Lucas 3:4-6

Baxua exana, peyabara jeichixaetsi xua peyabara jeixae pon Nacom peitorobi jume pepaebin Isaías poxonae bapon tina pejume diwesi. Barapo diwesitha Isaías caena bayatha wʉnae tsiwʉnaeya yabara paeba xua Juan yabara. Isaías namchi, jeye: “Jume tan pon wawai ira xuepana susato tsurucuae nacuatha. Bapon wawai jeye: ‘Patsinajʉntʉ cui coyene wʉnaere pon jiwi pia pepa Pecanamataxeinaeinchi pia pepatopae wʉnaeya tsane. Daxita pemarafotontha paatsa jejebapoinyama. Daxita petsuton paatsa caxiquiyama. Pejeyajeyowa namton bopiya dubeinya paexande. Pemarafotofotowa namton, panamto dameyama. Apara jopa yabara janyo namton, jame apara yabara jan painya jʉntʉ coyenein. Ichi paichim xua namton paxanebame bara paichinde pana najʉntʉ cui wʉnaere painya Nepacacanamataxeinaein nexa poxonae bapon patopeicaena. Daxita nacuapiwimonae yaputaena Nacom pia pecapanenebiyae coyene tatsi’, jei pon wawai”, jei Isaías pejume diwesitha.