پیدایش ۱۲

۱۲

ابرامٚ دعوت

۱ خوداوند ابرامَ بوگفته: «تی سرزیمینَ، تی قومَ، تی پئرٚ خانه‌یَ بَنه، بوشو به سرزیمینی کی ترَ نیشأن دهم. ۲ تی جَا ایتأ پیله قوم به وجود اَورم و ترَ برکت دهم. تی نامَ بزرگَ کونم و تو برکت بی. ۳ برکت دهم اوشأنی کی ترَ برکت بدید، و لعنت کونم هر کسی‌یَ کی ترَ لعنت بوکونه. تومامٚ قومأنٚ جهان، تی جَا برکت بریدی.»

۴ پس ابرام، هوطو کی خوداوند اونَ فرمان بده‌بو، رأ دکفته، لوطم اونٚ اَمرأ بوشو. وختی کی حَرانٚ جَا بیرون بوشوییدی، ابرام هفتاد و پنج سال دأشتی. ۵ اون، خو زن، سارای و خو برأرزا، لوطَ و خوشأنٚ تومامٚ دارایی‌یَ کی پس انداز بوکوده‌بید و خادمأنی کی حرانٚ دورون به دس بأورده‌بید، اوسَده، و رأ دکفتیدی بیشید کنعان و فأرسه‌یید اویه. ۶ ابرام او سرزیمینٚ دورون تا پیله درختٚ بلوطٚ موره کی شکیمٚ دورون نهَه‌بو، پیشروی بوکوده. او زمان کنعانیأن او سرزیمینٚ دورون زندگی کودیدی.

۷ خوداوند ابرامَ آشکارَ بوسته و بوگفته: «اَ سرزیمینَ تی نسلَ بخشم.» پس اون، اویه ایتأ قربانگاه خوداوندٚ ره بر پا بوکوده کی بر اون آشکارَ بوسته‌بو. ۸ اویه جَا به طرفٚ شرقٚ بیت‌ایل کوچ بوکوده کی ایتأ ناحیه کوهستانی بو و خو خیمه‌یَ اویه بر پا بوکوده کی بیت‌ایل در غرب و آبادی‌یٚ عای در شرق نهَه‌بید. اویه ایتأ قربانگاه خوداوندٚ ره چأکوده و خوداوندَ پرستش بوکوده. ۹ بَزین ابرام رأ دکفته بوشو به سمتٚ نِگِب.#۱۲‏:۹ «نِگِب» نامٚ او محل بو.

ابرام شه مصر

۱۰ کنعانٚ دورون قحطی بَمو و ابرام بوشو سرزیمینٚ مصر، تا ایتأ مدت اویه زندگی بوکونه، چره کی قحطی بیداد کودی. ۱۱ مصرٚ مرزٚ سر، ابرام خو زن سارای‌یَ بوگفته: «دأنم کی تو زنٚ قشنگی ایسی. ۱۲ وختی مصریأن ترَ بیدینید، گیدی: ‹اونٚ زنه.› بَزین مرَ کوشیدی ولی ترَ زنده دأریدی. ۱۳ پس بوگو تو می خأخور ایسی، کی تی وسی می اَمرأ خوشرفتاری بوکونید و اَطو من جان به در ببرم.»

۱۴ وختی کی ابرام واردٚ مصر بوبوسته، مصریأن بیده‌ییدی کی سارای، زنٚ خیلی قشنگی ایسه. ۱۵ وختی کی فرعونٚ درباریأن سارای بیده‌ییدی، فرعونٚ ورجه اونٚ جَا تعریف بوکودیدی و اونَ ببردیدی فرعونٚ قصرٚ دورون. ۱۶ فرعون سارای‌یٚ وسی ابرامٚ اَمرأ خوشرفتاری بوکوده و ابرام، گاب و گوسفند، و اولاغأنٚ نر و ماده، غولامأن و کنیزأن و شوتورأنٚ فراوانی به دس بأورده.

۱۷ ولی خوداوند، سارای، ابرامٚ زنٚ وسی، فرعون و اونٚ اهله خانه‌یَ گیرفتارٚ مرضأنٚ سخت بوکوده. ۱۸ پس فرعون ابرامَ دوخوأده، بوگفته: «اَن چی کاری بو کی می اَمرأ بوکودی؟ چره مرَ نوگفتی کی اون تی زنه؟ ۱۹ چره بوگفتی: ‹اون می خأخوره.› کی من اونٚ اَمرأ عروسی بوکودم؟ بیأ تی زنَ اوسَن و بوشو!» ۲۰ بَزین فرعون خو آدمأنَ درباره‌یٚ ابرام دستورأنی بدَه و اوشأن اونَ، اونٚ زن و تومامٚ اونٚ مال و منالٚ اَمرأ اوسه کودید.

Currently Selected:

پیدایش ۱۲: گیلکی (رشتی)

Highlight

Copy