SAN MATEO 24:9-11

’Ti paʉ ca-ano yʉ ye quetire ca-apiteerã mʉja ñee aágarãma ʉparã tʉpʉre, na popiyeyeya ĩirã. Mʉja jĩagarãma. Yʉre ca-apiʉjarã mʉja ca-ano maca to canacã maca macana mʉja teegarãma. Ti paʉ ca-ano capaarã, “Cristore ca-apiʉjaʉ yʉ ãa,” ca-ĩibatana janagarãma, apiʉjaquetibana. To bairo baibana ca-jʉgoye na ca-ame bapa cʉtibatanarena ʉparãre na wadajãgarãma. To bairi ame tʉjʉ tutigarãma. Aperã capaarã, “Dio ye quetire ca-buioʉ yʉ ãa,” jocarãna ape wame macare ca-ĩi buiorã anigarãma. To bairo na ca-ĩitorije to ca-anibato quena camaja capaarã na apiʉjagarãma.