Ninge 68
68
A nianga tupas no tunotuno nong i kure ira ut na ninge: Devit ga pit iakan ra ninge. A ninge na lotu ie.
1Na bilai bia God na taman tut, ira uno ebar diet na hilau harbasia,
ma ira ana suk diet na hilau tana.
2 #
Hos 13.3
Hoing ra mis ing no dadaip i puuh isei,
na tahut bia nu puuh se mon diet.
Hoing ira kadel i pola menalua ra iaah,
na bilai bia ira ut na sakena diet na pataam hatika ra matmataan ta God.
3Iesen na tahut bia ira ut na takodas diet na laro ma kanakana ra matmataan ta God,
ma bia diet na guama saakit.
4 #
Lo 33.26; KBk 3.14; 6.2,3 Inge uram ho God, da inga ninge na pirharlat tano hinsana.
Da pirhakasing nong i la kiskisi ira bahuto,
nong no hinsana ne Watong,
ma da laro menalua ra matmataan tana.
5 #
Lo 10.18
God nong iakenam narako tano uno halhaliana katon na kinkinis,
a mama ie ta ing taie audiet ta tata, ma i la balbalaure ira makosa.
6God i la hakisi ira soi ta ira hatatamaan,
ma diet ing diet la kiskis tano hala na harpidanau, i lue hasur leh diet ma ra ninge,
iesen ira tabuna taram nianga, diet lon narako ra mamasina hanuo.
7 #
KBk 13.21
God, ing u ga lamus hasur ira num matanaiabar,
ma u ga lulua haan nalamin tano hanuo bia,
8 #
KBk 19.18; Het 5.4,5 no pise ga kunakunar,
no mawe ga hurange hasur ra bata
menalua ta God, aie nong me Sinai,
menalua ta God, aie no God ta Israel.
9 #
WkP 26.4; Lo 11.11 God, u ga tar ra tamat na bata.
U ga hanunuhuan no dakesuana katon na pise nong a num tus ie.
10God, ira num matanaiabar diet ga maren ukaia,
ma u ga tabar ira maris meram narako tano num bilbilai.
11 #
1Sml 18.6
No Watong ga tar ra nianga,
ma ra haleng saakit ira hahin ing diet ga hinawas palai tana ma i hoken:
12 #
Jos 10.16; Het 5.19,30 “Ira king ma ira udiet umri diet hilau raurawaan,
ma ira hahin kaia na taman diet palau harbasiane diet ma ira linge ira matana ubane diet ga haan talur.
13Ma diet mah ing diet ga mona taar,
diet ga kap ira bun di pulus ira baba diet ma ra siliwa
ma ing ira hi diet i pilpilakas ma ra gol.”
14 #
Jos 10.10; Het 9.48 Ing aie Nong i Dadas Harsakit ga pasak harbasiane ira king kaia,
ga ngan hoing bia a sinow ga puko tano uladih Salmon.
15Ira uladih ta Basan i manga tamat.
Da kadape me tapaka.
16 #
Lo 12.5
Muat ira tamat na uladih me Basan, wara bih muat nes haliare ma ra sakana bala
no uladih nong God ga gilamis leh ie bia na lon tana?
A tutun, no Watong at na kis kaia hatikai.
17 #
2Kng 6.17; Lo 33.2 Ira karis ta God a sangahul na arip ma ra arip na arip.
No Watong i te hanuat meram Sinai,
uram narako tano uno halhaliana subaan na lotu.
18 #
Ep 4.8
Ing u ga hanut uram naliu,
u ga lamus haleng na hiruo ing diet ga kis taar ta ira udiet winwisaan,
ma u ga kap ra hartabar makaia ta ira tunotuno.
Ira ulpat mah diet ga tar hartabar taam,
waing augu God, no nugu Watong, nugu kis kaia.
19A pirharlat tupas no Watong, aie God, no nudahat Ut na Harhalon,
nong i la puspusak ira udahat tinirih ta ira bungbung bakut.
20No nudahat God a God na harhalon ie.
No ngaas wara pas minaat i hanuat meram hono Watong Kiskis.
21Tutun saakit, God na parok ira ulu diet ira uno ebar,
Na parok ira punare diet ing diet tur na gil nironga.
22 #
Nam 21.33; Amo 9.1-3 No Watong i tange, “Iau ni lamus diet maram Basan.
Iau ni lamus diet mekaia tano tingena no tes,
23 #
1Kng 21.19
waing muat ira nugu matanaiabar, muat naga singe ira kaki muat narako ta ira de diet ira numuat ebar,
ma ira karamena ira numuat paap diet na mom tumtubungur.”
24God, di te nes um ira tunotuno ing u lamlamus hani diet,
diet ing no nugu God, no nugu King, i lamus hani diet uram narako tano uno halhaliana katon na lotu.
25 #
1Sto 13.8; 15.16 Ira ut na ninge diet lulua haan. Menamur ta diet ira ut na hus tulaal,
tika ma ira bulahin ing diet tingting ira tamborin.
26Pirlat God narako tano tamat na kis hurlungai.
Pirlat no Watong, muat ira bulumur ta Iakop.
27 #
Het 5.14,18 No nat na huntunaan ta Beniamin iakaikenam i lulue hani diet.
Haleng saakit ira lualua ta Iuda kaia mah,
ma ira lualua ta Sebulon ma ira lualua ta Naptali diet mur.
28God, taguro ma ira num baso.
God, hamines ta mehet no num dadas hoing u gate gil nalua.
29 #
1Kng 10.10,25 Ira king diet na kap hawaat a num hartabar,
wara utano num tamat na hala na lotu aram Ierusalem.
30 #
Jop 40.21; Ese 29.3 Boor ira matanaiabar ta ira hunhuntunaan ta ira mes na hanuo, diet hoing ira rakaia na wawaguai nalamin ta ira putuputu
ma ira huna luhur na tumatena bulumakau tika ma ira nati diet.
I bilai bia diet na hanapu diet ma diet na hartabar ma ra siliwa.
Pasak harbasiane ira kantri ing diet kanakana wara hinarubu.
31 #
Ais 19.19,21; Sef 3.10 A mon tultulai na hanuat me Isip,
ma ira Itiopia diet na tar se hagasiaan ira audiet hartabar uram ho God.
32Muat na inge uram ho God, muat ira kingdom tano ula hanuo.
Inge ra pirharlat uram hono Watong,
33 #
Lo 33.26; 1Kng 8.27 uram ho nong i kisi tar ira bahuto aram ra mawe nong menalua saakit,
aie nong i parparara ma ra tamat na dadas na ingana.
34Hinawas palai tano dadas ta God,
aie nong i balaure Israel ma no uno tamat na dadas,
aie nong no uno baso kenam ra mawe.
35 #
Lo 7.21
God, a tamat na urur tupas ugu narako tano num halhaliana katon na lotu.
No God ta Israel i la tartar ra dadas ma ra baso ta ira uno matanaiabar.
A pirharlat tupas God.
Currently Selected:
Ninge 68: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
