MATHIU 6
6
Aguh a itna silpieh
1 #
Mat. 23.5
“Na sil hoi bawlte uh mihingte mitmu a amasang ua bawllou dingin pilvang un, tuachilouin pen na Pa uh van a um kungah nuomman muding na nei sih ding uhi.
2“Tuaziehin mi kunga silpieh na pieh chieng un mi lepchieten mi pahtat alawtheina ding ua, kikhopna inn leh kholaidung lah a abawl bangun, na masang uah pengkul mut sih un. Chitahtahin ka hing hil ahi, amaun anuomman uh amu zouta uhi. 3Hinanleh nouten mi kunga silpieh na pieh chiengun, na khut zietlam un abawl, na khut veilam un theisih heh. 4Tuachi’n na sil pieh khu aguh ahi thei ding hi; tualeh na Pa uh aguh a hing mu pa’n langtang tah in ahing din ding hi.
Aguh a thungetna
(Luk. 11.2-4)
5 #
Luk. 18.10-14
“Tualeh na thunget chieng un, milepchiete banga na bawllou ding uh ahi, amaun miten amu theina ding un, kikhopna innte leh kholaidung lamka thuomte bangah ding kawm in thunget aut sese uhi, chitahtah in ka hing hil ahi, amaun anuomman uh amuta uhi. 6Hinanleh noute pen na thunget chieng un na pindan sung gil uah lut unlen, na kot uh kha unlen mun simtham a um na Pa uh kungah thungen un, tuachi’n aguh a hing mu na Pa un langtangtah in nou ahing pe ding hi.
7“Hinanleh na thunget chieng un Jentelte bangin thuginalou gen sawn sawn sih un, amauten agen tam zieh ua zah a um dingin akingaituo uhi. 8Tuaziehin amauh bang sih un, aziehpen na nget masang un, na Pa un na tasapte uh atheita hi.
Mangpa thungetna
9Tuaziehin tambangin thum un:
Ka Pa uh van a um,
Namin kizatat hen,
10Na gam hing tung hen,
na deilam van a akibawl bangin,
lei ah zong kibawl hen.
11Tuni’n nichin a ka neh ding uh ann hing pie in.
12Ka leibate uh ka ngaidam bang un,
ka batte uh hing ngaidam in.
13Solna ah hing puilut sinlen,
gilou lah ah hing hunkhe zawin,
gamte, silbawltheinate,#gamte silbawltheina—kum tawn a dia nanga ahizieh Amen, Greek Laisiengthou khenkhat leh KJV, ah a uma adangten agel khasih hi. leh thupinate
kumtawn a Nanga ahizieh in,
Amen! chiin.
14 #
Mak. 11.25,26 Mite atatkhelnate uh na ngaidam u’leh, na Pa uh van a um in zong noute ahing ngaidam ding hi. 15Hinanleh mite tatkhelnate na ngaidam sih uleh na Pa un zong na tatkhelnate uh ahing ngaidam sih ding hi.
Ann ngawlna
16“Tuachiengleh ann na ngawl chiengun milepchiete bangin ngui mel posih un, amaun mite mitmu a anngawl uh akilat theina ding un, amaisuo uh atuom sah leng uhi. Chitahtahin ka hing hil ahi, amaun anuomman uh amuta uhi. 17Hinanleh nouten ann na ngawl chiengun na lutang uh sathau nu unlen, na mai uh phiet un. 18Tuachi’n mun simthama um na Pa uh muna loungal, mihingte mitmu a, anngawl na bahlouna ding un, tualeh na Pa uh aguh a hing mupa’n langtang tahin kipahman ahing pe ding hi.
Hausatna dih
19 #
Jak. 5.2,3 “Lei a nget leh sam eeh in anehsiet na ah leh gutaten aphevang ua aguh theina uah gou kikhol sih un. 20Hinanleh van ah, nget leh sam eeh in anehsiet louna leh, gutaten aphevang ua, aguh louna uah gou kikholzaw un. 21Aziehpen na gou uh umna mun ah, na lungtang u’zong a um ding hi.
Vah leh miel
22“Tahsapumpi meivah khu mit ahi, tuaziehin na mit ahoi leh na tahsapumpi vahin adim ding hi. 23Hinanleh na mit asiet leh na tahsapumpi amiel sieng ding hi. Tuaziehin na sunga vah khu miel hita leh tua mielna khu nasa va-ia va e izaw. 24“Koiman houtu ni nna asemkop thei sih, aziehpen khat amuda ding a, khat pen ait dinga, ahisihleh khat humin, khatpen asimmaw kha ding hi. Pasian leh sum#Sum mammon (Eng) Leitung sum lepai, nei leh lamte, hausatnate, china ahi. nna nasemkop thei sih ding uhi.
Lunghimawna leh Pasian muonna
25“Tuaziehin ka hing hil ahi, Bang ahiei ka neh ding, bang ahiei ka dawn ding, ahisihleh na tahsa ua dinga bang ahiei ka sil a ka ten ding chi’n na tahsa ua dingin lunghimaw sih un, neh ding sangin hinna athupizaw sih amah? Silleten sangin tahsa a thupi zaw sih amah? 26Tungleeng vate en un, bu atu sih ua, at zong a at sih uh, tualeh bu inn ah zong asunglut sih uh, ahivangin na Pa uh van a umin amauh ava hi; Noute amauh sanga nahpitah a thupizaw hilou na hi uoi mah? 27Noute lah a koi ahiei lunggim zieh a, adung lam tong khat a susang tuon thei?
28Tuachi’n bang ding a sil leh ten thu a lunggim na hi uoi? Gamlah a lili pahte khan dan hoitahin ngaituo un, nna asemgim sih ua, mui zong azom ngai sih uhi. 29#1 Leeng. 10.4-7; 2 Khang. 9.3-6Hinanleh, ka hing hil ahi, Solomon ngelzong athupina zousie toh akizep vangin, tam lili pahte khat bangin akizem zou sih hi. 30Tuachi’n gamlah loupa tuni banga hing a, azingni chieng a thuhkhuh sung a pailut ding bawn Pasian in ahichi zep leh Aw nou ginna tawmte Aman noute tuasangin nihten puonsil in ahing zemzaw tham sih ding amah?
31Tuazieh in bang ahiei ineh ding? Bang ahiei idawn ding? bang ahiei isil ding? Chi’n lunghimaw sih un. 32Aziehpen tam silte zousie Jentelten asui uhi; tam silte na tasam uh chi na Pa uh van a um in athei hi. 33Hinanleh Pasian Gam leh adihtatna sui masa un, tuachi’n tam silte zousie piehbe na hi ding uhi. 34“Tuaziehin zing chienga dingin lunggim sih un, aziehpen zingin ama a ding silte akilunggimpi na ding hi. Ni khat gimthuoh khu ni khat a dingin ahun ahi.
Currently Selected:
MATHIU 6: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
