اینسأن یا حیوانی، گله یا رمه، حق نأریدی غذا یا آبی بوخورید یا حتی اونَ بچشید. ۸ همه‌تأن وأستی پلاس دوکونید و ایجگره زنأن خودایَ دوخوأنید و ظلم کودنٚ جأ دس فأکشید و شرارتٚ جأ وأگردید. ۹ اَمأن نأنیم کی، بلکی خودا خو غیظ و غضبٚ جأ وأگرده و اَمرَ رحم بوکونه تا هلاکَ نیبیم.»
۱۰ وختی خودا، نینوا مردومأنٚ کارأنَ بیده کی خوشأنٚ شرارتٚ جأ وأگردستید، رحم بوکوده و او بلایی کی خوأستی اوشأنٚ سر بأوره، دِه نأورده.
Currently Selected:
یونس ۳: گیلکی (رشتی)
Highlight
Share
Copy
Want to have your highlights saved across all your devices? Sign up or sign in
© 2010-2019 Gilak Media
