Ninge 75
75
A nianga tupas no tunotuno nong i kure ira ut na ninge: ing da inge iakan ra ninge, da mur no kaungana no ninge “Waak u Halhaliarai.” A ninge na lotu ta Asap.
1 #
Nng 79.13; 145.18 God, het tanga tahut taam,
het tanga tahut, kanong augu ken hutet.
Ira tunotuno diet hinawas ta ira num tamat na melmel na gingilaan na kinarup.
2 #
Nng 102.13; Ais 11.4 U tange bia, “Iau puo ira pakana bung ing ira linge na hanuat.
Iau at nong iau la kurkure ira matanaiabar ma ra taktakodas.
3 #
Ais 24.19
Ing no ula hanuo ma ira uno matanaiabar diet dedar,
iau at nong iau sukal hadadas ie.
4Iau tange tar ta ira ut na latlaat, ‘Waak muat ra latlaat,’
ma ta ira ut na sakena, ‘Waak muat hamines ira amuat baso.
5Waak muat hamines ira amuat baso uram ra ula mawe.
Waak muat sa butbut huo.’”
6Taie tikai merau tano kasakes i la pupuruk hut, bia meram tano kasakes i la sungsuguh,
bia merau ra hanuo bia, i tale bia na raun haut tiga tunotuno.
7 #
Nng 147.6; Dan 2.21 Iesen God aie nong i la harkurai taar.
I bul hasur tikai ma i raun haut tiga mes.
8 #
Jop 21.20; Nng 60.3; Jer 25.15 Tiga gingop ie ke hono limana no Watong,
ma i hung ma ira namnamien na wain.
I burange se tar, ma ira ut na sakena tano ula hanuo diet na mame bakut.
9Iesen iau balik, iau ni hinawas palai hathatikai.
Iau ni inge na pirhakasing tupas no God tane Iakop.
10 #
Nng 92.10
Iau ni paas hasur ira baso adiet ira ut na sakena,
iesen da hamines ira baso adiet ira ut na takodas.
Currently Selected:
Ninge 75: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
